ബ്ലാക്ക്ഹെഡ്സ് അകറ്റാൻ ഒരു കിടിലൻ സ്‌ക്രബ്, പരീക്ഷിച്ച് നോക്കൂ…

മുഖക്കുരുവും പാടുകളുമൊന്നും ഇല്ലാത്തതും തിളക്കമുള്ളതുമായ ചർമ്മം ആരാണ് ആഗ്രഹിക്കാത്തത്? തിളക്കമുള്ള ചർമ്മം നിങ്ങളെ പുറത്തു നിന്ന് മാത്രമല്ല, ഉള്ളിൽ നിന്നും മനോഹരമാക്കുന്നു. ആ മനോഹരമായ തിളക്കം നേടുന്നതിന് വളരെയധികം ശ്രദ്ധയും പരിചരണവും ആവശ്യമാണ്. എന്നിരുന്നാലും, നിങ്ങൾക്ക് എണ്ണമയമുള്ള ചർമ്മ തരം ഉണ്ടെങ്കിൽ, ആ തിളക്കം ലഭിക്കുന്നതിന് കൂടുതൽ ശ്രദ്ധ നൽകേണ്ടതുണ്ട്. മുഖക്കുരു, പാടുകൾ, വൈറ്റ്ഹെഡ്സ്, ബ്ലാക്ക്ഹെഡ്സ് തുടങ്ങിയ ചർമ്മ സംബന്ധമായ പ്രശ്നങ്ങൾ ഉണ്ടാകാൻ എണ്ണമയമുള്ള ചർമ്മത്തിന് സാധ്യത കൂടുതലാണ്.



മുഖത്തിന്റെ സൗന്ദര്യം പൂർണ്ണമായും കവർന്നെടുക്കാൻ ശേഷിയുള്ളവയാണ് ബ്ലാക്ക്ഹെഡ്‍സും വൈറ്റ്ഹെഡ്‍സും. ഇവയിൽ നിന്ന് രക്ഷ നേടുന്നതിന് ധാരാളം ആളുകൾ സലൂൺ, സൗന്ദര്യ സംരക്ഷണ ഉൽപ്പന്നങ്ങൾ എന്നിവയ്ക്കായി ധാരാളം പണം ചിലവഴിക്കുന്നു. എന്നാൽ, വീട്ടിലെ കുറച്ച് നുറുങ്ങുകളും പൊടിക്കൈകളും അവയിൽ നിന്ന് രക്ഷപ്പെടാൻ നിങ്ങളെ സഹായിക്കും എന്ന കാര്യം അറിയാമോ?

ചർമ്മത്തിലെ തുറന്ന സുഷിരങ്ങൾ അഴുക്കുമായി സമ്പർക്കം പുലർത്തുമ്പോൾ, അത് അഴുക്ക് കണങ്ങളുടെ ശേഖരണത്തിലേക്ക് നയിക്കുകയും അത് ഒടുവിൽ ബ്ലാക്ക്ഹെഡ്സ് രൂപപ്പെടുന്നതിലേക്ക് നയിക്കുകയും ചെയ്യുന്നു. മൂക്ക്, കവിൾ, താടി എന്നിവയാണ് ബ്ലാക്ക്ഹെഡ്സ് രൂപപ്പെടാൻ സാധ്യതയുള്ള പ്രദേശങ്ങൾ. നിങ്ങളുടെ മുഖം, കുറച്ച് അടിസ്ഥാന അടുക്കള ചേരുവകൾ ഉപയോഗിച്ച് സൗമ്യമായി സ്‌ക്രബ് ചെയ്യുന്നത്, ബ്ലാക്ക്ഹെഡ്സ് പ്രശ്നങ്ങൾ പരിഹരിക്കുന്നതിന് ഒരു പടി മുന്നോട്ട് പോകാൻ നിങ്ങളെ സഹായിക്കും.

അഴകേറും പാദങ്ങൾക്ക് ഉപയോഗിക്കാം ഈ സ്‌ക്രബുകൾ

ബ്ലാക്‌ഹെഡ്സ് അകറ്റാൻ സഹായിക്കുന്ന സ്‌ക്രബ്



ഈ സ്‌ക്രബ് നിങ്ങൾക്ക് ആഴ്ചയിൽ കുറഞ്ഞത് രണ്ട് തവണയെങ്കിലും ഉപയോഗിക്കാവുന്നതാണ്. ഇത് തയ്യാറാക്കാനായി നിങ്ങൾക്ക് വേണ്ടത്,

ഒരു വാഴപ്പഴം (ഉടച്ചത്)

രണ്ട് ടേബിൾ സ്പൂൺ ഓട്സ് (തരികളായി പൊടിച്ചെടുത്തത്)

ഒരു ടേബിൾ സ്പൂൺ തേൻ

തയ്യാറാക്കേണ്ട രീതി:



ആദ്യം, ഒരു പാത്രം എടുത്ത് തരികളായി പൊടിച്ചെടുത്ത ഓട്സ് അതിലേക്ക് ചേർക്കുക. പിന്നെ, ഉടച്ചെടുത്ത പഴത്തിലേക്ക് തേൻ ചേർത്ത് യോജിപ്പിച്ച ശേഷം എല്ലാ ചേരുവകളും ഒരുമിച്ച് ചേർത്ത് മുഖത്ത് ഈ മിശ്രിതം പുരട്ടുക.

ഇത് ഒരു വൃത്താകൃതിയിലുള്ള ചലനത്തിൽ സ്‌ക്രബ് ചെയ്യുക, തുടർന്ന് 5-7 മിനിറ്റ് മുഖത്ത് തുടരാൻ അനുവദിക്കുക.

ഇത് ചെയ്തുകഴിഞ്ഞാൽ, ചെറുചൂടുള്ള വെള്ളം ഉപയോഗിച്ച് മുഖം കഴുകി, ചർമ്മത്തിൽ മൃദുവായ മോയ്‌സ്ചുറൈസർ പുരട്ടാം.

മുഖം മിനുക്കാം, സുന്ദരിയാകാം; ഈ ബ്ലാക്ബെറി -തൈര് പാക്ക് ഉപയോഗിച്ചോളൂ

ഗുണങ്ങൾ



നിർജ്ജീവ ചർമ്മകോശങ്ങളെ പുറംതള്ളാൻ ഓട്‌സ് സഹായിക്കുന്നു, മാത്രമല്ല അഴുക്ക് നീക്കം ചെയ്യാനും ഇത് ഫലപ്രദമാണ്. ഇതുകൂടാതെ, ഓട്‌സിന് ചർമ്മത്തിൽ നിന്ന് അധിക എണ്ണ നീക്കം ചെയ്യാനും കഴിവുണ്ട്. തേൻ ഈർപ്പം പകരുന്ന ഒരു മോയ്സ്ചറൈസിംഗ് ഘടകമായി പ്രവർത്തിക്കുന്നു, കൂടാതെ ആൻറി ബാക്ടീരിയൽ, ആന്റി മൈക്രോബയൽ ഗുണങ്ങളും ഇതിനുണ്ട്. അതേസമയം, ചർമ്മത്തിലെ നഷ്ടപ്പെട്ട ഈർപ്പം നിലനിർത്താൻ വാസപ്പഴം സഹായിക്കുന്നു. ഓട്‌സിനൊപ്പം പഴം കൂടെ ചേർക്കുന്നത് നിർജ്ജീവ ചർമ്മം പുറംതള്ളുന്നതിന്റെ ശക്തിയെ ഇരട്ടിയാക്കുന്നു, ഇത് എണ്ണമയമുള്ള ചർമ്മത്തിന് അനുയോജ്യമാണ്.

അതിനാൽ, അടുത്ത തവണ നിങ്ങൾ ചർമ്മ സംരക്ഷണം ചെയ്യാൻ പദ്ധതിയിടുമ്പോൾ, ഈ വീട്ടിൽ തയ്യാറാക്കാവുന്ന സ്‌ക്രബ് നിങ്ങളുടെ സൗന്ദര്യസംരക്ഷണത്തിന്റെ ഭാഗമാക്കി മാറ്റുക, ഇത് ക്രമേണ നിങ്ങളുടെ ബ്ലാക്‌ഹെഡ്സ് നീക്കം ചെയ്യാൻ സഹായിക്കും.

ശ്രദ്ധിക്കുക: ഉപദേശം ഉൾപ്പെടെയുള്ള ഈ ഉള്ളടക്കം പൊതുവായ വിവരങ്ങൾ മാത്രം നൽകുന്നു. ഇത് ഒരു തരത്തിലും ഒരു വിദഗ്‌ദ്ധ വൈദ്യോപദേശത്തിനും അഭിപ്രായത്തിനും പകരമാവില്ല. കൂടുതൽ വിവരങ്ങൾക്ക് എല്ലായ്പ്പോഴും ഒരു സ്പെഷ്യലിസ്റ്റിനെയോ നിങ്ങളുടെ സ്വന്തം ഡോക്ടറെയോ ബന്ധപ്പെടുക.