വണ്ണം കുറയ്ക്കാൻ കസേരയിലിരുന്ന് ചെയ്യാം ഈ വ്യായാമം

ശരീരഭാരം കുറയ്ക്കാൻ സഹായിക്കുന്ന വ്യായാമങ്ങൾ ചെയ്യാൻ ഒരു എളുപ്പവഴി പരിചയപ്പെടാം. ഇരുന്ന് കൊണ്ട് ചെയ്യാവുന്ന ഒരു കാർഡിയോ വ്യായാമം. കസേരയിൽ ഇരുന്നുകൊണ്ട് ചെയ്യാവുന്ന സീറ്റഡ് കാർഡിയോ വ്യായാമത്തെ കുറിച്ച് നിങ്ങളിൽ കുറച്ചു പേരെങ്കിലും ഇതിനകം കേട്ടിരിക്കണം. ഇതേ കുറിച്ച് കൂടുതൽ മനസ്സിലാക്കാം.



ഇരുന്നുകൊണ്ട് ചെയ്യുന്ന കാർഡിയോ കുറച്ച് മിനിറ്റ് ചെയ്യുന്നത് നിങ്ങളുടെ ഹൃദയമിടിപ്പ് വർദ്ധിപ്പിക്കാനും വളരെയധികം കലോറി കത്തിക്കാനും കഴിയുമെന്ന് നിങ്ങൾക്കറിയാമോ?

ഇരുന്നുകൊണ്ടുള്ള കാർഡിയോ ചെയ്യാൻ തുടങ്ങുന്നതിനു മുമ്പ് ശ്രദ്ധിക്കേണ്ട ചില കാര്യങ്ങൾ ഇതാ

* ഇത് ഒറ്റ ഇടവേള മാത്രം ഉള്ള വ്യായാമമാണ്, അതിനാൽ ഇടക്ക് വെച്ച് നിർത്താതിരിക്കാൻ ശ്രദ്ധിക്കുക

* ആവശ്യമെങ്കിൽ സമയം നോക്കാൻ ഒരു സ്റ്റോപ്പ് വാച്ച് കരുതാം.

* നിങ്ങൾ ഓരോ വ്യായാമവും ഒരു മിനിറ്റ് നേരത്തേക്ക് ചെയ്യണം.

* ശരിയായ രീതിയിൽ വസ്ത്രം ധരിക്കുക, അങ്ങനെ നിങ്ങൾക്ക് ശരിയായി വളയാനും കുനിയാനും കഴിയും. നിങ്ങൾക്ക് കാലിൽ ധരിക്കാൻ വെറും സോക്സോ ഷൂസോ തിരഞ്ഞെടുക്കാം.

* നിങ്ങളുടെ കസേര, സോഫ അല്ലെങ്കിൽ നിങ്ങൾ ഇരിക്കുന്നിടത്തെല്ലാം ഉറച്ച അടിത്തറയുണ്ടെന്ന് ഉറപ്പാക്കുക. ഇത് സ്വയം സന്തുലിതമാകാൻ നിങ്ങളെ സഹായിക്കും.

പുറത്തിറങ്ങേണ്ട, വ്യായാമവും മുടക്കേണ്ട; ശീലിക്കാം ഈ ഇൻഡോർ വ്യായാമങ്ങൾ

നിങ്ങൾക്കായി ഇരുന്നുകൊണ്ടുള്ള കാർഡിയോ വ്യായാമം ഇതാ

1. സീറ്റഡ് ബെൻഡ് : നിങ്ങളുടെ കസേരയിൽ ഇരിക്കുക, കൈകൾ മുകളിലേക്ക് നീട്ടി, നിങ്ങളുടെ അരയ്ക്ക് മേൽപ്പൊട്ടുള്ള ശരീരം മുമ്പോട്ട് വളച്ച് കുനിയുക. നിങ്ങളുടെ കാൽവിരലുകളിൽ സ്പർശിച്ച് മുകളിലേക്ക് വരാൻ ശ്രമിക്കുക. ശരിക്കും വേഗത്തിൽ ചെയ്യുക. നിങ്ങൾ താഴേക്കിറങ്ങുമ്പോൾ ശ്വാസം പുറത്തേക്ക് വിടുക, മുകളിലേക്ക് വരുമ്പോൾ ശ്വാസം എടുക്കുക.

2. സീറ്റഡ് ലെഗ് റൈസ്: നിങ്ങളുടെ കസേരയുടെ കൈയിൽ പിടിക്കുക അല്ലെങ്കിൽ അത് ഒരു സോഫയാണെങ്കിൽ, സീറ്റ് പിടിക്കുക, ശരീരത്തിന്റെ നടുഭാഗം നേരെ വയ്ക്കുക, കാലുകൾ മുകളിലേക്ക് ഉയർത്തുക. ഇത് നിങ്ങളുടെ മുകളിലെ ശരീരവുമായി ഏകദേശം 90 ഡിഗ്രി കോണിലായിക്കഴിഞ്ഞാൽ, കാലുകൾ താഴേക്ക് കൊണ്ടുവരിക. നിങ്ങളുടെ കാലുകൾ മുകളിലേക്ക് ഉയർത്തുമ്പോൾ ശ്വസിക്കുകയും താഴേക്ക് കൊണ്ടുവരുമ്പോൾ ശ്വാസം പുറത്തേക്ക് കളയുകയും ചെയ്യുക.

3. സീറ്റഡ് ജാക്ക്: കസേരയിൽ നേരെ ഇരിക്കുക, നിങ്ങൾ ജമ്പിംഗ് ജാക്കുകൾ ചെയ്യുന്നതുപോലെ അതേ നീക്കം നടത്തുക. നിങ്ങളുടെ കാലുകളും കൈകളും അതിനനുസരിച്ച് ഇരുന്നുകൊണ്ട് ചലിപ്പിക്കാം. ഇത് കുറഞ്ഞ തീവ്രതയുള്ള വ്യായാമമാണ്, അതിനാൽ നിങ്ങളുടെ കാൽമുട്ടുകൾക്കും ദോഷം ചെയ്യില്ല. നിങ്ങളുടെ പാദങ്ങൾ നീട്ടിക്കൊണ്ട് ശ്വാസം പുറത്തേക്ക് കളയുക, അവ തിരികെ കൊണ്ടുവരുമ്പോൾ ശ്വാസം എടുക്കുക.

4. സീറ്റഡ് ക്രോസ്: നിങ്ങളുടെ തലയിൽ കൈ വയ്ക്കുക, നിങ്ങളുടെ വലതു കാൽ വളച്ച് കാൽമുട്ട് ഉയർത്തുക, ഒരേസമയം മുന്നോട്ട് കുനിയുക, ഇടത് കൈയുടെ കൈമുട്ട് നിങ്ങളുടെ വലത് കാൽമുട്ടിന് തൊടുക. ശേഷം, ഇടത് കാലും വലതു കൈമുട്ടും ഉപയോഗിച്ച് ഇത് ചെയ്യുക. ഓരോ വശവും ഇടവിട്ട് ആവർത്തിച്ച് വേഗത്തിൽ ചെയ്യുക.

ആദ്യമായി മെഡിറ്റേഷൻ ശീലിക്കുന്നവർക്ക് ചില കൂൾ ടിപ്സ്

ഇനി ഒരു മിനിറ്റ് വിശ്രമിക്കുക.

5. ഹൈ നീസ്: കസേരയിൽ നേരെ ഇരിക്കുക, കൈകൾ കസേരയുടെ വശങ്ങളിൽ പിടിക്കുക, കാൽമുട്ടുകൾ വളയ്ക്കുക, ഇനി നിങ്ങളുടെ കാൽമുട്ടുകൾ വേഗത്തിൽ ഉയർത്തുക.

6. സീറ്റഡ് ട്വിസ്റ്റ്: നിങ്ങളുടെ കൈകൾ തലയുടെ പിൻഭാഗത്ത് വയ്ക്കുക, നിങ്ങളുടെ കാലുകൾ നിലത്ത് ഉറപ്പിക്കുക. ഇനി, നിങ്ങളുടെ അരയ്ക്ക് മേൽപ്പൊട്ടുള്ള ശരീരം കഴിയുന്നത്ര വേഗത്തിൽ ഓരോ വശങ്ങളിലേക്ക് തിരിക്കുക.

7. ചെയർ റണ്ണിങ്: കാലുകൾ നീട്ടി, കാൽവിരലുകൾ ചൂണ്ടിക്കൊണ്ട്, കൈകൾ വശങ്ങളിലേക്ക് വളച്ച് ഇരിക്കുക. നിങ്ങളുടെ തോളുകൾ കസേരയുടെ പിൻഭാഗത്ത് ലഘുവായി സ്പർശിക്കുന്നതുവരെ ആബ്‌സ് മുറുകെപ്പിടിക്കുക. നിങ്ങളുടെ ഇടത് കാൽമുട്ട് നെഞ്ചിലേക്ക് വളച്ച്, നിങ്ങളുടെ വലതു തോൾ കാൽമുട്ടിന് നേരെ തിരിയുക, ഇടത് കൈമുട്ട് ചെറുതായി പിന്നിലേക്ക് വലിക്കുക, തുടർന്ന് വേഗത്തിൽ വശങ്ങൾ മാറുക.

8. സീറ്റഡ് ലെഗ് പ്രസ്സ്: നിങ്ങളുടെ കസേരയുടെ / സോഫയുടെ ഇരിപ്പിടം പിടിക്കുക, കാലുകൾ ഉയർത്തി നേരെയാക്കുക. ഇനി, കാൽമുട്ടുകൾ വളച്ച് കാലുകൾ നെഞ്ചിലേക്ക് അടുപ്പിക്കുക. അവ നേരെയാക്കി വീണ്ടും അതുപോലെ ആവർത്തിക്കുക.

9. ചെയർ ഹോൾഡ്: നിങ്ങളുടെ അരയ്ക്ക് മുകൾഭാഗം നേരെ വയ്ക്കുക, കാലുകൾ മുകളിലേക്ക് നീട്ടുക, കാലുകൾ നിങ്ങൾക്ക് കഴിയുന്നത്ര ഉയർത്തി പിടിക്കുക.

അങ്ങിനെ നിങ്ങളുടെ കാർഡിയോ വ്യായാമം നിങ്ങൾ പൂർത്തിയാക്കിയിരിക്കുന്നു. അതും ഇരുന്നുകൊണ്ട്!