സംവിധായകനും ഛായാഗ്രാഹകനുമായ ശിവൻ (89) അന്തരിച്ചു

തിരുവനന്തപുരം: പ്രശസ്ത സ്റ്റിൽ ഫോട്ടോഗ്രാഫറും സംവിധായകകനുമായ ശിവൻ (89) അന്തരിച്ചു. തിരുവനന്തപുരത്തെ വീട്ടിൽ വെച്ച് ഹൃദയസ്തംഭനത്തെ തുടര്‍ന്നായിരുന്നു അന്ത്യം. നാടക രംഗത്തും പത്രപ്രവര്‍ത്തന രംഗത്തും സജീവമായിരുന്ന ശിവൻ കേരളത്തിലെ ആദ്യത്തെ ഗവൺമെൻ്റ് പ്രസ് ഫോട്ടോഗ്രാഫറാണ്



Also Read: ചാനൽ ചർച്ചയ്ക്ക് ആര് പോകണമെന്ന് ഇനി കെപിസിസി തീരുമാനിക്കും; പുതിയ തീരുമാനങ്ങൾ പ്രഖ്യാപിച്ച് കെ സുധാകരൻ

ചെമ്മീൻ സിനിമയുടെ സ്റ്റിൽ ഫോട്ടോഗ്രാഫറായിരുന്ന ശിവൻ ഡോക്യൂമെൻ്റി, നാടകരംഗങ്ങളിലും സജീവമായിരുന്നു. ബ്ലാക്ക് ആൻ്റ് വൈറ്റ് ക്യാമറയിൽ ഫോട്ടോഗ്രാഫറായി ജോലി ആരംഭിച്ച അദ്ദേഹം 1959ൽ തിരുവനന്തപുരം പുളിമൂട്ടിൽ ശിവൻസ് സ്റ്റുഡിയോ ആരംഭിച്ചു. ഇതിനു ശേഷമാണ് സിനിമാ രംഗത്തേയ്ക്ക് കടന്നത്. 1981ലെ യാഗം എന്ന സിനിമയ്ക്ക് ദേശീയ പുരസ്കാരം ലഭിച്ചു. അഭയം എന്ന ചിത്രം അന്താരാഷ്ട്രതലത്തിൽ തന്നെ ശ്രദ്ധേയമായി. 2008ലെ മികച്ച കുട്ടികളുടെ ചിത്രമായി ശിവൻ്റെ കേശു എന്ന ചിത്രം തെരഞ്ഞെടുക്കപ്പെട്ടു.

Also Read: വീണ്ടും നോട്ടീസ്; ഐഷ സുൽത്താന ചോദ്യം ചെയ്യലിന് നാളെയും ഹാജരാകണം

മൂന്നു തവണ ശിവൻ ദേശീയ പുരസ്കാരങ്ങളും നേടിയിട്ടുണ്ട്. സന്തോഷ് ശിവൻ, സംഗീത് ശിവൻ, സഞ്ജീവ് ശിവൻ എന്നിവര്‍ മക്കളാണ്.