പഞ്ചാബിൽ നിന്ന് കോൺഗ്രസ് അധികാരത്തിന് പുറത്താകുമെന്നും ഡൽഹിയ്ക്ക് പുറത്ത് ഒരു ആംആദ്മി സർക്കാർ അധികാരത്തിലെത്തുമെന്നും എക്സിറ്റ് പോൾ സർവേകൾ പ്രവചിക്കുന്നുണ്ട്.
പ്രതീകാത്മക ചിത്രം
ഹൈലൈറ്റ്:
- കോൺഗ്രസിന് പഞ്ചാബ് നഷ്ടമായേക്കും
- രണ്ടിടത്ത് ബിജെപി അധികാരത്തിൽ തുടരും
- കോൺഗ്രസിന് ശക്തി തെളിയിക്കാൻ ആകുമോ?
പഞ്ചാബ് എക്സിറ്റ് പോൾ പ്രവചനങ്ങൾ
കോൺഗ്രസിനെയും ബിജെപിയെയും പിന്നിലാക്കി പഞ്ചാബിൽ ആം ആദ്മി പാർട്ടി അധികാരത്തിലെത്തിമെന്നാണ് എക്സിറ്റ് പോൾ പ്രവചനങ്ങൾ. ആകെ 117 സീറ്റുകളാണ് സംസ്ഥാനത്തുള്ളത്. ടൈംസ് നൗ സർവേപ്രകാരം ബിജെപിയ്ക്ക് പഞ്ചാബിൽ അഞ്ച് സീറ്റുകൾക്ക് മാത്രമാണ് സാധ്യത. കോൺഗ്രസിന് 22 സീറ്റുകൾ ലഭിക്കുമ്പോൾ ആം ആദ്മി 70 സീറ്റുകൾ വരെ നേടിയേക്കും. അകാലിദൾ സഖ്യത്തിന് 19 സീറ്റുകളും ലഭിച്ചേക്കും. എബിപി ന്യൂസ്, സീ വോട്ടർ: 7–13 (ബിജെപി) , 22–28 (കോൺഗ്രസ്) , 51–61 (എഎപി) , 20–26 (അകാലിദൾ സഖ്യം ). ഇന്ത്യ ടുഡേ സർവേ 1–4 (ബിജെപി) , 19–31 (കോൺഗ്രസ്) , 76–90 (എഎപി) , 7–11 (അകാലിദൾ സഖ്യം)
ഉത്തർപ്രദേശ് എക്സിറ്റ് പോൾ പ്രവചനങ്ങൾ
ഉത്തർപ്രദേശിൽ ബിജെപി ഭരണം നിലനിർത്തുമെന്നാണ് എക്സിറ്റ് പോൾ പ്രവചനങ്ങൾ പറയുന്നത്. 404 സീറ്റുകളാണ് സംസ്ഥാനത്തുള്ളത്. ടൈംസ്നൗ സർവേ പ്രകാരം : 225 (ബിജെപി) , 9 (കോൺഗ്രസ്) , 151 (എസ്പി), 14 (ബിഎസ്പി). ഇന്ത്യ ന്യൂസ് സർവേ പ്രകാരം 240 (ബിജെപി) , 4(കോൺഗ്രസ്) , 146–160 (എസ്പി), 14–24 (ബിഎസ്പി). ന്യൂസ് 18 പഞ്ചാബ് സർവേ : 240 (ബിജെപി) , 4(കോൺഗ്രസ്) , 140(എസ്പി), 17 (ബിഎസ്പി) എന്നിങ്ങനെയാണ് പ്രവചനങ്ങൾ.
ഉത്തരാഖണ്ഡ് എക്സിറ്റ് പോൾ പ്രവചനങ്ങൾ
ഉത്തരാഖണ്ഡ് ആര് ഭരിക്കുമെന്നത് പ്രവചനാതീതമെന്നാണ് എക്സിറ്റ് പോൾ പ്രവചനങ്ങൾ. ബിജെപിയും കോൺഗ്രസും ഇവിടെ ഇഞ്ചോടിഞ്ച് പോരാട്ടമാണ് കാഴ്ചവെക്കുന്നതെന്നും സർവേകൾ പ്രവചിക്കുന്നു. ആകെ 70 സീറ്റുകളാണ് സംസ്ഥാനത്തുള്ളത്. എബിപി ന്യൂസ് സർവേ പ്രകാരം 26–32 (ബിജെപി), 32–38 (കോൺഗ്രസ്), 0–2 (എഎപി) എന്നിങ്ങനെയാണ് സാധ്യതകൾ. ന്യൂസ് എക്സ്: 31-33(ബിജെപി), 33-35(കോൺഗ്രസ്), 0-3(എഎപി). ടൈംസ് നൗ: 37(ബിജെപി), 31 (കോൺഗ്രസ്), 1(എഎപി). ഇന്ത്യ ടുഡേ: 36-46 (ബിജെപി), 20-30(കോൺഗ്രസ്), 0(എഎപി).
ഗോവ എക്സിറ്റ് പോൾ പ്രവചനങ്ങൾ
ഗോവയിൽ ബിജെപിയ്ക്കും കോൺഗ്രസിനും സ്വന്തമായി കേവല ഭൂരിപക്ഷം ലഭിച്ചേക്കില്ലെന്നാണ് വിവിധ എക്സിറ്റ് പോൾ പ്രവചനങ്ങൾ. ആകെ 40 സീറ്റുകളാണ് ഇവിടെയുള്ളത്. ടൈംസ് നൗ സർവേ പ്രകാരം 14(ബിജെപി), 16 (കോൺഗ്രസ്), 0 (തൃണമൂൽ കോൺഗ്രസ്). എബിപി, സീ വോട്ടർ: 13-17 (ബിജെപി), 12-16(കോൺഗ്രസ്), 4-9 (തൃണമൂൽ കോൺഗ്രസ്). ന്യൂസ് എക്സ്: 17–19(ബിജെപി), 11–13 (കോൺഗ്രസ്), 0(തൃണമൂൽ കോൺഗ്രസ്). റിപ്പബ്ലിക് ടിവി: 13–17(ബിജെപി), 13–17 (കോൺഗ്രസ്), 2–4 (തൃണമൂൽ കോൺഗ്രസ്).
മണിപ്പുർ എക്സിറ്റ് പോൾ പ്രവചനങ്ങൾ
60 സീറ്റുകളുള്ള മണിപ്പൂരിൽ ബിജെപി അധികാരത്തിലെത്തുമെന്നാണ് വിവിധ എക്സിറ്റ് പോൾ പ്രവചനങ്ങൾ. ടൈംസ് നൗ സർവേ പ്രകാരം സംസ്ഥാനത്ത് ബിജെപി 33 മുതൽ 43 വരെ സീറ്റുകൾ നേടുമെന്നാണ് പ്രവചനം. കോൺഗ്രസ് നാല് മുതൽ എട്ടുവരെ സീറ്റുകൾ കൊണ്ട് തൃപ്തിപ്പെടേണ്ടിവരുമെന്നും സർവേ പ്രവചിക്കുന്നു. സീ ന്യൂസ്: 32-38 (ബിജെപി), 12-17(കോൺഗ്രസ്). ഇന്ത്യ ന്യൂസ്: 23-28 (ബിജെപി), 10-14 (കോൺഗ്രസ്). ന്യൂസ് 18 പഞ്ചാബ്: 27-31 (ബിജെപി), 11-17 (കോൺഗ്രസ്).
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : exit polls bjp to retain power in two states aap to sweep punjab congress
Malayalam News from Samayam Malayalam, TIL Network
