പ്രവാസികള്‍ക്ക് ഏറെ സഹായകമാവുന്ന പദ്ധതി
പുതുതായി ഏര്‍പ്പെടുത്തിയ റെസിഡന്‍സി സേവനം പ്രവാസികള്‍ക്കും അവരുടെ കുടുംബങ്ങള്‍ക്കും കമ്പനികള്‍ക്കും സ്ഥാപനങ്ങള്‍ക്കും ഏറെ പ്രയോജനകരമാവും എന്നാണ് വിലയിരുത്തപ്പെടുന്നത്. വിസ പുതുക്കുന്നത് ഉള്‍പ്പെടെയുള്ള നടപടികള്‍ക്കായി ഓഫീസുകളില്‍ നേരിട്ടെത്തുന്നത് ഒഴിവാക്കാന്‍ ഇതുവഴി കഴിയും. സ്ഥാപനങ്ങളിലെ ജീവനക്കാരുടെ ജോലി ഭാരം 30 ശതമാനം കണ്ട് കുറയ്ക്കാനും വിവിധ സര്‍വീസ് സെന്ററുകളിലേക്കുള്ള സന്ദര്‍ശനം 50 ശതമാനം കണ്ട് ലാഭിക്കാനും ഇതിലൂടെ സാധിക്കുമെന്നും അദ്ദേഹം കൂട്ടിച്ചേര്‍ത്തു. വിസ പുതുക്കുന്നതോടൊപ്പം വിസ സ്റ്റിക്കര്‍ കാന്‍സല്‍ ചെയ്യുന്നതിനുള്ള സൗകര്യവും ഇനി മുതല്‍ നാഷനല്‍ പോര്‍ട്ടല്‍ വഴി സാധിക്കും. ഒരു ബര്‍ഷം 10 ലക്ഷത്തിലേറെ പേര്‍ക്ക് വിസ അനുവദിക്കുന്നതായാണ് കണക്ക്.
എവിടെ വച്ചും വിസ പുതുക്കാന്‍ അവസരം
പുതിയ സംവിധാനം നിലവില്‍ വന്നതോടെ റെസിഡന്‍സ് പെര്‍മിറ്റിന്റെ വിശദാംശങ്ങള്‍ bahrain.bh പോര്‍ട്ടല്‍ വഴി ഏത് സമയത്തും എവിടെ വച്ചും ഓണ്‍ലൈനായി അറിയാനാവും. ക്യുആര്‍ കോഡിന്റെ സഹായത്തോടെയാണ് ഇത് സാധ്യമാവുക. രാജ്യത്തിന് അകത്തു നിന്നും പുറത്തു നിന്നും റെസിഡന്‍സ് പെര്‍മിറ്റ് പുതുക്കാനും ഇതിലൂടെ സാധിക്കും. ഐഡി കാര്‍ഡ് നമ്പറോ പാസ്‌പോര്‍ട്ട് നമ്പറോ ഉപയോഗിച്ച് വിസയുടെ ഡിജിറ്റല്‍ പ്രിന്റ് എടുക്കാനും കഴിയുമെന്നും അദ്ദേഹം അറിയിച്ചു.
നവജാത ശിശുക്കളുടെ പാസ്‌പോര്‍ട്ട് എടുക്കാം
ദേശീയ പോര്‍ട്ടല്‍ വഴിയുള്ള പാസ്‌പോര്‍ട്ട് സേവനങ്ങള്‍ ആദ്യഘട്ടമെന്ന നിലയ്ക്ക് ബഹ്‌റൈന്‍ പൗരന്‍മാരുടെ രാജ്യത്ത് വച്ച് പിറക്കുന്ന കുട്ടികള്‍ക്കാണ് ലഭിക്കുക. Bahrain.bh പോര്‍ട്ടലിലും സിഹത്തീ ആപ്പിലും ലഭിക്കുന്ന ജനനസര്‍ട്ടിഫിക്കറ്റ് അപ്ലോഡ് ചെയ്താല്‍ നവജാത ശിശുക്കള്‍ക്ക് പാസ്‌പോര്‍ട്ട് എടുക്കാം. ഇതിനുള്ള അപേക്ഷ ബഹ്‌റൈന്‍ താമസമുള്ള സ്വദേശിയായ പിതാവ് തന്നെ നല്‍കണമെന്ന നിബന്ധനയുണ്ട്. ആഭ്യന്തര മന്ത്രാലയത്തിനു കീഴിലുള്ള കൂടുതല്‍ സേവനങ്ങള്‍ ഡിജിറ്റല്‍രൂപത്തിലേക്ക് മാറ്റാനുള്ള ശ്രമങ്ങള്‍ പുരോഗമിക്കുന്നതായും അണ്ടര്‍ സെക്രട്ടറി അറിയിച്ചു.
കൂടുതല്‍ സേവനങ്ങള്‍ ഡിജിറ്റലാക്കും
പോര്‍ട്ടലില്‍ നിലവില്‍ ലഭ്യമായ 24 സേവനങ്ങളില്‍ ഒന്‍പതെണ്ണവും ഈ വര്‍ഷം പുതുതായി ചേര്‍ക്കപ്പെട്ടവയാണ്. വിവിധ സേവനങ്ങള്‍ ലഭിക്കുന്നതിനായി ഓഫീസുകള്‍ കയറിയിറങ്ങുന്നത് ഒഴിവാക്കി ഉപഭോക്താക്കള്‍ക്ക് വേഗത്തിലും എളുപ്പത്തിലും അവ ലഭ്യമാക്കുകയെന്ന ലക്ഷ്യത്തോടെയുള്ള ബഹ്‌റൈന്‍ എക്കണോമിക് വിഷന്‍ 2030ന്റെ ഭാഗമായി കൂടിയാണ് പുതിയ സൗകര്യങ്ങള്‍ ഏര്‍പ്പെടുത്തിയിരിക്കുന്നതെന്നും അദ്ദേഹം പറഞ്ഞു. ഇഗവേണന്‍സ് അതോറിറ്റിയുമായി സഹകരിച്ചാണ് ആഭ്യന്തര മന്ത്രാലയം ഈ സേവനങ്ങള്‍ ഒരുക്കിയിരിക്കുന്നത്.
Web Title : visa can now be renewed through the bahrain national portal
Malayalam News from Samayam Malayalam, TIL Network
