നിക്ഷേപക അന്തരീക്ഷം കൂടുതല്‍ മെച്ചപ്പെടും
ഇന്‍വെസ്റ്റേഴ്‌സ് റെഡിഡന്‍സി പ്രോഗ്രാമിന്റെ ഭാഗമായുള്ള ഈ പദ്ധതി ഈ വര്‍ഷം സപ്തംബര്‍ മുതലാണ് നടപ്പില്‍ വരിക. പ്രവാസി നിക്ഷേപകര്‍ക്ക് റിട്ടര്‍മെന്റ് ജീവിതം നയിക്കുന്നത് ഉള്‍പ്പെടെയുള്ള കാര്യങ്ങള്‍ എളുപ്പമാക്കുന്ന പദ്ധതിയായാണ് ഇത് വിലയിരുത്തപ്പെടുന്നത്. രാജ്യത്തെ നിക്ഷേപക അന്തരീക്ഷം കൂടുതല്‍ മെച്ചപ്പെടുത്തുന്നതിനും കൂടുതല്‍ വിദേശ നിക്ഷേപകരെ രാജ്യത്തേക്ക് ആകര്‍ഷിക്കുന്നതിനും രാജ്യത്ത് കൂടുതല്‍ തൊഴിലവസരങ്ങള്‍ സൃഷ്ടിക്കുന്നതിനും വേണ്ടിയാണ് ഇത്തരമൊരു പദ്ധതി നടപ്പിലാക്കിയതെന്നും അധികൃതര്‍ വ്യക്തമാക്കി.
ഒമാന്‍ വിഷന്‍ 2040
രാജ്യത്തിന്റെ സമ്പദ് വ്യവസ്ഥയെ കൂടുതല്‍ ശാക്തീകരിക്കുകയെന്ന ഒമാന്‍ വിഷന്‍ 2040ന്റെ ലക്ഷ്യത്തിന്റെ ഭാഗം കൂടിയാണ് നടപടി. ഒമാനില്‍ നിലവില്‍ നിക്ഷേപമുള്ളവര്‍ക്കും പുതുതായി നിക്ഷേപം ഇറക്കാന്‍ ആഗ്രഹിക്കുന്നവര്‍ക്കും ഇന്‍വെസ്റ്റേഴ്‌സ് റെഡിഡന്‍സി പ്രോഗ്രാമിന്റെ ആനുകൂല്യം ലഭിക്കുമെന്ന് ഒമാന്‍ ചേംബര്‍ ഓഫ് കൊമേഴ്‌സ് ആന്റ് ഇന്‍ഡസ്ട്രി ചെയര്‍മാന്‍ ഡോ. റിദ ബിന്‍ ജുമാ അല്‍ സാലിഹ് അറിയിച്ചു.
അപേക്ഷ നല്‍കേണ്ടത് ഓണ്‍ലൈന്‍ വഴി
പദ്ധതിയുടെ ആനുകൂല്യം ലഭിക്കാന്‍ ആഗ്രഹിക്കുന്നവര്‍ മന്ത്രാലയത്തിന്റെ ഇന്‍വെസ്റ്റ്‌മെന്റ് സര്‍വീസസ് സെന്റര്‍ വഴി ഓണ്‍ലൈനായാണ് അപേക്ഷ നല്‍കേണ്ടത്. ഇതുമായി ബന്ധപ്പെട്ട കൂടുതല്‍ നിര്‍ദ്ദേശങ്ങള്‍ താമസിയാതെ പുറത്തുവിടുമെന്നും ഡോ. റിദ പറഞ്ഞു. നിക്ഷേപകര്‍ക്കും വിവിധ പ്രൊഫഷനലുകള്‍ക്കുമായി യുഎഇയും ഈയിടെ ദീര്‍ഘകാല പദ്ധതി പ്രഖ്യാപിച്ചിരുന്നു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : oman launches long-term residence visas for investors
Malayalam News from malayalam.samayam.com, TIL Network
