വീണ്ടും നോട്ടീസ്; ഐഷ സുൽത്താന ചോദ്യം ചെയ്യലിന് നാളെയും ഹാജരാകണം

കവരത്തി: രാജ്യദ്രോഹ കേസിൽ യുവ സംവിധായിക ഐഷ സുൽത്താനയെ ലക്ഷദ്വീപ് പോലീസ് വീണ്ടും ചോദ്യം ചെയ്യും. ഇന്ന് എട്ട് മണിക്കൂർ ഐഷയെ പോലീസ് ചോദ്യം ചെയ്തിരുന്നു. ഇതിനു പിന്നാലെയാണ് ചോദ്യം ചെയ്യലിന് വീണ്ടും നോട്ടീസ് നൽകിയിരിക്കുന്നത്. കവരത്തി പോലീസ് സ്റ്റേഷനിൽ വെച്ചാണ് ഇന്ന് ചോദ്യം ചെയ്തത്.



പരീക്ഷയ്ക്കിടയിൽ ‘ബേബീ’ എന്നു വിളിച്ചു; പരാതിയുമായി വിദ്യാർത്ഥിനി; ക്രൈസ്റ്റ് യൂണിവേഴ്സിറ്റിയിൽ വിവാദം

ഐഷയുടെ അറസ്റ്റ് ഇന്ന് രേഖപ്പെടുത്തി വിട്ടയയ്ക്കുമെന്നാണ് കരുതിയിരുന്നത്. നേരത്തെ ഹൈക്കോടതി ഐഷയ്ക്ക് ഇടക്കാല ജാമ്യം അനുവദിച്ചിരുന്നു. കഴിഞ്ഞ ഞായറാഴ്ച ചോദ്യം ചെയ്ത് വിട്ടയച്ച ഐഷയോട് മൂന്ന് ദിവസം കൂടി ദ്വീപിൽ തുടരാൻ ആവശ്യപ്പെട്ടിരുന്നു.

ലക്ഷദ്വീപിൽ കൊവിഡ് പടരാനുള്ള കാരണം കേന്ദ്രസർക്കാരിന്റെ ബയോ വെപ്പണാണെന്ന് ചാനൽ ചർച്ചയ്ക്കിടെ പറഞ്ഞതാണ് രാജ്യ ദ്രോഹ കേസിന് ഇടയാക്കിയത്. ബിജെപി ലക്ഷദ്വീപ് ഘടകമാണ് ഐഷയ്ക്കെതിരെ പരാതി നൽകിയത്.

ഇന്ധന വിലവർദ്ധനയ്ക്ക് കാരണം യുപിഎ സർക്കാർ; കുറ്റപ്പെടുത്തലുമായി പെട്രോളിയം മന്ത്രി

നാളെ രാവിലെ 9.45 ന് കവരത്തി പോലീസ് സ്റ്റേഷനിൽ ഹാജരാകണമെന്നാണ് ഐഷയ്ക്ക് നൽകിയ നോട്ടീസിൽ പറയുന്നത്. ബന്ധുക്കൾ ആശുപത്രിയിൽ ആയതിനാൽ കൊച്ചിയിലേക്ക് മടങ്ങാൻ അനുവദിക്കണമെന്ന് പോലീസിനോട് ഐഷ ആവശ്യപ്പെട്ടിരുന്നു. ഐഷയുടെ സാമ്പത്തിക ഇടപാടുകൾ അടക്കം പോലീസ് അന്വേഷിക്കുന്നുണ്ട്.