കോടിയേരിക്ക് മൂന്നാമൂഴം; സിപിഎം സംസ്ഥാന സെക്രട്ടറിയായി തുടരും

മുസ്ലിം ലീഗ് ഇടതുമുന്നണിയിലേക്കെത്തുമോ? വനിത സംസ്ഥാന സെക്രട്ടറിയാകുമോയെന്ന് വ്യക്തമാക്കി പ്രകാശ് കാരാട്ട്

മുൻ മന്ത്രി ജി സുധാകരൻ ഉൾപ്പെടെയുള്ള 13പേരെ സിപിഎം സംസ്ഥാന സമിതിയിൽ നിന്നും ഒഴിവാക്കിയിരുന്നു. സംസ്ഥാന കമ്മിറ്റിയിലേക്ക് പരിഗണിക്കരുതെന്നാവശ്യപ്പെട്ട് ജി സുധാകരൻ നേതൃത്വത്തിന് കത്ത് നൽകിയിരുന്നു. വൈക്കം വിശ്വൻ, ആനത്തലവട്ടം ആനന്ദൻ, പി കരുണാകരൻ, കോലിയക്കോട് കൃഷ്ണൻ നായർ, ഉണ്ണികൃഷണ പിള്ള, കെ പി സഹദേവൻ എന്നിവരും ഒഴിവാക്കപ്പെട്ടു. 89 അംഗങ്ങളാണ് പുതിയ സംസ്ഥാന കമ്മിറ്റിയിലുള്ളത്. മുഖ്യമന്ത്രി പിണറായി വിജയന് മാത്രമാണ് പുതിയ സംസ്ഥാന സമിതിയിൽ ഇളവ് നൽകിയത്.

താൻ മന്ത്രിസഭയിലേക്ക് എത്തുമെന്ന പ്രചാരണം അഭ്യൂഹം മാത്രമാണെന്ന് വിവിധ മാധ്യമങ്ങൾക്ക് നൽകിയ അഭിമുഖത്തിൽ കോടിയേരി വ്യക്തമാക്കിയിരുന്നു. സിപിഎമ്മിൻ്റെ ബഹുജന അടിത്തറ ശക്തിപ്പെടുത്തുന്ന കാര്യത്തിലാണ് പാർട്ടി കൂടുതൽ പരിഗണന നൽകുന്നത്. സിപിഎം സംസ്ഥാന സമ്മേളനത്തിൽ ഭാവി കേരളം എങ്ങനെയാകണം എന്ന കാര്യത്തിൽ പ്രത്യേക ചർച്ചയുണ്ടാകുമെന്നും അദ്ദേഹം വ്യക്തമാക്കിയിരുന്നു.

ബിഹാറിൽ മൂന്ന് നില കെട്ടിടത്തിൽ സ്‌ഫോടനം: കുട്ടിയുൾപ്പെടെ 7 മരണം, 10പേർക്ക് പരിക്ക്

75 വയസുള്ള സുധാകരന് പ്രായ പരിധിയിൽ ഇളവു ലഭിക്കും എന്ന അഭ്യൂഹങ്ങൾക്കിടെയായിരുന്നു സുധാകരന്‍ തന്നെ സംസ്ഥാന സമിതിയില്‍ നിന്ന് ഒഴിവായത്. സംസ്ഥാന കമ്മിറ്റിയിൽ 75 വയസ് പ്രായപരിധി കർശനമാക്കുന്ന കാര്യത്തിൽ കേന്ദ്ര കമ്മിറ്റി തീരുമാനം നടപ്പാക്കുമെന്ന് കോടിയേരി പറഞ്ഞിരുന്നു. 75 വയസ് കഴിഞ്ഞവർക്ക് പുതിയ ഉത്തരവാദിത്തങ്ങൾ നൽകുമെന്ന് അദ്ദേഹം കൂട്ടിച്ചേർക്കുകയും ചെയ്തിരുന്നു.