നിയമസഭാ തെരഞ്ഞെടുപ്പ് നടന്ന അഞ്ച് സംസ്ഥാനങ്ങളിലും കനത്ത പരാജയം ഏറ്റു വാങ്ങേണ്ടി വന്നതിന്റെ നിരാശ മുതിർന്ന നേതാക്കളെക്കൂടാതെ പ്രവർത്തകരും പ്രകടിപ്പിച്ചു തുടങ്ങിയിരിക്കുകയാണ്. വേണുഗോപാൽ പൂർണ പരാജയമാണെന്നാണ് വിമർശനം.
ഹൈലൈറ്റ്:
- അഞ്ച് സംസ്ഥാനങ്ങളെ തൂക്കി വിറ്റുവെന്ന് വിമർശനം
- വേണുഗോപാലിനെ ഒഴിവാക്കാൻ ആവശ്യം
- ‘പെട്ടി തൂക്കി വേണുഗോപാൽ’ എന്ന് വിശേഷണം
‘പെട്ടി തൂക്കി വേണുഗോപാൽ’ എന്ന് വിശേഷിപ്പിച്ചാണ് പ്രവർത്തകർ വേണുഗോപാലിനെതിരെ വിമർശനം ഉന്നയിച്ചിരിക്കുന്നത്. അഞ്ച് സംസ്ഥാനങ്ങൾ വിറ്റു തുലച്ചെന്നും പോസ്റ്ററിൽ പറയുന്നു. അഞ്ച് സംസ്ഥാനങ്ങളിലെ തെരഞ്ഞെടുപ്പിൽ കോൺഗ്രസ് കനത്ത പരാജയം നേരിട്ടതാണ് പ്രവർത്തകരെ പ്രകോപിപ്പിച്ചിരിക്കുന്നത്. കെ സി വേണുഗോപാൽ പ്രചാരണത്തിനു പോലും പോയിരുന്നില്ലെന്ന് കോൺഗ്രസിലെ ജി 23 നേതാക്കൾ വിമർശനം ഉന്നയിച്ചിരുന്നു. വേണുഗോപാൽ പൂർണ പരാജയമാണെന്നാണ് വിമർശനം. നിയമസഭാ തെരഞ്ഞെടുപ്പ് നടന്ന എല്ലാ സംസ്ഥാനങ്ങളിലും കനത്ത പരാജയം ഏറ്റു വാങ്ങേണ്ടി വന്നതിന്റെ നിരാശ മുതിർന്ന നേതാക്കളെക്കൂടാതെ പ്രവർത്തകരും പ്രകടിപ്പിച്ചു തുടങ്ങിയിരിക്കുകയാണ്.
‘രാഹുൽ മുതൽ കെ.സിവരെ’; നേതാക്കളെ അധിക്ഷേപിക്കരുതെന്ന് പ്രവർത്തകരോട് കെപിസിസി, നടപടി സ്വീകരിക്കും
സമൂഹാധ്യമങ്ങളിൽ ഉയരുന്ന വിമർശനങ്ങളിൽ ചിലത്-
“സോണിയ രാഹുൽ പ്രിയങ്ക ഗാന്ധി എന്നിവരുടെ കൂട്ടത്തിൽ എണ്ണാൻ കെസി വേണുഗോപാലിന് എന്ത് യോഗ്യത? വേണുഗോപാലിനെ വിമർശിക്കുന്നതിന്റെ പേരിൽ നടപടിയെടുത്താൽ സന്തോഷപൂർവ്വം സ്വീകരിക്കാനും തയ്യാറാണ്. തോമസ് മാഷേ കൂടി ഇതിൽ ഉൾപ്പെടുത്തണം അദ്ദേഹത്തെയും ഞങ്ങൾ പരസ്യമായി വിമർശിക്കുന്നുണ്ട്.” അഷ്റഫ് കെ വി കെ എന്നയാൾ കെ സുധാകരന്റെ ഫേസ്ബുക്ക് പോസ്റ്റിന് അഭിപ്രായപ്പെട്ടു.
“പ്രസിഡന്റെ രാഹുൽ ഗാന്ധിയേയും പ്രിയങ്ക ഗാന്ധിയേയും കോൺഗ്രസുകാർ ആരും ഇതുവരെ അധിക്ഷേപിച്ചതായി കണ്ടില്ല. കാരണം അവർ പണിയെടുക്കുന്നത് പ്രവർത്തകർ കാണുന്നുണ്ട്. ഔഷധ ഗുണമില്ല എന്ന് നിരന്തരം തെളിയിക്കുന്നവരെ മാറ്റി പാർട്ടി രക്ഷപെടണം എന്ന ആഗ്രഹത്തോടെയുള്ള വിമർശനങ്ങൾ സ്വാഗതം ചെയ്യപ്പെടേണ്ടതല്ലെ?” കെ സുധാകരന്റെ ഫേസ്ബുക്ക് പോസ്റ്റിൽ ധിരൻ പടിഞ്ഞാറെ മടത്തിൽ പ്രതികരിച്ചു.
‘കേന്ദ്രത്തിൻ്റെ തീരുമാനത്തിൽ മാറ്റം വേണം’; എച്ച്എൽഎൽ ലേലത്തിൽ പ്രധാനമന്ത്രിക്ക് മുഖ്യമന്ത്രിയുടെ കത്ത്
കെ സി വേണുഗോപാൽ, രാഹുൽ ഗാന്ധി, പ്രിയങ്ക ഗാന്ധി, എന്നിവരെ സമൂഹമാധ്യമങ്ങളിൽ പരസ്യമായി അധിക്ഷേപിക്കുന്നതും വ്യക്തിഹത്യ നടന്നതും ഒരിക്കലും അംഗീകരിക്കാനാവില്ലെന്ന് കെപിസിസി പ്രസിഡന്റ് കെ സുധാകരൻ വ്യക്തമാക്കിയിട്ടുണ്ട്. തെരഞ്ഞെടുപ്പ് പരാജയത്തിന്റെ കാരണങ്ങൾ പരിശോധിച്ച് ആവശ്യമായ മാറ്റങ്ങൾ വരുത്തി കോൺഗ്രസ് നേതൃത്വം മുന്നോട്ട് പോകും. സമൂഹമാധ്യമങ്ങളിലൂടെ പരസ്യവിചാരണ നടത്തുന്നത് പാർട്ടിക്ക് കൂടുതൽ ക്ഷീണമുണ്ടാക്കും. അത് തിരിച്ചറിഞ്ഞ് അത്തരം പ്രവർത്തികളിൽ നിന്നും പ്രവർത്തകർ പിന്തിരിയണം- എന്നാണ് കെപിസിസി ആഹ്വാനം ചെയ്തിരിക്കുന്നത്.
സോണിയാ ഗാന്ധിയും രാഹുൽഗാന്ധിയും പ്രിയങ്കാഗാന്ധിയും കെ സി വേണുഗോപാലും ഉൾപ്പെടെയുള്ള നേതാക്കളും പ്രവർത്തകരും അഞ്ച് സംസ്ഥാനങ്ങളിൽ നടന്ന തെരഞ്ഞെടുപ്പിൽ കോൺഗ്രസിന്റെ വിജയത്തിനായി അഹോരാത്രം പണിയെടുത്തവരാണ്. പരാജയ കാരണം ചിലരുടെ ചുമലിൽ മാത്രം കെട്ടിവെയ്ക്കുന്ന പ്രവണത അംഗീകരിക്കാനാവില്ല. ജയ-പരാജയങ്ങളിൽ എല്ലാവർക്കും കൂട്ടുത്തരവാദിത്തമുണ്ടെന്ന് കെ സുധാകരൻ ഫേസ്ബുക്ക് പോസ്റ്റിൽ പറഞ്ഞു.
കോൺഗ്രസ്സിന് 382 സീറ്റിൽ കെട്ടിവെച്ച കാശും “ഗോവിന്ദ”
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : poster against congress leaders k c venugopal
Malayalam News from Samayam Malayalam, TIL Network
