ഹൈലൈറ്റ്:
- എയര്‍ ഇന്ത്യയ്ക്കു പുറമെ ഫ്‌ളൈ എയറും ബുക്കിംഗ് ജൂലൈ ഏഴ് വരെ നിര്‍ത്തി
- എയര്‍ ഇന്ത്യ ട്വിറ്റര്‍ അക്കൗണ്ടിലൂടെയാണ് വിവരണങ്ങള്‍ പുറത്തുവിട്ടത്.
ഇന്ത്യ ഉള്‍പ്പെടെയുള്ള രാജ്യങ്ങളില്‍ നിന്നുള്ളവര്‍ക്ക് ഏര്‍പ്പെടുത്തിയ വിലക്ക് ജൂണ്‍ 23 മുതല്‍ പിന്‍വലിക്കുമെന്ന് ദുബായ് കഴിഞ്ഞയാഴ്ച പ്രഖ്യാപിച്ചിരുന്നു. ഇതിന്റെ പശ്ചാത്തലത്തില്‍ ജൂണ്‍ 24 മുതല്‍ ദുബായ് ഇന്റര്‍നാഷനല്‍ എയര്‍പോര്‍ട്ടിലേക്ക് സര്‍വീസ് പുനരാരംഭിക്കുമെന്ന് എയര്‍ ഇന്ത്യ നേരത്തേ അറിയിച്ചിരുന്നു. എന്നാല്‍, യാത്രക്കാര്‍ പാലിക്കേണ്ട കൊവിഡ് പ്രോട്ടോക്കോള്‍ സംബന്ധിച്ച ആശയക്കുഴപ്പമാണ് സര്‍വീസ് നിര്‍ത്തിവയ്ക്കാന്‍ തീരുമാനിച്ചതിന് പിന്നിലെന്നാണ് വിവരം.
Also Read: 
ബഹ്റൈനിലെ കൊവിഡ് നിയന്ത്രണങ്ങള്‍ ജൂലൈ രണ്ട് വരെ നീട്ടി
ദുബായില്‍ റെസിഡന്‍സ് വിസയുള്ളവര്‍ക്കും ഇവിടെ അംഗീകാരമുള്ള രണ്ട് ഡോസ് വാക്‌സിന്‍ സ്വീകരിച്ചുവര്‍ക്കുമായിരിക്കും യാത്രമാനുമതി ലഭിക്കുകയെന്ന് ദുബായ് ക്രൈസിസ് ആന്റ് ഡിസാസ്റ്റര്‍ മാനേജ്‌മെന്റ് സുപ്രിം കമ്മിറ്റി നേരത്തേ അറിയിച്ചിരുന്നു. 48 മണിക്കൂര്‍ മുമ്പ് എടുത്ത പിസിആര്‍ പരിശോധനയുടെ ക്യൂആര്‍ കോഡ് സഹിതമുള്ള നെഗറ്റീവ് സര്‍ട്ടിഫിക്കറ്റ്, വിമാനം പുറപ്പെടുന്നതിന് നാല് മണിക്കൂര്‍ മുമ്പ് എടുത്ത റാപ്പിഡ് പിസിആര്‍ ടെസ്റ്റ്, ദുബായിലെത്തിയാല്‍ വിമാനത്താവളത്തില്‍ വച്ച് വീണ്ടും പിസിആര്‍ പരിശോധന, ഇതിന്റെ ഫലം വരുന്നത് വരെ സ്ഥാപന ക്വാറന്റൈന്‍ തുടങ്ങിയവയാണ് യാത്രാ നിബന്ധനകള്‍.
ഇവയില്‍ നാല് മണിക്കൂര്‍ മുമ്പുള്ള റാപ്പിഡ് പിസിആര്‍ ടെസ്റ്റിന്റെ കാര്യത്തിലാണ് ആശയക്കുഴപ്പം നിലനില്‍ക്കുന്നത്. ഇതിനുള്ള സൗകര്യം എയര്‍ ഇന്ത്യയ്ക്കില്ലാത്തതാണ് സര്‍വീസ് നിര്‍ത്തിവയക്കാന്‍ കാരണമെന്നാണ് റിപ്പോര്‍ട്ട്. ഈ പ്രശ്‌നം പരിഹരിച്ചാലുടന്‍ സര്‍വീസ് പുനരാരംഭിക്കും. എയര്‍ ഇന്ത്യയ്ക്കു പുറമെ ഫ്‌ളൈ എയറും ന്യൂഡല്‍ഹിയില്‍ നിന്ന് ദുബായിലേക്കുള്ള ടിക്കറ്റ് ബുക്കിംഗ് ജൂലൈ ഏഴ് വരെ നിര്‍ത്തിയതായി അറിയിച്ചിട്ടുണ്ട്.
മനുഷ്യജീവനെടുത്ത് വയനാട്ടിലെ അശാസ്ത്രീയ വൈദ്യുതി വേലികള്‍
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : air india says india uae flights to remain suspended until july 6
Malayalam News from malayalam.samayam.com, TIL Network
