സലാല എന്ന കൊച്ചു കേരളം, മരുഭൂമിയിലെ ഏറ്റവും മനോഹരമായ കാഴ്ച്ച; പ്രവാസിയുടെ കുറിപ്പ് ശ്രദ്ധനേടുന്നു

​ഗൾഫിലെ കേരളം

ഒമാന്‍റെ തെക്കൻ പ്രവശ്യയായ ദോഫാർ ഗവർണറേറ്റിന്‍റെ തലസ്ഥാന നഗരം. മുൻ ഭരണാധികാരി സുൽത്താൻ ഖാബൂസ് ബിൻ സൈദ് ന്റെ ജന്മനാട്. ഭരണാധികാരി കഴിഞ്ഞ വര്‍ഷമാണ് മരണപ്പെട്ടത്. ഒമാൻ തലസ്ഥാനമായ മസ്കറ്റിൽ നിന്നും 1000കിമീ അകലെ സ്ഥിതിചെയ്യുന്ന പ്രകൃതിരമണീയമായ പച്ചപ്പ്‌ കൊണ്ടു അനുഗ്രഹീതമായ ഗൾഫിലെ കേരളം ആണ് സലാല.

​കോടമഞ്ഞും മലനിരകളും

നാട്ടിൻപുറത്തെ ഫല വൃക്ഷങ്ങളും ചെടികളും ഇവിടെ കാണാം, വെറ്റില, മാവ്, പ്ലാവ്, വാഴ, തെങ്ങ്‌, കവുങ്ങ്, പപ്പായ, പച്ചക്കറി, പഴങ്ങളും, മത്സ്യസമ്പത്തും മഴയും എല്ലാം ഇവിടെയുണ്ട്. തികച്ചും ഒരു കേരളീയ അനുഭവം തന്നെയാണ്. ഖരീഫ്(മൺസൂൺ കാലം) അതാണ് സലാലയിലെ സീസൺ. നാട്ടില്‍ മഴ തുടങ്ങുന്ന സമയം ഇവിടെയും മഴ തുടങ്ങും. കോടമഞ്ഞുകളും മലനിരകലും സംഗമിക്കുന്ന അപൂർവ്വ ഭൂപ്രദേശമുണ്ട് ഇവിടെ. പല സ്ഥലങ്ങളും കണ്ടാല്‍ ഊട്ടിയും മൂന്നാറും വായനാടുമൊക്കെ പോലെ തോന്നും.

​​കളിമണ്ണിൽ നിർമ്മിച്ച വീടുകൾ, കലാരൂപങ്ങൾ

കേരളം ഭരിച്ചിരുന്ന ചേരവംശ രാജാവ് ചേരമാൻപെരുമാൾ എന്ന താജുദീൻ അന്ത്യവിഷ്രമം കൊള്ളുന്നത് സലാലയിലാണ്. ഇസ്‍ലാം മതം സ്വീകരിച്ചു ഹജ്ജിന് പോയ രാജാവ് മടക്കയാത്രക്കിടെ രോഗബാധിതനാകുകയും സലാലയിൽവെച്ച് മരിക്കുകയുമായിരുന്നു. കളിമണ്ണിൽ നിർമ്മിച്ച വീടുകൾ,കലാരൂപങ്ങൾ തുടങ്ങി നിരവതി കൗതുകങ്ങൽ ഇവിടെയുണ്ട്..

കാന്തീക പ്രഭാവംകൊണ്ടു എത്ര ഭാരമുള്ള വസ്തുക്കൽ നിറച്ച വാഹനവും സ്വിച്ചു ഓഫ്‌ ചെയ്തു താനെ കയറ്റം കയറി മുന്നോട്ടു പൊകുന്ന മാഗ്നെറ്റിക് പോയിന്റ് ഒരത്ഭുതമായിവിടുണ്ട്.

​ഒമാനിലെ മുന്തിരിവള്ളി

മരുഭൂമിയിലെ ഏറ്റവും നയനാനന്തകമായ കാഴ്ച്ച. കൃഷിയാണ് ഇവിടുത്തുകാരുടെ പ്രധാനവരുമാനം. മലമുകളിൽ നിന്നും ഉറവകളിലൂടെ വരുന്ന വെള്ളം ശേഖരിച്ചാണ് ഇവിടെ കൃഷിചെയ്യുന്നത്. അനാറും മുന്തിരിയും അത്തിയും മറ്റു പല പഴവർഗ്ഗങ്ങളും വിളയുന്ന സ്വർഗ്ഗ ഭൂമി. താഴ്‌വഴയുടെ മനോഹര ദൃശ്യങ്ങളാണ് മലമുകളിൽ എത്തുന്നവരെ കാത്തിരിക്കുന്നത്.

​സൂര്യോദയം കഴിഞ്ഞ് മണിക്കൂറുകളോളം കഴിഞ്ഞ് വെളിച്ചം വീഴൂ

മസ്‌ക്കറ്റിൽ നിന്നും 150 കി.മീ സഞ്ചരിച്ചാൽ ബാത്നാ ഗവര്ണറേറ്റിലെ റുസ്താഖിനപ്പുറമുള്ള മലകളാൽ ചുറ്റപ്പെട്ട സമുദ്രനിരപ്പിൽ നിന്നും രണ്ടായിരം അടി ഉയരത്തിൽ സ്ഥിതിചെയ്യുന്ന വക്കാൻ ഗ്രാമത്തിലെത്താം. കടലും മലകളും പച്ചപ്പും നിറഞ്ഞ ഭൂപ്രകൃതി. ഇവിടെ സൂര്യോദയം കഴിഞ്ഞു മണിക്കൂറുകളോളം കഴിഞ്ഞെങ്കിൽ മാത്രമേ വെളിച്ചം വീഴൂ. ഡിസംബർ, ജനുവരി മാസങ്ങളിൽ തണുത്തു വിറങ്ങലിക്കുന്ന കാലാവസ്ഥയിൽ അധികപേരും മലയിറങ്ങും. ഗ്രാമീണരായ അറബികളുടെ ആതിഥേയത്വം അവിസ്മരണീയമാണ്.”സ്വർഗ്ഗീയ ഭലങ്ങലും നന്മയുള്ള മനുഷ്യരും. അതാണ് ഇവിടത്തെ പ്രത്യേകത