കാനം രാജേന്ദ്രന് കൊവിഡ്; ആശുപത്രിയില്‍ പ്രവേശിപ്പിച്ചു

കൊച്ചി: സിപിഐ സംസ്ഥാന സെക്രട്ടറി കാനം രാജേന്ദ്രന് കൊവിഡ് സ്ഥിരീകരിച്ചു. അദ്ദേഹത്തെ ആശുപത്രിയില്‍ പ്രവേശിപ്പിച്ചിരിക്കുകയാണ്. കൊവിഡ് ബാധ സ്ഥിരീകരിച്ച വിവരം അദ്ദേഹം തന്നെയാണ് സമൂഹ മാധ്യത്തിലൂടെ അറിയിച്ചത്.



കഴിഞ്ഞ ദിവസങ്ങളില്‍ താനുമായി സമ്പര്‍ക്കം പുലര്‍ത്തിയവര്‍ നിരീക്ഷണത്തില്‍ പോവണമെന്ന് കാനം അറിയിച്ചു.

Also Read : പാലാ സീറ്റിനെക്കുറിച്ച് മാത്രം മുഖ്യമന്ത്രി സംസാരിച്ചില്ല; ഇടതുമുന്നണിയിൽ സംഭവിച്ചതെന്തെന്ന് മാണി സി കാപ്പൻ



‘കൊവിഡ് – 19 സ്ഥിരീകരിച്ചു, ആശുപത്രിയിൽ അഡ്മിറ്റായി. അടുത്ത ദിവസങ്ങളിൽ ഞാനുമായി സമ്പർക്കം പുലർത്തിയവർ നിരീക്ഷണത്തിൽ പോകേണ്ടതാണ്.’ കാനം ഫേസ്ബുക്കിൽ കുറിച്ചു.

Also Read : ‘ജോസ് പക്ഷം ഇനി ആ പഴയ പാർട്ടിയല്ല, അടിമുടി മാറും’: കേഡർ സംവിധാനത്തിലേക്ക്, പ്രധാന മാറ്റങ്ങൾ



അതേസമയം സംസ്ഥാനത്ത് കൊവിഡ് രണ്ടാം തരംഗത്തിലെ രോഗബാധ കുറഞ്ഞ് വരികയാണ്. ഇന്നലെ 7,499 പേര്‍ക്കായിരുന്നു കൊവിഡ്-19 സ്ഥിരീകരിച്ചത്. തിരുവനന്തപുരം, എറണാകുളം, തൃശൂർ, കൊല്ലം ജില്ലകളിലാണ് കൂടുതൽ കേസുകൾ തിങ്കളാഴ്ച റിപ്പോർട്ട് ചെയ്തത്. രോഗം സ്ഥിരീകരിച്ച് ചികിത്സയിലായിരുന്ന 13,596 പേര്‍ രോഗമുക്തി നേടിയിരുന്നു. ഇതോടെ 99,693 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 27,04,554 പേര്‍ ഇതുവരെ കൊവിഡില്‍ നിന്നും മുക്തി നേടി.