“കോൺഗ്രസിനെ പോലെ കരയുന്നത് നിർത്തൂ. നിങ്ങൾക്ക് ധൈര്യം ഉണ്ടെങ്കിൽ ഓടിപ്പോകാതെ മുനിസിപ്പൽ കോർപ്പറേഷൻ തെരഞ്ഞെടുപ്പിൽ നമ്മൾക്കെതിരെ മത്സരിക്കൂ. പത്ത് സീറ്റെങ്കിലും നേടാനായാൽ നിങ്ങൾക്ക് അത് വലിയ നേട്ടമായിരിക്കും” മനീഷ് സിസോദിയ പറഞ്ഞതായി ഇംഗ്ലീഷ് വാർത്താ ചാനലായ എൻഡിടിവി റിപ്പോർട്ട് ചെയ്തു.
Also Read : യുപിയിൽ 382 സീറ്റുകളിൽ കോൺഗ്രസിന് കെട്ടിവച്ച പണം നഷ്ടപ്പെട്ടു; ബിജെപിയ്ക്ക് നഷ്ടമായത് മൂന്നിടത്ത്
നേരത്തെ കേന്ദ്ര മന്ത്രി സ്മൃതി ഇറാനി ഡല്‍ഹി സർക്കാരിനെതിരെ വിമർശങ്ങൾ ഉന്നയിച്ചിരുന്നു. ഇതിന് പിന്നാലെയാണ് സിസോദിയ ബിജെപിയെ കടന്നാക്രമിച്ചത്. ഡൽഹി മുനിസിപ്പല്‍ കോര്‍പ്പറേഷന്‍ ജീവനക്കാരുടെ 13,000 കോടി രൂപ കെജ്രിവാള്‍ സര്‍ക്കാര്‍ ഇല്ലാതെയാക്കിയെന്നായിരുന്നു സ്മൃതിയുടെ ആരോപണം. കെജ്രിവാള്‍ ഇത്രയും പണം കോർപ്പറേഷന്‍റെ അക്കൗണ്ടിൽ നിക്ഷേപിക്കണമെന്നും അവർ ആവശ്യപ്പെട്ടിരുന്നു. ഇതിന് മറുപടിയായാണ് മനീഷ് സിസോദിയ കോൺഗ്രസിനെപോലെ കരയുന്നത് നിർത്തൂ എന്നാവശ്യപ്പെട്ട് രംഗത്തെത്തിയത്.
നേരത്തെ രാജ്യ തലസ്ഥാനത്ത് മുനിസിപ്പൽ കോർപറേഷൻ തെരഞ്ഞെടുപ്പ് നീട്ടിവെക്കുക്കുന്നത് ജനാധിപത്യ സംവിധാനത്തെ ദുർബലപ്പെടുത്തുമെന്ന് ഡൽഹി മുഖ്യമന്ത്രി അരവിന്ദ് കെജ്രിവാൾ പറഞ്ഞിരുന്നു. ഇതിന് പിന്നാലെയാണ് സ്മൃതി ഇറാനി ഡൽഹി മുഖ്യമന്ത്രിക്കെതിരെ രംഗത്തെത്തിയത്.
Also Read : ദളിതരും ഒബിസിയും ബിജെപിയ്ക്ക് വോട്ട് ചെയ്തത് അതുകൊണ്ടാണ്; തകർച്ചയുടെ കാരണം വ്യക്തമാക്കി മായാവതി
ഡൽഹിയിലെ കോർപ്പറേഷനുകൾ സംയോജിപ്പിക്കാൻ കേന്ദ്രം ശ്രമിക്കുന്നതായി നേരത്തെ റിപ്പോർട്ട് വന്നിരുന്നു. ഈ സാഹചര്യത്തിൽ സംസ്ഥാന തെരഞ്ഞെടുപ്പ് കമ്മീഷൻ നിയമവിദഗ്ധരുടെ ഉപദേശം തേടിയിരിക്കുകയാണ്. കേന്ദ്ര നിർദേശം ലഭിച്ചതിനാലാണ് കമ്മീഷൻ തെരഞ്ഞെടുപ്പ് തീയതി പ്രഖ്യാപനം നീട്ടിവെച്ചതെന്നാണ് റിപ്പോർട്ട്. തീയതി പ്രഖ്യാപനം സംബന്ധിച്ച തീരുമാനത്തിലെത്താൻ ഒരാഴ്ച കൂടി സമയമെടുത്തേക്കുമെന്നാണ് സംസ്ഥാന തെരഞ്ഞെടുപ്പ് കമ്മീഷണർ എസ്കെ ശ്രീവാസ്തവ പറയുന്നത്.
“ചൂലെടുക്കുന്ന പഞ്ചാബും ചൂളുന്ന കോൺഗ്രസ്സും ” സംഭവിച്ചതെന്ത് ?
Web Title : stop crying like congress manish sisodia slams bjp mcd elections
Malayalam News from Samayam Malayalam, TIL Network
