അരിയും ഗോതമ്പുമല്ലാതെ തടി കുറയ്ക്കാന്‍ സഹായിക്കുന്ന പല ഭക്ഷണ വസ്തുക്കളുമുണ്ട് ഇവയെക്കുറിച്ചറിയൂ.
അരി ഭക്ഷണം
നാം പൊതുവേ തടി കുറയ്ക്കാന്‍ ശ്രമിയ്ക്കുമ്പോള്‍ ചെയ്യുന്നത് അരി ഭക്ഷണം കുറയ്ക്കുകയും ഗോതമ്പ് പോലുള്ളവ കഴിയ്ക്കുകയുമാണ്. അരിയേക്കാള്‍ കുറവ് കൊഴുപ്പ്, ഗ്ലൈസമിക് ഇന്‍ഡെക്‌സ് കുറവ് തുടങ്ങിയ കാര്യങ്ങളാണ് ഗുണം നല്‍കുന്നത്. കൂടുതല്‍ നാരുകള്‍ എന്നതും തടി കുറയ്ക്കാന്‍ ഗുണകരമാണ്. എന്നാല്‍ ചിലര്‍ക്ക് ഗോതമ്പ് അലര്‍ജിയാണ്. അതായത് ഗ്ലൂട്ടെന്‍ അലര്‍ജി. പലര്‍ക്കുമുണ്ടാകാം. ഇത്തരക്കാര്‍ അരിയ്ക്കും ഗോതമ്പിനും പകരം എന്തു കഴിയ്ക്കുമെന്ന ചോദ്യം സ്വാഭാവികമായും ഉണ്ടാകുകയും ചെയ്യും.
അരിയ്ക്കും ഗോതമ്പിനും പകരം
അരിയ്ക്കും ഗോതമ്പിനും പകരം തടി കുറയ്ക്കാന്‍ സഹായിക്കുന്ന മറ്റൊരു ഭക്ഷണമുണ്ട്. ഇതാണ് മില്ലെറ്റ്‌സ് അഥവാ തിന വര്‍ഗങ്ങള്‍. ഇതില്‍ റാഗി, ചോളം എന്നിവയുണ്ട്. നോര്‍ത്തിന്ത്യയില്‍ ഉപയോഗിച്ചു വരുന്ന ഒന്നാണ് റാഗി. എന്നാല്‍ പലപ്പോഴും നാം കുട്ടികള്‍ക്കു മാത്രമാണ് റാഗിക്കുറുക്ക് നല്‍കാറുള്ളത്. ഇത് ഏറെ നാരുകള്‍ അടങ്ങിയ ഒന്നാണ്. ഇത് കുറച്ചു കഴിച്ചാല്‍ തന്നെ വയര്‍ കുറയുന്നു. ഇതു കൊണ്ട് ദോശയും മറ്റു പല തരത്തിലെ ഭക്ഷണങ്ങളും ഉണ്ടാക്കാം.
കരളിന്
ഇതുപോലെ റാഗി, ചോളം ഉപയോഗിച്ച് പുട്ടു പോലുളള ഉണ്ടാക്കാം. ഇവയെല്ലാം കരളിന് ഏറെ നല്ലതാണ്. ഇവയിലെ ധാതുക്കള്‍ ആരോഗ്യത്തെ സഹായിക്കുന്നു. പൊട്ടാസ്യം, കാല്‍സ്യം, പ്രോട്ടീന്‍, കാര്‍ബോഹൈഡ്രേറ്റുകള്‍ എന്നിവയുണ്ട്. ഗ്ലൈസമിക് ഇന്‍ഡെക്‌സ് തീരെ കുറവാണ്. ഇതിനാല്‍ പ്രമേഹ സാധ്യത ഏറെ കുറവാണ്. ഇവയെല്ലാം ഹൃദയത്തിന് സഹായകമാണ്. ഇവ രക്തക്കുഴലുകളിലെ ബ്ലോക്ക് നീക്കുന്നു. മാത്രമല്ല, ഇതിലെ മഗ്നീഷ്യം രക്തസമ്മര്‍ദം കൃത്യമായി നില നിര്‍ത്താന്‍ നല്ലതാണ്. രക്തസമ്മര്‍ദം പ്രശ്‌നമായാല്‍ വൃക്ക, ഹൃദയം, ബ്രെയിന്‍ എല്ലാം പ്രശ്‌നത്തിലാകും.
ഇന്‍സുലിന്‍ ഉല്‍പാദനം
ഇതു പോലെ ഇന്‍സുലിന്‍ ഉല്‍പാദനം വര്‍ദ്ധിപ്പിയ്ക്കുന്നു. ഇന്‍സുലിന്‍ റെസിസ്റ്റന്‍സ് കുറയ്ക്കും. ഇന്‍സുലിന്‍ റെസിസ്റ്റന്‍സ് ടൈപ്പ് 2 പ്രമേഹത്തിന് പ്രധാന കാരണമാണ്. ഇതുപോലെ കുറച്ചു കഴിച്ചാല്‍ തന്നെ വയര്‍ കുറയുന്നതിനാല്‍ ശരീരത്തിലെ കൊഴുപ്പ് കളയാന്‍ സഹായിക്കുന്നു. ഇതു പോലെ കാല്‍സ്യം സമ്പുഷ്ടമായതിനാല്‍ പ്രായമായവര്‍ക്ക് ഏറെ നല്ലതാണ്. കാരണം കാല്‍സ്യം സമ്പുഷ്ടമാണ്. ഇതിനാല്‍ ഇത്തരം ഭക്ഷണം ഏറെ നല്ലതാണ്.
ഇവ കൊണ്ട്
ഇവ കൊണ്ട് പല വിഭവങ്ങളുമുണ്ടാക്കാം. കുറുക്കി കഴിയ്ക്കുന്നവരാണ് കൂടുതല്‍. എന്നാല്‍ ഇതേ രീതിയില്‍ കഴിയ്ക്കുന്നത് അത്ര നല്ലതല്ല. കാരണം ഇങ്ങനെ ചെയ്യുമ്പോള്‍ ഗ്ലൈസമിക് ഇന്‍ഡെക്‌സ് കൂടും. പകരം ഇഡ്ഢലിയോ പുട്ടോ ഒക്കെയാക്കി കഴിയ്ക്കുന്നതു നല്ലതാണ്. ഇതു പോലെ പക്ഷികള്‍ക്ക് മാത്രം കൊടുക്കാന്‍ ഉപയോഗിയ്ക്കുന്ന തിനയും ഇതേ രീതിയില്‍ തടി കുറയ്ക്കാന്‍ സഹായിക്കുന്ന ഒന്നാണ്. 21 ദിവസം തുടര്‍ച്ചയായി ഉലുവാ കഴിച്ചാല്‍…….
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : best food to replace rice and wheat for weight loss
Malayalam News from malayalam.samayam.com, TIL Network
