ജനയുഗം മുഖ്യ പത്രാധിപരായിരുന്ന എംഎസ് രാജേന്ദ്രൻ സിപിഐ സംഘടനാ രംഗത്തെ പ്രവര്‍ത്തനത്തിനു പുറമെ വിവിധ പാര്‍ട്ടി പ്രസിദ്ധീകരണങ്ങള്‍ക്കു വേണ്ടിയും പ്രവര്‍ത്തിച്ചിട്ടുണ്ട്.
എംഎസ് രാജേന്ദ്രൻ Photo: Supplied
ഹൈലൈറ്റ്:
- സംസ്കാരം വൈകിട്ട് പിറവത്ത്
- വിദ്യാര്‍ഥി ഫെഡറേഷൻ വഴി സിപിഐയിലെത്തി
- അന്ത്യം കൊച്ചിയിൽ
Also Read: സംവിധായകനും ഛായാഗ്രാഹകനുമായ ശിവൻ (89) അന്തരിച്ചു
1931 നവംബര്‍ 13ന ജനിച്ച എം എസ് രാജേന്ദ്രൻ ആലുവ യുസി കോളേജിൽ വിദ്യാര്‍ഥിയായിരിക്കേയാണ് കമ്യൂണിസ്റ്റ് പാര്‍ട്ടിയുമായി ബന്ധപ്പെടുന്നത്. കോൺഗ്രസ് പശ്ചാത്തലത്തിൽ നിന്നെത്തിയ രാജേന്ദ്രൻ വിദ്യാര്‍ഥി ഫെഡറേഷൻ വഴി കമ്മ്യൂണിസ്റ്റ് പാര്‍ട്ടിയിലെത്തുകയായിരുന്നു. കോളേജിലെ പ്രശ്നങ്ങളെ തുടര്‍ന്ന് പുറത്താകുകയും തുടര്‍ന്ന് 1949ൽ ഇൻ്റര്‍മീഡിയേറ്റ് രണ്ടാം വര്‍ഷ വിദ്യാര്‍ഥിയായി തിരുവനന്തപുരത്തെത്തിയ എംഎസ് രാജേന്ദ്രൻ തിരുവിതാംകൂര്‍ വിദ്യാര്‍ഥി യൂണിയൻ്റെ നേതാവായി. തുടര്‍ന്ന് തിരുവിതാകംകൂര്‍ – കൊച്ചി സംയോജനമുണ്ടായതോടെ തിരു – കൊച്ചി വിദ്യാര്‍ഥി ഫെഡറേഷൻ സെക്രട്ടറിയായാകുകയും ചെയ്തു.
Also Read: ചാനൽ ചർച്ചയ്ക്ക് ആര് പോകണമെന്ന് ഇനി കെപിസിസി തീരുമാനിക്കും; പുതിയ തീരുമാനങ്ങൾ പ്രഖ്യാപിച്ച് കെ സുധാകരൻ
ഇടക്കാലത്ത് വിദ്യാര്‍ഥി ഫെഡറേഷൻ ദേശീയ സെക്രട്ടറിയായി ഡൽഹി ആസ്ഥാനത്തെത്തിയിരുന്നു. ആലപ്പുഴ കയര്‍ ഫാക്ടറി വര്‍ക്കേഴ്സ് യൂണിയൻ കൺസിലിയേഷൻ ചുമതലയും നിര്‍വഹിച്ചിട്ടുണ്ട്. 1956ൽ സോവിയറ്റ് ലാൻ്റ് മലയാളവിഭാഗത്തിൽ ചേര്‍ന്ന് ഡൽഹിയിലെത്തിയ അദ്ദേഹം 20 വര്‍ഷത്തോളം ഡൽഹിയിൽ തുടര്‍ന്നു. പിന്നീട് കുറേക്കാലം മോസ്കോയിലും പ്രവര്‍ത്തിച്ചു. 1982ൽ കേരളത്തിൽ തിരിച്ചെത്തിയ ശേഷം ജനയുഗം പത്രം ചീഫ് എഡിറ്ററായി പ്രവര്‍ത്തനം തുടങ്ങുകായയിരുന്നു. സംഘടനാരംഗത്തും പ്രവര്‍ത്തിച്ച അദ്ദേഹം ഇടുക്കി, പത്തനംതിട്ട, കോട്ടയം ജില്ലകളുടെ ചുമതല വഹിച്ചിരുന്നു. അവിവാഹിതനാണ്.
മനുഷ്യജീവനെടുത്ത് വയനാട്ടിലെ അശാസ്ത്രീയ വൈദ്യുതി വേലികള്‍
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : senior cpi leader and former janayugam chief editor ms rajendran dies
Malayalam News from malayalam.samayam.com, TIL Network
