വീടിന്‍റെ ചുമര് തകർത്ത് അടുക്കളയിൽ ആന; അരി കഴിച്ച് മടക്കം: വീഡിയോ

ബാങ്കോക്ക്: വനത്തോട് ചേർന്ന് താമസിക്കുന്ന ജനങ്ങൾക്ക് വന്യമൃഗങ്ങളുടെ ശല്യം സാധാരണ കാര്യമാണ്. രാത്രി പുറത്തിറങ്ങുമ്പോൾ പോലും ഭയന്നുകൊണ്ടാകും ഇവർ കഴിയുന്നത്. വീടിനടുത്തേക്ക് ആനയോ മറ്റോ എത്തിയാൽ പിന്നെ മാനസികാവസ്ഥ എന്തായിരിക്കുമെന്ന് പറയുകയേ വേണ്ട. ഇപ്പോഴിതാ തായ്‍ലൻഡിലെ ഒരു കുടുംബം തങ്ങളുടെ അടുക്കളയിൽ എത്തിയ ആനയുടെ വീഡിയോ പുറത്ത് വിട്ടതാണ് അന്താരാഷ്ട്ര മാധ്യമങ്ങളിൽ ചർച്ചയാകുന്നത്.



തെക്കൻ തായ്‌ലൻഡിലെ ഹുവ ഹിനിലുള്ള ഒരു വീട്ടിൽ ഞായറാഴ്ച അർധരാത്രിയാണ് സംഭവം. ചുമരിടിച്ച് തകർത്ത് അടുക്കളയിൽ കയറിയ ആന ചാക്കിൽ സൂക്ഷിച്ചിരുന്ന അരി കഴിച്ച് മടങ്ങുകയായിരുന്നു. സാമൂഹ മാധ്യമങ്ങളിൽ ആനയുടെ വീഡിയോ വൈറലാവുകയാണ്.

Also Read : നടുക്കടലിൽ വച്ച് 18,000 കിലോ ബോംബ് ഒന്നിച്ച് പൊട്ടിയാൽ എന്ത് സംഭവിക്കും? പരീക്ഷണവുമായി അമേരിക്കൻ നാവികസേന



സ്ഥലത്ത് പതിവായ് എത്തുന്ന പ്ലായ് ബഞ്ചുവേ എന്ന ആനയാണ് രാംചധവന്‍ ഫംഗ്‌പ്രാസോപ്പോർണിന്‍റെ വീടിന്‍റെ അടുക്കള ചുമര്‍ തകര്‍ത്തത്. രാത്രി രണ്ട് മണിയോടെ ശബ്ദം കേട്ട് വീടിന്‍റെ അടുക്കള ഭാഗത്തേക്ക് എത്തിയപ്പോഴാണ് ആനയെ കണ്ടതെന്നാണ് വീട്ടുടമ പറയുന്നതെന്ന് ഡെയ്ലി മെയിലാണ് റിപ്പോർട്ട് ചെയ്തത്.

പ്ലേ ബഞ്ചുവേ പ്രദേശത്ത് സ്ഥിരം ശല്യക്കാരനാണെന്നും രണ്ട് മാസം മുമ്പും വീടിന് സമീപത്തും എത്തിയിരുന്നും വീട്ടുകാർ പറയുന്നു. എന്നാൽ അന്ന് നഷ്ടങ്ങളൊന്നും ഉണ്ടാക്കിയിരുന്നില്ല.

യോഗയുടെ ജന്മനാട് ഇന്ത്യയല്ല, നേപ്പാൾ; അന്ന് ഇന്ത്യ ഉണ്ടായിരുന്നില്ലെന്ന് നേപ്പാൾ പ്രധാനമന്ത്രി

വീടിന്‍റെ ചുമര് ശരിയാക്കാന്‍ 50,000 രൂപയോളം ചിലവാകും. എന്നാൽ ആനയുടെ ആക്രമണം വീണ്ടും ഉണ്ടാകുമോയെന്ന ഭയത്തിലാണ് ഇവർ ഇപ്പോൾ. അടുക്കളയിൽ ഭക്ഷണം സൂക്ഷിക്കരുതെന്നും അത് മൃഗങ്ങളെ ആകർഷിക്കുമെന്നുമാണ് അധികൃതർ പറയുന്നതെന്നും ഇവർ കൂട്ടിച്ചേർത്തു.