കൊവിഡ് പരിശോധന
ദോഹയില്‍ നടക്കുന്ന പ്രഥമ ഖത്തര്‍ എക്കണോമിക് ഫോറത്തില്‍ ദി എക്കോണമിക്സ് ഓഫ് ഇക്കോളജി ആന്റ് പബ്ലിക് ഹെല്‍ത്ത് എന്ന വിഷയത്തില്‍ സംസാരിക്കുകയായിരുന്നു അവര്‍. വ്യത്യസ്ത വ്യാപാര, വാണിജ്യ മേഖലകള്‍ തുറക്കുന്നതിന് കൊവിഡ് പരിശോധന വളരെ പ്രധാനമാണ്. കൊവിഡ് വ്യാപനത്തെ വലിയ തോതില്‍ തടയാന്‍ വാക്‌സിനേഷനിലൂടെ സാധിക്കും എന്നതിനാല്‍ ഖത്തറിന് വളരെ വൈകാതെ തന്നെ ആര്‍ജിത പ്രതിരോധ ശേഷി കൈവരിക്കാനാവുമെന്നും മന്ത്രി പറഞ്ഞു.
ജനങ്ങള്‍ക്ക് വാകിസിന്‍ നല്‍കാന്‍ സാധിക്കുന്നു
വാക്‌സിനേഷലൂടെ മാത്രം കൊവിഡിനെ പൂര്‍ണമായും തുടച്ചുനീക്കാനാവും എന്ന് കരുതുന്നില്ല. എല്ലാ രാജ്യങ്ങളും നിശ്ചിത ശതമാനം ആളുകള്‍ക്ക് വാക്സിന് നല്‍കുന്നതോട് കൂടി മാത്രമേ കൊവിഡ് വെല്ലുവിളിയെ അതിജയിക്കാനാവൂ. ജനങ്ങള്‍ക്ക് ഏറ്റവും നല്ല വാക്സിനുകള് ലഭ്യമാക്കാന്‍ ഭരണാധികാരികള്‍ക്ക് കഴിഞ്ഞതായും അല്‍ കുവാരി പറഞ്ഞു. ഖത്തര്‍ ഉപയോഗിക്കുന്ന ഫൈസര്‍, മൊഡേണ വാക്സിനുകള് ഏറ്റവും മികച്ച ഫലമാണ് നല്‍കുന്നത്. ഖത്തറിലെ ജനങ്ങള്‍ക്ക് ആവശ്യമായ വാക്സിന് ഡോസുകളുടെ ലഭ്യത രാജ്യം ഉറപ്പുവരുത്തിയിട്ടുണ്ടെന്നും അവര്‍ വ്യക്തമാക്കി.
തൊഴില്‍ മേഖലകളില്‍ സ്ത്രീകളുടെ സാന്നിധ്യം
ഖത്തര്‍ ഭരണകൂടം വനിതാ ശാക്തീകരണത്തിന് വലിയ പ്രാധാന്യമാണ് നല്‍കുന്നതെന്നും അവര്‍ പറഞ്ഞു. ഖത്തരി മന്ത്രിസഭയിലെ ഏക മന്ത്രിയെന്ന നിലയ്ക്ക് കൊവിഡിന്റെ പശ്ചാത്തലത്തില്‍ അവര്‍ക്ക് ഏല്‍പ്പിക്കപ്പെട്ട ഭാരിച്ച ഉത്തരവാദിത്തത്തെ കുറിച്ച് ഉയര്‍ന്ന ചോദ്യത്തിന് മറുപടി പറയവെയാണ് അവര്‍ ഇങ്ങനെ പറഞ്ഞത്. ഖത്തറിലെ സാമൂഹിക, തൊഴില്‍ മേഖലകളില്‍ സ്ത്രീകളുടെ സാന്നിധ്യം വളരെ ശക്തമാണ്. അമീര്‍ ശെയ്ഖ് തമീം ബിന്‍ ഹമദ് അല്‍താനിയും അദ്ദേഹത്തിന്റെ പിതാവും മുന്‍ അമീറുമായ ശെയ്ഖ് ഹമദ് ബിന്‍ ഖലീഫ അല്‍താനിയും ഇക്കാര്യത്തില്‍ എടുക്കുന്ന പിന്തുണയും താല്‍പര്യവുമാണ് ഇതിന് കാരണം. വിദ്യാഭ്യാസ നിലവാരത്തിന്റെ കാര്യത്തില്‍ ഖത്തറിലെ പുരുഷന്‍മാരെക്കാള്‍ മുമ്പിലാണ് സ്ത്രീകള്‍. ബിരുദധാരികളില്‍ കൂടുതലും വനിതകളാണെന്നും അവര്‍ അറിയിച്ചു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : restrictions to stay in place until covid-19 is suppressed qatar
Malayalam News from malayalam.samayam.com, TIL Network
