കൊളസ്‌ട്രോൾ കുറയ്ക്കാനും ഹൃദയാരോഗ്യം സംരക്ഷിക്കാനും സ്ത്രീകൾ ചെയ്യേണ്ടത്

ഹൃദയ സംബന്ധമായ പല പ്രശ്നങ്ങളും പലപ്പോഴും വ്യക്തമായ ലക്ഷണങ്ങൾ ഇല്ലാതെയാണ് വരുന്നത്. അതുകൊണ്ട് തന്നെ ഇത്തരം രോഗങ്ങളെ ചെറുക്കാനുള്ള പ്രതിരോധ നടപടികൾ സ്വീകരിക്കുക എന്നതാണ് പ്രധാനം. ഹൃദയ സംബന്ധമായ അസുഖങ്ങളും അതിന്റെ പ്രത്യാഘാതങ്ങളും ഒഴിവാക്കാൻ ഇനിപ്പറയുന്ന നിർദ്ദേശങ്ങൾ നിങ്ങളെ സഹായിക്കും.

കൊളസ്‌ട്രോൾ നിയന്ത്രിക്കുക – ഉയർന്ന കൊളസ്‌ട്രോൾ ഹൃദ്രോഗത്തിനും പക്ഷാഘാതത്തിനും ഉള്ള സാധ്യത വർദ്ധിപ്പിക്കുന്നു. ഉപ്പും എണ്ണയും കുറഞ്ഞ ഭക്ഷണങ്ങൾ കഴിക്കുക.

വ്യായാമം – ഹൃദയാരോഗ്യം കാത്തുസൂക്ഷിക്കാൻ വ്യായാമം കൂടിയേ തീരൂ. എല്ലാ ദിവസവും, കുറഞ്ഞത് 30 മിനിറ്റെങ്കിലും വ്യായാമത്തിൽ ഏർപ്പെടുന്നത് ഹൃദയത്തിന്റെ പ്രവർത്തനം മെച്ചപ്പെടുത്തും. ഓട്ടം, നീന്തൽ, അല്ലെങ്കിൽ വേഗത്തിലുള്ള നടത്തം ശീലമാക്കാം , അത് ഹൃദയമിടിപ്പ് വർദ്ധിപ്പിക്കുകയും രക്തചംക്രമണം വർദ്ധിപ്പിക്കുകയും ദീർഘനാൾ നിങ്ങളെ ആരോഗ്യത്തോടെ നിലനിർത്തുകയും ചെയ്യും.

ഹൃദയാരോഗ്യത്തിന് ഈ കാര്യങ്ങളിൽ വിട്ടുവീഴ്ച വേണ്ട

ഹൃദയാരോഗ്യത്തിന് വേണ്ട ഭക്ഷണം – പഴങ്ങളും പച്ചക്കറികളും, ധാന്യങ്ങൾ, കൊഴുപ്പ് കുറഞ്ഞ പാലുൽപ്പന്നങ്ങൾ, ഒമേഗ-3 ഫാറ്റി ആസിഡുകൾ എന്നിവ ഉൾപ്പെടുന്ന ഹൃദയാരോഗ്യകരമായ ഭക്ഷണക്രമം ആരോഗ്യത്തിൽ അത്ഭുതങ്ങൾ സൃഷ്ടിക്കും. സംസ്കരിച്ച ഭക്ഷണങ്ങൾ പരിമിതപ്പെടുത്തുക, കാരണം അവയിൽ ഉപ്പും പഞ്ചസാരയും കൂടുതലാണ്, ഇവ രണ്ടും ഹൃദയത്തിന് ദോഷകരമാണ്.

മദ്യപാനവും പുലവലിയും ഉപേക്ഷിക്കുക – ദീർഘകാലാടിസ്ഥാനത്തിൽ പുകവലിയും മദ്യപാനവും ഒരാളുടെ ഹൃദയത്തിന്റെ ആരോഗ്യത്തിന് ഹാനികരമായേക്കാം. ഈ രണ്ട് ശീലങ്ങളും രക്തസമ്മർദ്ദം ഉയർത്തുന്നു എന്നതിനാൽ, രക്തം പമ്പ് ചെയ്യാൻ ഹൃദയം കഠിനമായി പ്രവർത്തിക്കേണ്ടി വരും. കാലക്രമേണ ശരീരത്തിലെ കോശങ്ങളിലേക്ക് ഓക്സിജൻ എത്തിക്കുന്നത് രക്തത്തിന് കൂടുതൽ ബുദ്ധിമുട്ടാക്കുന്നു. അതിനാൽ ഇത്തരം ശീലത്തിൽ നിന്ന് മുക്തി നേടുക. സ്വയം കഴിയുന്നില്ലെങ്കിൽ അതിനായി ഡോക്ടറുടെ സഹായം തേടാം.

നല്ല ഉറക്കം – നല്ല ആരോഗ്യത്തിന് നല്ല ഉറക്കത്തിന്റെ മൂല്യം പറഞ്ഞറിയിക്കാനാവില്ല. ഓരോ രാത്രിയിലും കുറഞ്ഞത് ആറ് മുതൽ എട്ട് മണിക്കൂർ വരെ ഉറങ്ങുന്നത് വളരെ പ്രധാനമാണ്, കാരണം ശരീരത്തിലെ കോശങ്ങൾ പുനർനിർമ്മിക്കുകയും സുഖപ്പെടുത്തുകയും ചെയ്യുന്ന സമയമാണിത്. പഠനങ്ങൾ അനുസരിച്ച്, ഗുണനിലവാരമുള്ള ഉറക്കത്തിന്റെ അഭാവം ഉയർന്ന രക്തസമ്മർദ്ദത്തിനും അതിന്റെ ഫലമായി ഹൃദ്രോഗത്തിനും ഒരു അപകട ഘടകമാണ്.

ജനന നിയന്ത്രണം – പല ഗർഭനിരോധന മാർഗ്ഗങ്ങളും രക്തസമ്മർദ്ദം വർദ്ധിപ്പിക്കും, ഇത് ഹൃദയ സംബന്ധമായ അസുഖങ്ങൾക്ക് ഇടയാക്കും. ഏതെങ്കിലും ഗർഭനിരോധന ഗുളികകളോ മരുന്നോ കഴിക്കാൻ ആരംഭിക്കുന്നതിന് മുമ്പ് നിങ്ങളുടെ ഡോക്ടറെ സമീപിക്കുക.

സമ്മർദ്ദം കുറയ്ക്കുക – സമ്മർദ്ദം രക്തസമ്മർദ്ദം ഉയർത്താൻ മാത്രമല്ല, അനാരോഗ്യകരമായ ഭക്ഷണങ്ങൾ കഴിക്കാനും അനാരോഗ്യകരമായ ജീവിതശൈലി തിരഞ്ഞെടുക്കാനും ആളുകളെ പ്രേരിപ്പിക്കുന്നു. യോഗ, ധ്യാനം അല്ലെങ്കിൽ വിശ്രമിക്കാൻ സഹായിക്കുന്ന മറ്റെന്തെങ്കിലും കാര്യങ്ങൾ ചെയ്യാൻ ശ്രമിക്കുക. ദിവസവും ഈ വിദ്യകൾ പരിശീലിക്കുന്നത് സമ്മർദ്ദം കുറയ്ക്കാനും ഹൃദയാരോഗ്യം നല്ല നിലയിൽ നിലനിർത്താനും സഹായിക്കും.

ആരോഗ്യകരമായ ശരീരഭാരം – ഹൃദ്രോഗത്തിലേക്ക് നയിച്ചേക്കാവുന്ന പ്രമേഹം പോലുള്ള അവസ്ഥകൾ ഒഴിവാക്കാൻ ആരോഗ്യകരമായ ശരീര ഭാരം നിലനിർത്തുന്നത് ഓരോ സ്ത്രീക്കും വളരെ പ്രധാനമാണ്.

പതിവ് ഹൃദയ പരിശോധനകൾ – 30 വയസ്സ് മുതൽ എല്ലാ സ്ത്രീകളും ഹൃദ്രോഗമുണ്ടോ എന്ന് പരിശോധിക്കണം. കൂടാതെ, അവരുടെ കൊളസ്ട്രോൾ, രക്തസമ്മർദ്ദം, പ്രമേഹത്തിന്റെ അളവ് എന്നിവ പരിശോധിക്കണം.

നല്ല ആരോഗ്യത്തിന്റെയും സന്തോഷത്തിന്റെയും താക്കോലാണ് പ്രതിരോധം. ചെറുപ്പം മുതലേ ആരോഗ്യകരമായ ജീവിതശൈലി നയിക്കുന്നത് ദീർഘകാലം ജീവിക്കാൻ മാത്രമല്ല, വിട്ടുമാറാത്ത രോഗങ്ങൾ ഒഴിവാക്കാനും സഹായിക്കും. നിങ്ങൾക്ക് ഹൃദ്രോഗത്തിന്റെ കുടുംബ ചരിത്രമോ അപകടസാധ്യതയുള്ള ഘടകങ്ങളോ ഉണ്ടെങ്കിൽ, പതിവായി ആരോഗ്യ പരിശോധനകൾ നടത്താനും ആരോഗ്യകരമായ ജീവിതശൈലി നിലനിർത്താനും വിദഗ്ധർ ശുപാർശ ചെയ്യുന്നു. ഇത് ഹൃദ്രോഗം മാത്രമല്ല, മറ്റ് പ്രശ്നങ്ങളും തടയും.