കെ-റെയിലിനെതിരായ രണ്ട് ഹ‍ർജികൾ തള്ളി; സർക്കാരിന് തുടർനടപടികൾ സ്വീകരിക്കാം

കലയ്ക്ക് മതമില്ല, വിലക്കലല്ല വിളക്കാണ് കല; മൻസിയ വിഷയത്തിൽ മന്ത്രി ശിവൻകുട്ടി

പ്രത്യേക റെയിൽ പദ്ധതി അല്ലാത്തതിനാൽ പദ്ധതി നിർവഹണത്തിനും സ്ഥലം ഏറ്റെടുപ്പിനും സംസ്ഥാന സർക്കാരിന് അധികാരമുണ്ടെന്ന സർക്കാരിന്റെ വാദം കോടതി അംഗീകരിച്ചു. സിൽവർ ലൈൻ പദ്ധതി ഒരു പ്രത്യേക റെയിൽ പദ്ധതിയാണെന്നായിരുന്നു ഹർജിക്കാരുടെ വാദം. കേന്ദ്രസർക്കാരിന്റെ നോട്ടിഫിക്കേഷൻ ഇല്ലാതെ ഭൂമി ഏറ്റെടുപ്പിനും പദ്ധതി നിർവഹണത്തിനും സംസ്ഥാന സർക്കാരിന് അധികാരമില്ലെന്നും ഹർജിക്കാരൻ വാദിച്ചു.

സിൽവർ ലൈൻ പദ്ധതിയുടെ സാമൂഹിക ആഘാത പഠനം തടയണമെന്ന് ആവശ്യപ്പെട്ടു സമർപ്പിച്ച ഹർജി തിങ്കളാഴ്ച സുപ്രീംകോടതി തള്ളിയിരുന്നു. വൻകിട പദ്ധതികളുടെ സാമൂഹിക ആഘാത പഠനം തടസപ്പെടുത്താൻ കോടതിക്ക് സാധിക്കില്ലെന്ന് സുപ്രീംകോടതി വ്യക്തമാക്കി. സാമൂഹിക ആഘാത പഠനം തടസപ്പെടുത്തിയ ഹൈക്കോടതി സിംഗിൾ ബെഞ്ച് ഉത്തരവിനെ കോടതി വിമർശിച്ചു.

2013ലെ ഭൂമി ഏറ്റെടുക്കൽ നിയമം അനുസരിച്ചല്ല സാമൂഹിക ആഘാത പഠനം നടത്തുന്നത് എന്നായിരുന്നു ഹർജിക്കാരുടെ അവകാശവാദം. എന്നാൽ പഠനം നടത്തുന്നതിൽ എന്ത് തെറ്റാണുള്ളതെന്ന് ജസ്റ്റിസ് എം ആർ ഷാ ചോദിച്ചു. സാമൂഹിക ആഘാത പഠനം തടസപ്പെടുത്താനല്ലേ ഹർജിക്കാർ ശ്രമിക്കുന്നതെന്ന് കോടതി ചോദിച്ചു.

സ്ത്രീ സൗഹൃദമാകുക തെരഞ്ഞെടുപ്പ് വരുമ്പോൾ; ഹേമാ കമ്മിറ്റി റിപ്പോര്‍ട്ട് പുറത്ത് വന്നാല്‍ പല വിഗ്രഹങ്ങളും ഉടയും: പാർവതി തിരുവോത്ത്

ഭൂമി ഏറ്റെടുക്കുമ്പോൾ അപാകതയുണ്ടെങ്കിൽ നിയമപരമായി പരിശോധിക്കാമെന്നും കോടതി വ്യക്തമാക്കി. സംസ്ഥാന നിയമത്തിന്റെയും കേന്ദ്ര നിയമത്തിന്റെയും അടിസ്ഥാനത്തിൽ സർവേ നടത്തുന്നത് ഗുണമാണെന്ന് കോടതി പറഞ്ഞു. പദ്ധതി കടന്നു പോകുന്ന സ്ഥലങ്ങളിലെ ഭൂവുടമകളാണ് ഹർജിയുമായി കോടതിയെ സമീപിച്ചത്.

വൻകിട പദ്ധതികളെ കോടതികൾക്ക് തടസപ്പെടുത്താൻ സാധിക്കില്ലെന്നായിരുന്നു കോടതിയുടെ സുപ്രധാന നിരീക്ഷണം. ഇടക്കാല ഉത്തരവിലൂടെ സാമൂഹിക ആഘാത പഠനവും സർവേയും സ്റ്റേ ചെയ്ത ഹൈക്കോടതി സിംഗിൾ ബെഞ്ച് നടപടി തെറ്റാമെന്നും സുപ്രീംകോടതി ചൂണ്ടിക്കാട്ടി. സിംഗിൾ ബെഞ്ച് ഉത്തരവ് റദ്ദാക്കിയ ഡിവിഷൻ ബെഞ്ചിന്റെ നടപടി ശരിയാണെന്നും കോടതി നിരീക്ഷിച്ചു. പദ്ധതി തടസപ്പെടുത്താനുള്ള നടപടി സ്വീകരിക്കില്ലെന്നും സുപ്രീംകോടതി പറഞ്ഞു.