ഏപ്രിൽ 21 ന് നടക്കാനിരിക്കുന്ന കൂടൽ മാണിക്യം നൃത്തോത്സവത്തിന്റെ ആറാം ദിവസത്തെ പരിപാടിയായിട്ടാണ് നർത്തകി മൻസിയ വി പി യുടെ ഭരതനാട്യം ചാർട്ട് ചെയ്തിരുന്നത്. എന്നാൽ അഹിന്ദുവാണെന്ന കാരണം പറഞ്ഞ് പരിപാടിയിൽ നിന്നും ഒഴിവാക്കുകയായിരുന്നു.
“നർത്തകിയുടെ വിലക്ക്” തന്ത്രിയോഗത്തിൽ ചർച്ച ചെയ്യുമെന്ന് കൂടൽമാണിക്യം ദേവസ്വം ചെയർമാൻ
ഹൈലൈറ്റ്:
- വിഷയത്തിൽ മന്ത്രിയുടെ ഇടപെടൽ
- അനുഭാവപൂർവം തീരുമാനമെടുക്കാൻ നിർദ്ദേശം
- 30ന് യോഗം ചേരും
“നമ്മൾ പറഞ്ഞ് തീരുമാനം എടുപ്പിക്കുന്നതിനേക്കാൾ നല്ലത് അവർക്ക് സ്വയം ബോധ്യം വരുന്നതല്ലേ. ചർച്ചയിലൂടെ അവർ തീരുമാനമെടുക്കട്ടെ. അനുഭാവപൂവം വിഷയം പരിഗണിക്കാൻ നിർദ്ദേശം കൊടുത്തിട്ടുണ്ട്. 30ന് ചേരുന്ന യോഗത്തിൽ അന്തിമ തീരുമാനം ഉണ്ടാകും.” മന്ത്രി പറഞ്ഞു.
ഏപ്രിൽ 21 ന് നടക്കാനിരിക്കുന്ന കൂടൽ മാണിക്യം നൃത്തോത്സവത്തിന്റെ ആറാം ദിവസത്തെ പരിപാടിയായിട്ടാണ് നർത്തകി മൻസിയ വി പി യുടെ ഭരതനാട്യം ക്ഷേത്രോത്സവം കമ്മിറ്റി ചാർട്ട് ചെയ്തിരുന്നത്. എന്നാൽ അഹിന്ദുവാണ്‌ എന്ന കാരണത്താൽ പരിപാടിയിൽ പങ്കെടുക്കാൻ കഴിയില്ലെന്ന് കഴിഞ്ഞ ദിവസം ക്ഷേത്ര കമ്മിറ്റിയുടെ പ്രതിനിധികൾ മൻസിയയെ അറിയിക്കുകയായിരുന്നു.
സര്‍ക്കാര്‍ ജീവനക്കാർ പണിമുടക്കുന്നത് നിയമ വിരുദ്ധം; വിലക്കി ഉത്തരവിറക്കാന്‍ ഹൈക്കോടതി നിര്‍ദ്ദേശം
താൻ നേരിട്ട വിവേചനം മൻസിയ ഫേസ്ബുക്കിൽ പോസ്റ്റ് ചെയ്തതോടെയാണ് ക്ഷേത്രം ഭാരവാഹികളുടെ നടപടി വിവാദമായത്. മൻസിയയുടെ ആപ്ലിക്കേഷൻ സ്വീകരിക്കുന്ന സമയത്ത് അഹിന്ദുവാണ്‌ എന്ന് അറിയില്ലായിരുന്നു എന്നും പിന്നീട് ഡിക്ലറേഷൻ നൽകുന്ന സമയത്താണ് ഇക്കാര്യം ബോധ്യപ്പെട്ടത് എന്നുമാണ് ചെയർമാൻ പ്രദീപ് മേനോൻ സമയം മലയാളത്തോട് പ്രതികരിച്ചത്.
മതമില്ലാത്ത വ്യക്തിയാണ് മൻസിയ. മനസിയയുടെ ഉമ്മ ഇസ്ലാം മതത്തിലായിരുന്നു എങ്കിലും മൻസിയ മതം ഉപേക്ഷിച്ചതായി വളരെ മുൻപ് തന്നെ വ്യക്തമാക്കിയിരുന്നു. ഈ സാഹചര്യത്തിലാണ് ക്ഷേത്രോത്സവത്തിൽ പങ്കെടുക്കാൻ മതമില്ലാത്ത മനുഷ്യർക്ക് കഴിയുമോ ഇല്ലയോ എന്ന ചർച്ചയും ഉയരുന്നത്.
കേരളം ശ്രീലങ്കയെപ്പോലെയാകുമോ? തോമസ് ഐസക് പറയുന്നത് ഇങ്ങനെ
നിലവിലുള്ള നിയമങ്ങളനുസരിച്ച് മതമില്ലാത്തവർക്കും മതവിശ്വാസികൾക്കായുള്ള നിയമങ്ങളാണ് നില നിൽക്കുന്നത്. ദേവസ്വം ബോർഡിൻറെ നിയമമനുസരിച്ചാണ് നിലവിൽ തീരുമാനം എടുത്തതെന്നും ഇതുവരെ മനസിയയുടേതുപോലുള്ള കേസുകൾ ഉണ്ടായിട്ടില്ലെന്നും ചെയർമാൻ പറഞ്ഞു.
ഈ വിഷയം ഒരു പുതിയ കാര്യമാണ്. ക്ഷേത്രത്തിൽ മതമില്ലാത്തവരും, അഹിന്ദുക്കളും കലാപ്രകടനത്തിനായി എത്തുന്നത് സംബന്ധിച്ചുള്ള വിഷയം മാർച്ച് മുപ്പതിന് ചേരുന്ന തന്ത്രിയോഗത്തിൽ ചർച്ചചെയ്യും. കൂടാതെ ദേവസ്വം മന്ത്രിയുമായും വിഷയം ചർച്ച ചെയ്യുമെന്ന് ചെയർമാൻ സമയം മലയാളത്തോട് പറഞ്ഞു.
കൂടൽ മാണിക്യം ക്ഷേത്രത്തിന്റെ നൃത്തോത്സവത്തിന്റെ ഭാഗമായി എല്ലാവരും എത്തണമെന്നും, കാലത്തിനനുസരിച്ചുള്ള മാറ്റത്തിന് ക്ഷേത്രം ദേവസ്വത്തിന് അനുകൂല നിലപാടാണ് ഉള്ളതെന്നും ചെയർമാൻ പ്രദീപ് മേനോൻ പറഞ്ഞു.
കെ രാധാകൃഷ്ൻ , മൻസിയ വിപി
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : devaswom minister response over dancer mansiya vp issue
Malayalam News from Samayam Malayalam, TIL Network
