ലിഫ്റ്റ് തകര്‍ന്ന് മരിച്ച നജീറയുടെ ആശ്രിതര്‍ക്ക് സർക്കാർ 20 ലക്ഷം രൂപ ധനസഹായം പ്രഖ്യാപിച്ചു. തിരുവനന്തപുരം ആര്‍സിസിയിലെ ലിഫ്റ്റ് തകര്‍ന്നായിരുന്നു 22കാരിയ്ക്ക് ജീവൻ നഷ്ടമായത്
ഹൈലൈറ്റ്:
- നജീറയുടെ ആശ്രിതര്‍ക്ക് 20 ലക്ഷം
- ബിന്ദുവിന്‍റെ ഭര്‍ത്താവിന് 3 ലക്ഷം കൂടി
- പെന്‍ഷന്‍ പരിഷ്കരിക്കാനും തീരുമാനം
കഴിഞ്ഞ മാസം 15ന് ആർസിസിയിൽ ചികിത്സയിൽ കഴിയുന്ന അമ്മയെ സന്ദർശിക്കാനെത്തിയപ്പോഴാണ് ലിഫ്റ്റ് തകർന്ന് നജീറ താഴേക്ക് വീണത്. അപായ സൂചന അറിയിപ്പുകളൊന്നും ഇല്ലാതെ അറ്റകുറ്റപ്പണിക്കായി തുറന്നിട്ട ലിഫ്റ്റിൽ നിന്ന് വീണായിരുന്നു 22കാരിയ്ക്ക് പരിക്കേറ്റത്.
Also Read : അച്ഛന് ഭാര്യമാർ 27; മൊത്തം 149 സഹോദരങ്ങൾ; പേര് മറക്കാതിരിക്കാൻ കുടുംബത്തിന്‍റെ ‘പൊടിക്കൈ’ വിവരിച്ച് മകൻ
വീഴ്ചയിൽ തലച്ചോറിനും തുടയെല്ലിനും പരിക്കേറ്റ് ചികിത്സയിലിരിക്കെയാണ് മരണം സംഭവിച്ചത്. മെഡിക്കൽ കോളേജ് ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിൽ കഴിയുന്നതിനിടെയായിരുന്നു മരണം.
നജീറയുടെ കുടുംബത്തിന് പുറമെ ചിറയിന്‍കീഴ് താലൂക്ക് ആശുപത്രിയില്‍ പ്രസവത്തിനിടെ ചികിത്സാ പിഴവുമൂലം മരണമടഞ്ഞ ബിന്ദുവിന്‍റെ ഭര്‍ത്താവ് പി. പ്രവീണിന് മുഖ്യമന്ത്രിയുടെ ദുരിതാശ്വാസനിധിയില്‍ നിന്നും 3 ലക്ഷം രൂപ കൂടി അനുവദിക്കാനും മന്ത്രിസഭാ യോഗം തീരുമാനിച്ചു. നേരത്തെ ഇവർക്ക് 2 ലക്ഷം രൂപ അനുവദിച്ചിരുന്നു.
സംസ്ഥാനത്ത് ഇതുവരെ വാക്സിൻ സ്വീകരിച്ചത് ഒരു കോടിയിലധികം ആളുകള്‍; കൂടുതലും സ്വീകരിച്ചത് സ്ത്രീകള്‍
മന്ത്രിസഭാ യോഗത്തിലെ മറ്റി തീരുമാനങ്ങൾ
പെന്‍ഷന്‍ പരിഷ്കരിക്കും
സര്‍വ്വകലാശാലകളില്‍ നിന്നും വിരമിച്ച ജീവനക്കാരുടെ പെന്‍ഷന്‍ പരിഷ്കരിക്കാന്‍ തീരുമാനിച്ചു. ശമ്പള പരിഷ്കരണത്തിനോടൊപ്പം 1.07.2019 മുതല്‍ പെന്‍ഷന്‍ പരിഷ്ക്കരണവും പ്രാബല്യത്തില്‍ വരും. 2021 ജൂലൈ 1 മുതല്‍ പരിഷ്ക്കരിച്ച പ്രതിമാസ പെന്‍ഷന്‍ നല്‍കി തുടങ്ങും. പാര്‍ട്ട് ടൈം പെന്‍ഷന്‍കാര്‍ക്കും ഈ വ്യവസ്ഥയില്‍ പെന്‍ഷന്‍ നല്‍കും.
സംസ്ഥാന വികലാംഗ ക്ഷേമ കോര്‍പ്പറേഷന്‍ ജീവനക്കാരുടെ പെന്‍ഷന്‍ പ്രായം 58 ആയി ഉയര്‍ത്താന്‍ തീരുമാനിച്ചു.
കര്‍ണാടക കനിയില്ല; വയനാടിന്‍റെ റെയില്‍വേ സ്വപ്നങ്ങള്‍ക്ക് തിരിച്ചടി
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : rcc lift accident victim najeera family get 20 lakh pinarayi cabinet decision
Malayalam News from malayalam.samayam.com, TIL Network
