തെളിവ് നശിപ്പിച്ചുവെന്ന രീതിയിലുള്ള ആരോപണങ്ങൾ തെറ്റാണെന്നും ദാസൻ നൽകിയ മൊഴി തെറ്റെന്നും ദിലീപ് സത്യവാങ്മൂലത്തിൽ അറിയിച്ചിരിക്കുകയാണ്, തെളിവ് നശിപ്പിച്ചതിനെതിരെ കൂടുതൽ തെളിവുകളും പുറത്തുവന്നിട്ടുണ്ട്
ഹൈലൈറ്റ്:
- അഭിഭാഷകർക്കെതിരെ ആക്രമിക്കപ്പെട്ട നടി
- ആരോപണങ്ങൾ നിഷേധിച്ചുകൊണ്ട് ദിലീപ്
തന്‍റെ ഫോണിൽ നിന്ന് കളഞ്ഞത് സ്വകാര്യ സംഭാഷണങ്ങളാണെന്ന് ദിലീപ് പറഞ്ഞു. കേസുമായി ബന്ധമില്ലാത്തവയാണവയെന്നും ദിലീപ് നൽകിയ സത്യവാങ്മൂലത്തിൽ വ്യക്തമാക്കിയിരിക്കുകയാണ്. നടി ആക്രമിക്കപ്പെട്ട കേസിൽ എഫ്ഐആർ റദ്ധാക്കണമെന്ന ഹര്‍ജിയിലാണ് ദിലീപിന്‍റെ വിശദീകരണം. ഫോറൻസിക് റിപ്പോര്‍ട്ടും അന്വേഷണ ഉദ്യോഗസ്ഥന്‍റെ വിശദീകരണവും തമ്മിൽ വൈരുധ്യമുണ്ടെന്നും ദിലീപ് അറിയിച്ചിട്ടുണ്ട്.
Also Read: ദിലീപിൻ്റെ അഭിഭാഷകൻ കേസ് അട്ടിമറിക്കുന്നു; ബാര് കൗൺസിലിനെ സമീപിച്ച് നടി
അതോടൊപ്പം തന്നെ തന്‍റെ വീട്ടിൽ സഹായിയായിരുന്ന ദാസൻ നൽകിയിരിക്കുന്ന മൊഴി വാസ്തവ വിരുദ്ധമാണെന്നും ദിലീപ് അറിയിച്ചു. ദാസൻ തന്‍റെ വീട്ടിൽ നിന്നും 2020 ഡിസംബർ 26ന് ജോലി ഉപേക്ഷിച്ചതാണെന്നും 2021 ഒക്ടോബർ 26ന് വീട്ടിലെ സംസാരം ദാസൻ കേട്ടുവെന്ന ബാലചന്ദ്രകുമാറിന്‍റെ മൊഴി എങ്ങനെ ശരിയാവുമെന്നും ദിലീപ് ചോദിച്ചിട്ടുണ്ട്. ദാസൻ ഓഫീസിലെത്തിയെന്ന് പറയുന്ന ദിവസം അഭിഭാഷകൻ കൊവിഡ് വന്ന സമയമാണെന്നും അറിയിച്ചിട്ടുണ്ട്.
അതേ സമയം ഫോൺ രേഖകള്‍ മായിക്കുവാൻ ദിലീപിന്‍റെ അഭിഭാഷകർ സഹായിച്ചുവെന്നതിന് കൂടുതൽ തെളിവുകളും പുറത്തുവന്നിട്ടുണ്ട്. ദിലീപിന്‍റെ കൊച്ചിയിലെ അഭിഭാഷകൻ ഓഫീസിലെ വൈഫൈ ഉപയോഗിച്ചാണ് ദിലീപിന്‍റെ ഫോൺ രേഖകള്‍ മായ്ച്ചതെന്നുള്ള ഫോറൻസിക് റിപ്പോര്‍ട്ടും പുറത്തുവന്നിട്ടുണ്ട്. സ്വകാര്യ ഫോറൻസിക് വിദഗ്ധൻ സായ് ശങ്കർ ഇതോടെ കേസിൽ പ്രതിയാകുമെന്നാണ് സൂചന. ഇയാളെ അന്വേഷണ സംഘം ഉടൻ ചോദ്യം ചെയ്യാനും സാധ്യതയുണ്ട്.
Also Watch :
വിവരമുള്ള ഒരുകാര്യവും അനൂപ് ഏട്ടൻ എന്നോട് പറഞ്ഞിട്ടില്ല!
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : actress assault case, actor dileep claims that the allegation of actress that he destroyed phone evidence is false
Malayalam News from Samayam Malayalam, TIL Network
