ലോകത്തെ ഏറ്റവും വലിയ ആയുധ ഫാക്ടറി
ഡ്രോണ്‍ നിര്‍മാണവുമായി ബന്ധപ്പെട്ട് ഇരു സ്ഥാപനങ്ങള്‍ തമ്മില്‍ 2021 ഒക്ടോബറില്‍ ധാരണാ പത്രത്തില്‍ ഒപ്പുവച്ചിരുന്നു. സ്‌കൈ ഗാര്‍ഡിയന്‍ എന്ന പേരിലാണ് പുതിയ ഡ്രോണുകള്‍ സൗദി അറേബ്യ നിര്‍മിക്കുക. മികച്ച രീതിയില്‍ ഡ്രോണ്‍ വിമാനങ്ങള്‍ നിര്‍മിക്കുന്നതിലൂടെ ലോകോത്തര ആയുധ സാങ്കേതിക വിദ്യയുടെ കേന്ദ്രമായി മാറാനാണ് പദ്ധതി. പ്രതിരോധ മേഖലയിലെ വ്യവസായങ്ങളുടെ പ്രാദേശിക വല്‍ക്കരണത്തിലൂടെ ലോകത്തിലെ ഏറ്റവും വലിയ ആയുധ നിര്‍മാണ ഫാക്ടറി സൗദിയില്‍ സ്ഥാപിക്കാനാണ് തങ്ങള്‍ ലക്ഷ്യമിടുന്നതെന്നും അദ്ദേഹം അറിയിച്ചു.
ആവശ്യമായ ആയുധങ്ങളുടെ പകുതി സൗദിയില്‍ നിര്‍മിക്കും
നിലവില്‍ വിദേശ രാജ്യങ്ങളില്‍ നിന്ന് വാങ്ങുന്ന ആയുധങ്ങളുടെ പകുതിയെങ്കിലും അടുത്ത വര്‍ഷത്തോടെ തദ്ദേശീയമായി നിര്‍മിക്കാനാണ് പദ്ധതി. 2030 ആകുമ്പോഴേക്കും ലോകത്തെ ഏറ്റവും മികച്ച 25 ആയുധ നിര്‍മാണ കമ്പനികളില്‍ ഒന്നാവാന്‍ സൗദി അറേബ്യന്‍ മിലിറ്ററി ഇന്‍ഡസ്ട്രീസിന് കഴിയുമെന്നാണ് പ്രത്യാശയെന്നും അദ്ദേഹം വ്യക്തമാക്കി. കഴിഞ്ഞ വര്‍ഷം കമ്പനിയെ സംബന്ധിച്ചിടത്തോളം നേട്ടങ്ങളുടെ വര്‍ഷമായിരുന്നു. സൗദി റോയല്‍ നാവിക സേനയ്ക്കാവശ്യമായ പുതിയ അവന്തെ 2200 യുദ്ധക്കപ്പലുകള്‍ നിര്‍മിക്കാനായത് കഴിഞ്ഞ വര്‍ഷത്തിലെ കമ്പനിയുടെ വലിയ നേട്ടമായിരുന്നു.
ലോക പ്രതിരോധ പ്രദര്‍ശനം റിയാദില്‍
ഈ വര്‍ഷത്തെ വേള്‍ഡ് ഡിഫെന്‍സ് ഷോ കഴിഞ്ഞ ദിവസമാണ് സൗദി കിരീടാവകാശിയും ജനറല്‍ അതോറിറ്റി ഫോര്‍ മിലിറ്ററി ഇന്‍ഡസ്ട്രീസ് ചെയര്‍മാനുമായ മുഹമ്മദ് ബിന്‍ സല്‍മാന്‍ റിയാദില്‍ ഉദ്ഘാടനം ചെയ്തത്. 42 രാജ്യങ്ങളില്‍ നിന്നായി 590ലേറെ കമ്പനികള്‍ ഷോയില്‍ പങ്കെടുക്കുന്നുണ്ട്. ഇതിനു പുറമെ, പ്രതിരോധ മേഖലയുമായ ബന്ധപ്പെട്ട വിവിധ സര്‍ക്കാര്‍ ഏജന്‍സികളും ഷോയില്‍ എത്തിയിട്ടുണ്ട്. ഡിഫെന്‍സി ഷോയിലെ പവലിയനുകള്‍ സന്ദര്‍ശിച്ച കിരീടാവകാശി, പ്രതിരോധ രംഗത്തെ സൗദിയുടെ നേട്ടങ്ങളെ പ്രകീര്‍ത്തിച്ചു.
Web Title : saudi military industries plans to produce drone
Malayalam News from Samayam Malayalam, TIL Network
