ഹൈലൈറ്റ്:
- അഞ്ച് നേരത്തേ നമസ്‌കാര സമയത്ത് നിര്‍ബന്ധമായും അടച്ചിടണം
- ഇസ്ലാമിക കാര്യ മന്ത്രാലയം നടപടി സ്വീകരിക്കണമെന്നാണ് ശുപാര്‍ശ
നിര്‍ബന്ധ കടയടപ്പ് വ്യവസ്ഥ വെള്ളിയാഴ്ച പ്രാര്‍ഥനയ്ക്കായി മാത്രം ചുരുക്കാനും മറ്റ് ദിവസങ്ങളില്‍ താല്‍പര്യമുള്ളവര്‍ മാത്രം അടച്ചാല്‍ മതിയെന്നും നിര്‍ദ്ദേശിക്കുന്നതാണ് പുതിയ ശുപാര്‍ശ. ശൂറാ കൗണ്‍സിലിന്റെ കീഴിലുള്ള ഇസ്ലാമിക് ആന്റ് ജുഡീഷ്യല്‍ കമ്മിറ്റിക്കു വേണ്ടി അംഗങ്ങളായ അത്ത അല്‍ സുബൈത്തി, ഡോ. ഫൈസല്‍ അല്‍ ഫാദില്‍, ഡോ. ലതീഫ അല്‍ ശാലന്‍, ഡോ. ലതീഫ അല്‍ അബ്ദുല്‍ കരീം എന്നിവരാണ് ശുപാര്‍ശ സമര്‍പ്പിച്ചിരുന്നത്. ഇക്കാര്യത്തില്‍ ഇന്നലത്തെ യോഗത്തില്‍ ചര്‍ച്ചയും വോട്ടെടുപ്പും നടക്കുമെന്നായിരുന്നു നേരത്തേ അറിയിച്ചിരുന്നതെങ്കിലും അവസാന നിമിഷം ചര്‍ച്ച മാറ്റിവയ്ക്കുകയായിരുന്നു.
Also Read: 
മുഴുവന്‍ ഹോട്ടലുകള്‍ക്കും ക്ലീന്‍ ഖത്തര്‍ സര്‍ട്ടിഫിക്കറ്റ്; പദ്ധതി കൂടുതല്‍ മേഖലകളിലേക്ക്
നിലവില്‍ ഫാര്‍മസികള്‍, പെട്രോള്‍ സറ്റേഷനുകള്‍ ഉള്‍പ്പെടെയുള്ള വ്യാപാര സ്ഥാപനങ്ങള്‍ അഞ്ച് നേരത്തേ നമസ്‌കാര വേളയില്‍ നിര്‍ബന്ധമായും അടച്ചിടണം എന്നതാണ് വ്യവസ്ഥ. എന്നാല്‍ ഇത് വെള്ളിയാഴ്ച ജുമുഅ പ്രാര്‍ഥനയ്ക്ക് മാത്രമാക്കി പരിമിതപ്പെടുത്താനും ബാക്കിയുള്ള ദിവസങ്ങളില്‍ ഈ വ്യവസ്ഥ ഒഴിവാക്കാനും ഇസ്ലാമിക കാര്യ മന്ത്രാലയം ബന്ധപ്പെട്ട ഏജന്‍സികളുമായി സഹകരിച്ച് നടപടി സ്വീകരിക്കണമെന്നാണ് ശുപാര്‍ശയിലെ ആവശ്യം.
പ്രാര്‍ഥനാ വേളയിലെ കടയടപ്പുമായി ബന്ധപ്പെട്ട ശുപാര്‍ശയ്ക്കു പുറമെ, പള്ളികളുടെ നിര്‍മാണം, അവയുടെ പരിപാലനം, അറ്റകുറ്റപ്പണികള്‍ നടത്തല്‍, ശുചീകരണം തുടങ്ങിയ കാര്യങ്ങള്‍ സ്വകാര്യ കമ്പനികള്‍ക്ക് കൈമാറണമെന്ന് ആവശ്യപ്പെടുന്ന ഇസ്ലാമിക കാര്യ മന്ത്രാലയത്തിന്റെ ശുപാര്‍ശയും അടുത്ത യോഗത്തിലേക്ക് മാറ്റിയതായി ശൂറാ കൗണ്‍സില്‍ അറിയിച്ചു. ഇതോടൊപ്പം ഇമാമുമാര്‍ ഉള്‍പ്പെടെയുള്ള പള്ളികളിലെ ജീവനക്കാരുടെ എണ്ണം കൂട്ടുന്നതും അവരുടെ ചുമതലകള്‍ പുതുക്കി നിശ്ചയിക്കുന്നതുമായി ബന്ധപ്പെട്ട മറ്റൊരു ശുപാര്‍ശയും ഇത്തവണ ചര്‍ച്ച ചെയ്യാതെ മാറ്റിവച്ചു.
ന്യൂസിലാന്‍റ് പ്രധാനമന്ത്രിയുമായി കത്തിടപാട്… താരമായി അമാന
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : shoura council postpones deliberations on plea not to close shops during prayer times
Malayalam News from malayalam.samayam.com, TIL Network
