Sumayya P | Samayam Malayalam | Updated: Mar 29, 2022, 11:54 AM
കഴിഞ്ഞ ആറുമാസക്കാലത്തെ പ്രധാനപ്പെട്ട സംഭവങ്ങള്‍ കോര്‍ത്തിണക്കി അവതരിപ്പിക്കുന്ന ഗോള്‍ഡന്‍ മെമ്മറീസ് എന്ന പത്തുമിനിട്ട് നീളുന്ന പ്രത്യേക പരിപാടിയും അരങ്ങേറും.
ഹൈലൈറ്റ്:
- യാസ്മിന സബാഹിന്റെ നേതൃത്വത്തിലുള്ള വനിതകളുടെ ഫിര്‍ദൗസ് ഓര്‍ക്കസ്ട്രയുടെ പരിപാടികളും ചടങ്ങിന്റെ ഭാഗമായി അരങ്ങേറും.
- വെടിക്കെട്ടുകളുടെ അകമ്പടിയോടെ സമാപനച്ചടങ്ങുകള്‍ക്കും എക്സ്പോ 2020നും തിരശ്ശീല വീഴും.
വൈകിട്ട് ഏഴു മണിക്ക് തുടങ്ങുന്ന ആഘോഷ പരിപാടികള്‍ പുലര്‍ച്ചെ മൂന്നു മണിക്ക് നടക്കുന്ന വെടിക്കെട്ടോടെയാണ് സമാപിക്കുക. പുതുവര്‍ഷ ദിനത്തില്‍ ദുബായ് നഗരം സാക്ഷ്യം വഹിച്ച വെടിക്കെട്ടിന് സമാനമായ കരിമരുന്ന് പ്രയോഗത്തിനാണ് എക്സ്പോ വേദി തയ്യാറെടുക്കുന്നത്. സമാപന ചടങ്ങുകള്‍ എക്സ്പോയുടെ വിവിധ വേദികളില്‍ തത്സമയം ഭീമന്‍ സ്‌ക്രീനുകളില്‍ പ്രദര്‍ശിപ്പിക്കും. ജൂബിലി സ്റ്റേജ്, ഫെസ്റ്റിവല്‍ ഗാര്‍ഡന്‍ തുടങ്ങിയ ഇടങ്ങളില്‍ ഇതിനായി സജ്ജീകരണങ്ങള്‍ ഒരുക്കിക്കഴിഞ്ഞു. വിവിഐപികള്‍ക്കു വേണ്ടി ഒരു ഭാഗം ഒഴിവാക്കിയത് ഒഴിച്ചാല്‍ മറ്റിടങ്ങളിലെല്ലാം പൊതുജനങ്ങള്‍ക്ക് പ്രവേശനം ഉണ്ടാകുമെന്ന് സംഘാടകര്‍ പറഞ്ഞു. സമാപനച്ചടങ്ങില്‍ പങ്കെടുക്കുന്നവര്‍ക്ക് യാത്രാ സൗകര്യമൊരുക്കുന്നതിന്റെ ഭാഗമായി ദുബായ് മെട്രോ രാത്രി മുഴുവന്‍ സേവനം നടത്തും.
Also Read: തറാവീഹ് നമസ്കാരത്തിൽ പങ്കെടുക്കാൻ സാധിക്കും എന്നതിന്റെ ആഹ്ലാദത്തിൽ ആണ് പ്രവാസികളും സ്വദേശികളും
വൈകിട്ട് ഏഴ് മണിയോടെയാണ് എക്സ്പോയുടെ ഉദ്ഘാടനച്ചടങ്ങിന് വേദിയായ അല്‍ വസല്‍ താഴികക്കുടത്തിനു കീഴെ സമാപനച്ചടങ്ങളുകള്‍ക്ക് തുടക്കമാവുക. യുഎഇയുടെ വിവിധ ഭാഗങ്ങളില്‍ നിന്നുള്ള നൂറു കണക്കിന് കുട്ടികള്‍ അണിനിരക്കുന്ന മനോഹരമായ രാജ്യത്തിന്റെ വളര്‍ച്ചയുടെ വിസ്മയകരമായ ചിത്രീകരണം ഒരുക്കും.
ലോകപ്രശസ്ത സംഗീതജ്ഞരായ ക്ലിസ്റ്റിന അഗ്വിലേറ, നോറ ജോണ്‍സ്, യോയോ മാ തുടങ്ങിയ പ്രമുഖര്‍ സമാനപനച്ചടങ്ങിനെ സംഗീത സാന്ദ്രമാക്കും. ദുബായ് നഗരത്തിന്റെ ആകാശത്ത് ഭാവി പ്രതീക്ഷയുടെ വര്‍ണ വിസ്മയങ്ങള്‍ വിതറി വന്‍ കരിമരുന്ന് പ്രയോഗവും ലേസര്‍ ഷോയും നടക്കും. സയന്‍സ് ഷോ, ബലൂണ്‍ മാജിക്ക്, യുഎഇ എയര്‍ഫോഴ്‌സിന്റെ ഫുര്‍സാന്‍ അല്‍ ഇമാറാത്ത് സൈനികര്‍ ജെറ്റ് വിമാനങ്ങളെ കൊണ്ട് ആകാശത്ത് വര്‍ണ വിസ്മയം തീര്‍ക്കും. 56 രാജ്യങ്ങളില്‍ നിന്നുള്ള 400 പ്രൊഫഷനലുകളും വളണ്ടിയര്‍മാരും സമാപനച്ചടങ്ങിന്റെ ഭാഗമായി പരിപാടികള്‍ അവതരിപ്പിക്കും. യുഎഇയിലെ നാല്‍പത് കുട്ടികള്‍ ചേര്‍ന്ന് ഐശീ ബിലാദി എന്ന ദേശീയ ഗാനം ആലപിക്കും.
Also Read: ബഹ്റൈനിൽ ഇന്ത്യൻ പ്രവാസികൾക്ക് പാസ്പോർട്ട് പുതുക്കിക്കിട്ടാൻ കാലതാമസം വരുന്നതായി പരാതി
സംഗീത സാമ്രാട്ട് ഹറൂത്ത് ഫസ്ലിയന്‍, ഇറ്റാലിയന്‍ പിയാനിസ്റ്റ് എലെനോറ കോണ്‍സ്റ്റാന്റിനി തുടങ്ങിയവരുടെ നേതൃത്വത്തില്‍ ലോകപ്രശസ്തരായ 16 സംഗീതജ്ഞര്‍ അണിനിരക്കുന്ന എക്സ്പോ 2020 വേള്‍ഡ് സ്ട്രിംഗ് എന്‍സെംബ്ള്‍ പരിപാടിയും ചടങ്ങിന് മാറ്റുകൂട്ടും. ചടങ്ങുകള്‍ക്ക് സമാപനം കുറിച്ച് എക്സ്പോ കമ്മീഷണറും മന്ത്രിയുമായ ശെയ്ഖ് നഹ്യന്‍ മുബാറക് അല്‍ നഹ്യാന്‍ ബ്യൂറോ ഓഫ് ദി ഇന്റര്‍നാഷനല്‍ എക്സ്പോയുടെ ജനറല്‍ അസംബ്ലി പ്രസിഡന്റിന് എക്സ്പോ പതാക കൈമാറും. 2025 എക്സ്പോ പ്രതിനിധി ഒസാക കന്‍സായിയെ അദ്ദേഹം പതാക ഏല്‍പ്പിക്കുന്നതോടെ വെടിക്കെട്ടുകളുടെ അകമ്പടിയോടെ സമാപനച്ചടങ്ങുകള്‍ക്കും എക്സ്പോ 2020നും തിരശ്ശീല വീഴും.
പണിമുടക്കിൽ വലഞ്ഞോ? എങ്കിലിങ്ങ് പോര്, ശിവേട്ടൻ തയ്യാറാണ്…
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : expo 2020 dubai gears up for record numbers in final week
Malayalam News from Samayam Malayalam, TIL Network
