കേരളത്തെ കുറ്റം പറയുന്നത് സ്വന്തം പരാജയം മറയ്ക്കാൻ: യോഗി ആദിത്യനാഥിനെതിരെ പ്രിയങ്ക ഗാന്ധി

Also Read: ഹിജാബ് ധരിക്കുന്നത് മതസ്വാതന്ത്രമല്ല, ആവിഷ്കാര സ്വാതന്ത്ര്യം മാത്രം: നിയന്ത്രണമാകാമെന്ന് കർണാടക സർക്കാർ



യുപി നിയമസഭാ തെരഞ്ഞെടുപ്പിൽ കോൺഗ്രസ് ശക്തമായ തിരിച്ചുവരവ് നടത്തുമെന്ന് പ്രിയങ്ക ഗാന്ദി പറഞ്ഞു. യുപിയിലെ ജനങ്ങള്‍ ഏറെ പ്രശ്നങ്ങളിലൂടെയാണ് കടന്നു പോകുന്നതെന്നും ഈ പ്രശ്നങ്ങള്‍ പരിഹരിക്കാൻ കഴിയുന്ന രാഷ്ട്രീയ പാര്‍ട്ടിയ്ക്കായിരിക്കും ജനങ്ങള്‍ വോട്ട് ചെയ്യുകയെന്നും പ്രിയങ്ക ഗാന്ധി വ്യക്തമാക്കി. ലഖിംപൂര്‍ കേസിലും ഉന്നാവ് കേസിലും പ്രതിസ്ഥാനത്തു വരുന്നവര്‍ അധികാരസ്ഥാനങ്ങളിലാണെന്നും ഇരയ്ക്കു പകരം പ്രതിയെ സംരക്ഷിക്കാനാണ് പോലീസ് ശ്രമിക്കുന്നതെന്നും പ്രിയങ്ക ഗാന്ധി കുറ്റപ്പെടുത്തി. അക്രമത്തിന് ഇരയായ സ്ത്രീകള്‍ അപമാനിക്കപ്പെടുകയാണെന്നും സര്‍ക്കാര്‍ ഇതു തടയാൻ ഒന്നും ചെയ്യുന്നില്ലെന്നും പ്രിയങ്ക ഗാന്ധി പറഞ്ഞു.

Also Read: സാംസ്കാരിക കേരളത്തിന് നികത്താനാകാത്ത നഷ്ടം; പുരോഗമന പ്രസ്ഥാനത്തോട് ഹൃദയബന്ധം പുലർത്തി: കോടിയേരി

യുപി നിയമസഭാ തെരഞ്ഞെടുപ്പ് പ്രചാരണ വേദിയിലായിരുന്നു കേരളത്തെ അധിക്ഷേപിച്ച് യോഗി ആദിത്യനാഥ് രംഗത്തെത്തിയത്. ജനങ്ങള്‍ക്ക് കൈയ്യബദ്ധം പറ്റരുതെന്നും യുപി കേരളം പോലെയാകാതിരിക്കാൻ ബിജെപിയ്ക്ക് തന്നെ വോട്ട് ചെയ്യണമെന്നുമായിരുന്നു യോഗിയുടെ പരിഹാസം. എന്നാൽ കേരളത്തിലെയും പശ്ചിമ ബംഗാളിലെയും രാഷ്ട്രീയ കൊലപാതകങ്ങള്‍ ഉയര്‍ത്തിക്കാട്ടിയാണ് താൻ പരാമര്‍ശം നടത്തിയതെന്നും ജനങ്ങള്‍ക്ക് മുന്നറിയിപ്പ് കൊടുക്കേണ്ടത് തന്‍റെ കടമയാണെന്നും യോഗി വിശദീകരിച്ചു.

എന്നാൽ യോഗി ആദിത്യനാഥിനു മറുപടിയുമായി മുഖ്യമന്ത്രി പിണറായി വിജയൻ, പ്രതിപക്ഷ നേതാവ് വി ഡി സതീശൻ, മുൻ ആരോഗ്യമന്ത്രി കെ കെ ശൈലജ തുടങ്ങിയവര്‍ രംഗത്തെത്തിയിരുന്നു. യോഗിയ്ക്ക് കേരളത്തെപ്പറ്റി ഒന്നുമറിയില്ലെന്നും കേരളം യുപിയെക്കാള്‍ ഏറെ മുന്നിലാണെന്നും വ്യക്തമാക്കി എസ് പി നേതാവ് അഖിലേഷ് യാദവും രംഗത്തെത്തിയിരുന്നു.