അടിയന്തര ഘട്ടങ്ങളില്‍ ആയുര്‍വേദ ഡോക്ടര്‍മാര്‍ക്കും അലോപ്പതി മരുന്നുകള്‍ കുറിക്കാം; അനുമതിയുമായി ഉത്തരാഖണ്ഡ്

ഡെറാഡൂണ്‍: അടിയന്തര ഘട്ടങ്ങളില്‍ ആയുര്‍വേദ ഡോക്ടര്‍മാര്‍ക്ക് അലോപ്പതി മരുന്നുകള്‍ കുറിച്ചുനല്‍കാന്‍ അനുമതി നല്‍കി ഉത്തരാഖണ്ഡ് സര്‍ക്കാര്‍. സംസ്ഥാന സർക്കാർ നടപടിക്കെതിരെ ഇന്ത്യൻ മെഡിക്കൽ അസോസിയേഷൻ രംഗത്തെത്തുകയും ചെയയ്തു. സർക്കാർ നടപടി നിയമവിരുദ്ധമാണെന്ന് ഐഎംഎ ചൂണ്ടിക്കാട്ടി.



അന്താരാഷ്ട്ര യോഗാദിനവുമായി ബന്ധപ്പെട്ട് ഉത്തരാഖണ്ഡ് ആയുര്‍വേദിക് സര്‍വകലാശാലയില്‍ നടന്ന പരിപാടിക്കിടെയാണ് സംസ്ഥാന ആയുഷ് മന്ത്രി ഇക്കാര്യം പ്രഖ്യാപിച്ചത്. അടിയന്തര ഘട്ടങ്ങളില്‍ ആയുര്‍വേദ ഡോക്ടര്‍മാര്‍ക്ക് അലോപ്പതി മരുന്നുകള്‍ കുറിച്ച് നൽകാമെന്നായിരുന്നു മന്ത്രി ഹരക് സിങ് റാവത്ത് പറഞ്ഞത്.

സൗജന്യ വാക്സിന് ‘നന്ദി മോദിജി’; കോളേജുകളിൽ പ്രധാനമന്ത്രിയുടെ ഫ്ലക്സ് വെക്കാൻ യുജിസി നിർദേശം

സംസ്ഥാനത്തിന്‍റെ ഉള്‍ മേഖലകളിലുള്ളവര്‍ക്ക് ഈ തീരുമാനം സഹായമാകുമെന്നായിരുന്നു ആയുഷ് മന്ത്രിയുടെ വാക്കുകൾ. വിദൂരപ്രദേശങ്ങളിൽ കൂടുതലും ആയുര്‍വേദ ഡിസ്പെൻസറികളാണെന്നും അദ്ദേഹം ചൂണ്ടിക്കാട്ടിയിരുന്നു. “സംസ്ഥാനത്ത് എണ്ണൂറിലധികം ആയുര്‍വേദ ഡോക്ടര്‍മാരുണ്ട്. അത്രത്തോളം തന്നെ ആയുര്‍വേദ ഡിസ്‌പെന്‍സറികളുമുണ്ട്. ഇതില്‍ 90 ശതമാനവും പ്രവര്‍ത്തിക്കുന്നത് ഒറ്റപ്പെട്ട മലമ്പ്രദേശങ്ങളിലാണ്” ഇവിടങ്ങളിലുള്ളവർക്ക് അടിയന്തിര ഘട്ടത്തിൽ അലോപ്പതി ചികിത്സ ഉറപ്പാക്കാനാകുമെന്നും മന്ത്രി പറയുന്നു.

Also Read : പ്രതിപക്ഷ നേതാക്കളുടെ യോഗം വിളിച്ച് പവാര്‍; ‘കേന്ദ്രം പരാജയം’; ബിജെപി വിരുദ്ധ ചേരി ശക്തിപ്പെടുത്താൻ ‘രാഷ്ട്രീയ മഞ്ച്



മന്ത്രിയുടെ പ്രഖ്യാപനത്തിന് പിന്നാലെ തീരുമാനത്തിനെകിരെ രംഗത്തെത്തിയ ഐഎംഎ നടപടി നിയമവിരുദ്ധമാണെന്ന് പ്രതികരിച്ചു. “ഇത് നിയമവിരുദ്ധനാണ്. മിക്‌സോപ്പതിയാണ് മന്ത്രി മുന്നോട്ടുവെയ്ക്കുന്നത്. അത് രോഗികളെ ദോഷകരമായി മാത്രമേ ബാധിക്കുകയുള്ളൂ. യോഗ്യത നേടാത്ത ആയുർവേദ ഡോക്ടർമാർക്ക് അലോപ്പതി പ്രാക്ടീസ് ചെയ്യാൻ കഴിയില്ല” ഐഎംഎ ഉത്തരാഖണ്ഡ് സെക്രട്ടറി അജയ് ഖന്ന പറഞ്ഞു.