Also Read: സാമ്പത്തിക ബാധ്യത തീർക്കാൻ മൂന്നംഗ കുവൈറ്റി കുടുംബത്തെ കൊന്നു; ഇന്ത്യൻ വംശജൻ
രാജ്യത്തിന് പുറത്തുനിന്നെത്തന്ന യാത്രക്കാര്‍ക്കുള്ള നിര്‍ബന്ധിത സ്ഥാപന ക്വാറന്റൈന്‍ ഇനി ആവശ്യമില്ല എന്നും യാത്രയ്ക്കു മുമ്പ് പിസിആര്‍ ടെസ്റ്റ് നടത്തണമെന്ന നിബന്ധന ഒഴിവാക്കിയതായും ജനറല്‍ അതോറിറ്റി ഓഫ് സിവില്‍ ഏവിയേഷന്‍ വിമാന കമ്പനികള്‍ക്ക് അയച്ച സര്‍ക്കുലറില്‍ വ്യക്തമാക്കി. അതേസമയം, സന്ദര്‍ശക വിസയില്‍ എത്തുന്നവര്‍ കോവിഡ് ചികില്‍സാ ചെലവുകള്‍ കൂടി ഉള്‍പ്പെടുന്ന രീതിയിലുള്ള ആരോഗ്യ ഇന്‍ഷൂറന്‍സ് എടുത്തിരിക്കണമെന്നും അതോറിറ്റി അറിയിച്ചു.
ഇതുമായി ബന്ധപ്പെട്ട് ഭരണകൂടം പുറപ്പെടുവിച്ച നിര്‍ദ്ദേശങ്ങള്‍ നിര്‍ബന്ധമായും പാലിക്കണമെന്നും അതിന്റെ ലഘനം നിയമനടപടികളിലേക്ക് നയിക്കുമെന്നും സര്‍ക്കുലര്‍ മുന്നറിയിപ്പ് നല്‍കി. കോവിഡ് വ്യാപനത്തിന്റെ സാഹചര്യത്തില്‍ രാജ്യത്ത് പ്രഖ്യാപിച്ചിരുന്ന നിയന്ത്രണങ്ങള്‍ ഏതാണ്ടെല്ലാം ഒഴിവാക്കിക്കൊണ്ട് മാര്‍ച്ച് അഞ്ചിന് ആഭ്യന്തര മന്ത്രാലയം പ്രഖ്യാപനം നടത്തിയ സാഹചര്യത്തിലാണ് ജനറല്‍ അതോറിറ്റി ഓഫ് സിവില്‍ ഏവിയേഷന്റെ പുതിയ സര്‍ക്കുലര്‍. അടച്ചിട ഇടങ്ങളില്‍ മാസ്‌ക്ക് വയ്ക്കണമെന്നതാണ് നിലവില്‍ അവശേഷിക്കുന്ന നിയന്ത്രണങ്ങളില്‍ പ്രധാനം.
ആംബുലന്‍സ് ‘പറപ്പിക്കാന്‍’ ഇനി ദീപമോളും….ഇത് ചരിത്രം
Web Title : saudi arabia asks airlines to refund institutional quarantine fee
Malayalam News from Samayam Malayalam, TIL Network
