ചരൺജിത് സിങ് ഛന്നിയുടെ ‘ഭയ്യാമാർ’ പ്രയോഗം കോൺഗ്രസിന് തിരിച്ചടിയായിരിക്കുകയാണ്. യുപി, ബീഹാർ, ഡൽഹി എന്നിവിടങ്ങളിൽ നിന്നുള്ള ഭയ്യാമാരെ പഞ്ചാബിൽ പ്രവേശിപ്പിക്കരുതെന്നായിരുന്നു ഛന്നിയുടെ പരാമർശം. ഇത് വിഭാഗീയ ചിന്താഗതിയാണെന്ന് പ്രധാനമന്ത്രി നരേന്ദ്ര മോദി ആരോപിച്ചു. ഒരു പ്രദേശത്തെ ആളുകളെ മറ്റൊരു പ്രദേശത്തിനെതിരെ പോരാടാൻ പ്രേരിപ്പിക്കുന്നതാണ് കോൺഗ്രസിന്റെ ശൈലിയെന്ന് മോദി പറഞ്ഞു. റൂപ്നഗർ മണ്ഡലത്തിൽ റോഡ് ഷോയ്ക്കിടെയാണ് ഛന്നി വിവാദ പരാമർശം നടത്തിയത്.
ഭരിക്കാൻ തുടങ്ങിയിട്ട് ഏഴു വർഷം, ഇപ്പോഴും കുറ്റം നെഹ്റുവിന്; മോദിയ്ക്കെതിരെ മൻമോഹൻ സിങ്
ഡൽഹി മുഖ്യമന്ത്രി അരവിന്ദ് കെജ്രിവാളിന് ഖലിസ്ഥാൻ ബന്ധമുണ്ടെന്ന കുമാർ വിശ്വാസിന്റെ ആരോപണം വിവാദത്തിന് തിരികൊളുത്തി. കെജ്രിവാളിനെതിരായ ഖലിസ്ഥാൻ ആരോപണം ബിജെപിയും കോൺഗ്രസും തെരഞ്ഞെടുപ്പ് പ്രചാരണത്തിൽ ആയുധമാക്കുകയാണ്. ആരോപണത്തിൽ അന്വേഷണം നടത്തുമെന്ന് കേന്ദ്ര ആഭ്യന്തര വകുപ്പ് മന്ത്രി അമിത് ഷാ വ്യക്തമാക്കി. കെജ്രിവാളിനെതിരെ അന്വേഷണം ആവശ്യപ്പെട്ട് പഞ്ചാബ് മുഖ്യമന്ത്രി ചരണ്‍ജിത് സിങ് ചന്നി കത്ത് നൽകിയതിന് പിന്നാലെയാണ് അമിത് ഷായുടെ പ്രതികരണം.
ലോകത്തിലെ ഏറ്റവും മാധുര്യമുള്ള തീവ്രവാദി ഞാനായിരിക്കുമെന്ന് കെജ്രിവാൾ; അന്വേഷണം നടത്തുമെന്ന് അമിത് ഷാ
കെജ്രിവാളിനെതിരെയുള്ള പുതിയ ആരോപണത്തിലും 2017ലെ നിയമസഭാ തെരഞ്ഞെടുപ്പിൽ വിഘടനവാദി സംഘടനയായ സിഖ് ഫോർ ജസ്റ്റിസിന് ആം ആദ്മി പാർട്ടിക്ക് നൽകിയ പിന്തുണയും അടിസ്ഥാനമാക്കി അന്വേഷണം നടത്തുമെന്ന് അമിത് ഷാ പറഞ്ഞു.
പഞ്ചാബ് അഭിമാന പ്രശ്നമായാണ് രാഷ്ട്രീയ പാർട്ടികൾ കരുതുന്നത്. പ്രധാനമന്ത്രി നരേന്ദ്ര മോദി, രാഹുൽ ഗാന്ധി ഉൾപ്പെടെയുള്ള കരുത്തരെയാണ് വിവിധ ദേശീയ പാർട്ടികൾ പ്രചാരണ പ്രവർത്തനങ്ങൾക്ക് രംഗത്തിറക്കിയത്. 1304 സ്ഥാനാർത്ഥികളാണ് ഞായറാഴ്ച ജനവിധി തേടുന്നത്. ഇതിൽ 93 പേർ മാത്രമാണ് വനിതകൾ.
ഒടുവിൽ കൊലക്കത്തി കണ്ടെത്തി! രാജേന്ദ്രൻ ഒളിപ്പിച്ചത് ഇവിടെ
Web Title : punjab assembly election 2022 on sunday
Malayalam News from Samayam Malayalam, TIL Network
