മധ്യമപ്രദേശിലെ ഖണ്ഡ്വ ജില്ലയിലാണ് സംഭവം നടന്നത്. ജില്ലാ കേന്ദ്രത്തിൽ നിന്ന് 40 കിലോമീറ്റര്‍ അകലെ അജ്നാലിലാണ് മധ്യവയസ്കൻ്റെ മൃതദേഹം പുഴയിൽ കണ്ടെത്തിയത്. പ്രതികള്‍ മൃതദേഹം ഛിന്നഭിന്നമാക്കിയ ശേഷം പുഴയിൽ ഉപേക്ഷിക്കുകയായിരുന്നു. സംഭവത്തിൻ്റെ വീഡിയോ ദൃശ്യങ്ങളും സമൂഹമാധ്യമങ്ങൾ വഴി പ്രചരിക്കുന്നുണ്ട്. കൊല നടന്ന വിവരം എസ് പി വിവേക് സിങ് സ്ഥിരീകരിച്ചു.
Also Read: ശക്തമായ കോൺഗ്രസ് വേണം, തോറ്റെന്നു കരുതി ആരും പാർട്ടി വിടരുത്: കേന്ദ്രമന്ത്രി നിതിൻ ഗഡ്കരി
മരിച്ച വ്യക്തി പ്രായപൂര്‍ത്തിയായാകാത്ത പെൺകുട്ടിയെ കൊലപ്പെടുത്തിയ കേസിലെ പ്രതിയാണെന്ന് പോലീസ് അറിയിച്ചു. “മരിച്ചയാൾ 14 വയസുകാരിയെ പീഡിപ്പിച്ച കേസിലെ പ്രതിയാണെന്ന് അന്വേഷണത്തിൽ കണ്ടെത്തി. കുട്ടിയുടെ പിതാവും അമ്മാവനും ചേര്‍ന്ന് ഇയാളെ അജ്നാൽ നദീതീരത്തേയ്ക്ക് ശനിയാഴ്ച ബൈക്കിൽ കൊണ്ടുവരികായിരുന്നു. തുടര്‍ന്ന് ഇയാളുടെ തലയറുക്കുകയും മീൻ വെട്ടുന്ന ആയുധം ഉപയോഗിച്ച് ശരീരം രണ്ട് കഷണങ്ങളായി മുറിക്കുകയും ചെയ്തു.” സബ് ഡിവിഷണൽ ഓഫീസര്‍ ഓഫ് പോലീസ് രാകേഷ് പെന്ദ്രോ അറിയിച്ചു.
Also Read: പഠിക്കാനെത്തി, ഇപ്പോൾ കാനഡയിൽ സ്വന്തമായി കഞ്ചാവ് കട; അനുഭവം പങ്കുവെച്ച് മലയാളി യുവാക്കൾ
സംഭവത്തിൽ രണ്ട് പേരെ അറസ്റ്റ് ചെയ്തതായി പോലീസ് വ്യക്തമാക്കി. കൃത്യത്തിൽ മറ്റാര്‍ക്കെങ്കിലും പങ്കുണ്ടോ എന്നതടക്കമുള്ള കാര്യങ്ങള്‍ അന്വേഷിക്കുന്നതായും പോലീസ് കൂട്ടിച്ചേര്‍ത്തു. പ്രതികളും മരിച്ചയാളും ബന്ധുക്കളാണെന്നും പോലീസ് പറഞ്ഞു.
തിരുവനന്തപുരത്തെ ഈ ഗ്രാമങ്ങളിൽ പണിമുടക്കില്ല!
Web Title : father and uncle of victim allegedly murders molestation accused in madhya pradesh
Malayalam News from Samayam Malayalam, TIL Network
