പരീക്ഷയ്ക്കിടയിൽ ‘ബേബീ’ എന്നു വിളിച്ചു; പരാതിയുമായി വിദ്യാർത്ഥിനി; ക്രൈസ്റ്റ് യൂണിവേഴ്സിറ്റിയിൽ വിവാദം

ബെംഗളുരു: ഓൺലൈൻ പരീക്ഷയ്ക്കിടെ അധ്യാപകൻ ‘ബേബി’ എന്നു വിളിച്ചെന്ന പരാതിയുമായി ക്രൈസ്റ്റ് യൂണിവേഴ്സിറ്റി വിദ്യാർത്ഥിനി. സംഭാഷണത്തിന്റെ സ്ക്രീൻഷോട്ട് യുവതി ട്വീറ്റ് ചെയ്തു.



ഉത്തരം അടങ്ങിയ പിഡിഎഫ് എപ്പോഴാണ് സമർപ്പിക്കേണ്ടതെന്ന് എപ്പോഴാണെന്ന് ചോദിച്ചപ്പോൾ ‘മൂന്ന് മിനിറ്റുകൂടി ഉണ്ട് ബേബി’ (another three minutes baby) എന്നായിരുന്നു അധ്യാപകന്റെ പ്രതികരണം. ജൂൺ 21 ന് നടന്ന സംഭവം വിവാദമായിരിക്കുകയാണ്.

ഇന്ധന വിലവർദ്ധനയ്ക്ക് കാരണം യുപിഎ സർക്കാർ; കുറ്റപ്പെടുത്തലുമായി പെട്രോളിയം മന്ത്രി

“തേർഡ് പാർട്ടി പ്ലാറ്റ്ഫോമിൽ വെച്ചാണ് സംഭാഷണം നടന്നത്. ചില സമയങ്ങളിൽ ഇത്തരം സംഭാഷണങ്ങൾ അനുചിതവും അരോചകവുമാണ്.” ബെംഗളുരു ബെന്നാർഘട്ട റോഡിലുള്ള ക്രൈസ്റ്റ് യൂണിവേഴ്സിറ്റി കാമ്പസിലെ ഒരു വിദ്യാർത്ഥി പറഞ്ഞു.

“പരീക്ഷയ്ക്കിടെ കാമറ ലോ ആങ്കിളിൽ വെയ്ക്കാൻ അധ്യാപകൻ ആവശ്യപ്പെട്ടു. കോപ്പിയടിക്കുന്നില്ലെന്ന് ഉറപ്പു വരുത്താനാണിതെന്ന് അദ്ദേഹം പറഞ്ഞു. എന്നാൽ വളരെ മോശമായ രീതിയിൽ നിരീക്ഷിക്കുന്നു എന്ന തോന്നലാണ് ഞങ്ങൾക്കുണ്ടായത്.” പേര് വെളിപ്പെടുത്താനാഗ്രഹിക്കാത്ത ഒരു വിദ്യാർത്ഥി മാധ്യമങ്ങളോട് പറഞ്ഞു.

എന്നാൽ അധ്യാപകനെ പിന്തുണയ്ക്കുന്ന നിലപാടാണ് യൂണിവേഴ്സിറ്റി സ്വീകരിച്ചതെന്ന് വിദ്യാർത്ഥികളിൽ ഒരാൾ പറഞ്ഞു. അദ്ദേഹത്തിന്റെ പ്രവർത്തി നല്ലരീതിയിൽ ഉൾക്കൊള്ളാനാണ് യൂണിവേഴ്സിറ്റി നിർദ്ദേശിച്ചതെന്നും വിദ്യാർത്ഥി പറഞ്ഞു. അതേസമയം പരീക്ഷയ്ക്കിടെ ഇന്റർനെറ്റ് തടസപ്പെട്ടാൽ വിദ്യാർത്ഥികളെ പരീക്ഷയിൽ നിന്നും ക്രൈസ്റ്റ് സർവ്വകലാശാല അയോഗ്യരാക്കിയിട്ടുണ്ടെന്നും ബിബിഎസ് വിദ്യാർത്ഥി പറഞ്ഞു.

നീരവ് മോദിയ്ക്ക് തിരിച്ചടി; യുകെ ഹൈക്കോടതി ഹര്‍ജി തള്ളി; സ്വത്തുക്കൾ കണ്ടുകെട്ടി ഇന്ത്യ

വിഷയത്തിൽ യുജിസിക്ക് പരാതി നൽകുമെന്ന് വിദ്യാർത്ഥി സംഘടനയായ എൻ എസ് യു ഐ വ്യക്തമാക്കി. വിദ്യാർത്ഥികളുടെ പരാതി പരിഗണിക്കാൻ കോളേജ് മാനേജ്മെന്റ് തയ്യാറായില്ലെന്നും എൻ എസ് യു ഐ സംസ്ഥാന ജനറൽ സെക്രട്ടറി മനീഷ് ഗോവിന്ദ് രാജ് പറഞ്ഞു.

വിദ്യാർത്ഥികൾക്ക് എന്തെങ്കിലും തരത്തിലുള്ള ബുദ്ധിമുട്ട് നേരിട്ടാൽ മാനേജ്മെന്റിനെ ബന്ധപ്പെടണമെന്ന് പരീക്ഷാ കൺട്രോളർ ജോണി ജോസഫ് പറഞ്ഞു.