ബിജെപിയെ ചെറുത്തു തോൽപ്പിക്കണം, രാജ്യം അര്‍ഹിക്കുന്ന സര്ക്കാര് വരണം: മുഖ്യമന്ത്രിമാ‍ര്‍ക്ക് കത്തെഴുതി മമതഎല്ലാ മതങ്ങളെയും നിരന്തരമായി അധിക്ഷേപിക്കുന്ന ട്വിറ്റർ അക്കൗണ്ട് ബ്ലോക്ക് ചെയ്യണമെന്നായിരുന്നു ഹര്‍ജിക്കാരനായ ആദിത്യ സിംഗ് ദേശ്വാളിൻ്റെ ആവശ്യം. മറ്റ് മത വിശ്വാസികളുടെ വൈകാരിക വിഷയങ്ങളിൽ ട്വിറ്ററിന് ആശങ്കയില്ലെന്ന് ജഡ്ജി വിപിൻ സാംഘിയുടെ നേതൃത്വത്തിലുള്ള ബെഞ്ച് വ്യക്തമാക്കി. സമാനമായ സംഭവങ്ങളിലടക്കം മുൻപ് നിരവധി അക്കൗണ്ടുകൾ ബ്ലോക്ക് ചെയ്യുകയും നടപടി സ്വീകരിക്കുകയും ചെയ്തത് എങ്ങനെയാണെന്ന് വിശദീകരിക്കണമെന്ന് കോടതി ആവശ്യപ്പെട്ടു. മറ്റൊരു മതവുമായി ബന്ധപ്പെട്ടാണ് ഇത്തരമൊരു സംഭവം നടന്നിരുന്നുവെങ്കിൽ സോഷ്യൽ മീഡിയ പ്ലാറ്റ്‌ഫോം കൂടുതൽ ശ്രദ്ധാലുവും സെൻസിറ്റീവും ആയിരിക്കുമായിരുന്നുവെന്ന പ്രസ്താവന കോടതിയുടെ ഭാഗത്ത് നിന്നുമുണ്ടായത് ശ്രദ്ധേയമായി.
‘മയക്കുമരുന്നു നല്‍കി 15കാരിയെ ബലാത്സംഗം ചെയ്തു’; കോണ്‍ഗ്രസ് എംഎല്‍എയുടെ മകനെതിരെ പീഡനപരാതി
അത്യന്തികമായി ഒരു വിഭാഗത്തിൻ്റെ വികാരത്തെ വ്രണപ്പെടുത്തുകയാണെങ്കില്‍ അത്തരം ഉള്ളടക്കം തടയണമെന്ന് ജസ്റ്റിസ് നവിൻ ചൗളയും ഉൾപ്പെട്ട ബെഞ്ച് പറഞ്ഞു. ലോകത്തിന്റെ മറ്റ് പ്രദേശങ്ങളിലെ മറ്റ് ആളുകളുടെ വികാരത്തെയും ആ മതങ്ങൾ പുലർത്തുന്ന പാരമ്പര്യങ്ങളെയും വിശ്വാസങ്ങളെയും കുറിച്ച് ട്വിറ്റർ ശ്രദ്ധാലുക്കളല്ലെന്നും കോടതി വിമർശിച്ചു. വിവാദമായ ഉള്ളടക്കം നീക്കം ചെയ്തെന്ന മറുപടിയാണ് ട്വിറ്ററിന് വേണ്ടി ഹാജരായ മുതിർന്ന അഭിഭാഷകൻ സിദ്ധാർത്ഥ് ലൂത്ര കോടതിയിൽ നൽകിയത്.
നിലവിലെ കേസിലെ ആക്ഷേപകരമായ ഉള്ളടക്കം നീക്കം ചെയ്തിട്ടുണ്ടെന്നും പോസ്റ്റുകളുമായി ബന്ധപ്പെട്ട് എഫ്ഐആർ രജിസ്റ്റർ ചെയ്തിട്ടുണ്ടെന്നും യുഎസ് ആസ്ഥാനമായുള്ള ട്വിറ്ററിന് വേണ്ടി ഹാജരായ മുതിർന്ന അഭിഭാഷകൻ സിദ്ധാർത്ഥ് ലൂത്ര പറഞ്ഞു. പോസ്റ്റുമായി ബന്ധപ്പെട്ട് എഫ്ഐആർ രജിസ്റ്റർ ചെയ്തു. കോടതിയുടെ നിർദേശമില്ലാതെ ഒരു വ്യക്തിയെയും തടയാനും വിവാദ പോസ്റ്റുകൾക്കെതിരെ നടപടിയെടുക്കാനും ട്വിറ്ററിന് കഴിയില്ലെന്ന് അദ്ദേഹം പറഞ്ഞു. എന്നാൽ, ട്വിറ്ററിൻ്റെ ഈ മറുപടിയെ കോടതി ചോദ്യം ചെയ്തു. കോടതിയുടെ നിർദേശമില്ലാതെ ഒരു വ്യക്തിയെയും തടയാൻ കഴിയില്ലെങ്കിൽ അമേരിക്കൻ മുൻ പ്രസിഡൻ്റ് ഡോണാൾഡ് ട്രംപിനെ എന്തുകൊണ്ടാണ് ബ്ലോക്ക് ചെയ്തതെന്ന് കോടതി ട്വിറ്ററിനോട് ചോദിച്ചു.
ശക്തമായ കോൺഗ്രസ് വേണം, തോറ്റെന്നു കരുതി ആരും പാർട്ടി വിടരുത്: കേന്ദ്രമന്ത്രി നിതിൻ ഗഡ്കരി
അക്കൗണ്ട് ബ്ലോക്ക് ചെയ്യാൻ കഴിയില്ലെന്ന ട്വിറ്ററിന്റെ നിലപാട് ശരിയല്ലെന്ന് കോടതി വ്യക്തമാക്കി. ഇങ്ങനെയുള്ള സംഭവങ്ങളിൽ സോഷ്യൽ മീഡിയ പ്ലാറ്റ്‌ഫോമായ ട്വിറ്റർ സ്വയം നടപടിയെടുക്കണമായിരുന്നുവെന്ന് കോടതി അഭിപ്രായപ്പെട്ടു. പരാതികൾ ലഭിക്കുന്ന ട്വിറ്റർ അക്കൗണ്ടുകൾ ബ്ലോക്ക് ചെയ്യുന്നതിനുള്ള നടപടിക്രമങ്ങൾ നിലവിലുണ്ടെന്ന് കേന്ദ്ര സർക്കാർ അഭിഭാഷകൻ ഹരീഷ് വൈദ്യനാഥൻ പറഞ്ഞു. ഉള്ളടക്കം പരിശോധിച്ച് ഐടി ആക്ട് പ്രകാരം വിവാദ പരാമർശം നടത്തിയ അക്കൗണ്ട് ബ്ലോക്ക് ചെയ്യുന്നതിനുള്ള നടപടി ആവശ്യമാണോയെന്ന് തീരുമാനിക്കാൻ കോടതി കേന്ദ്രത്തോട് നിർദേശിച്ചു. കേസില്‍ കക്ഷികളായ ട്വിറ്റര്‍, കേന്ദ്ര സര്ക്കാര്, എത്തീസ്റ്റ് റിപ്പബ്ലിക് എന്ന ഐഡി എന്നിവരോട് അവരുടെ പ്രതികരണം അറിയിക്കാന്‍ കോടതി അറിയിച്ചു.
കിളിമാനൂരിലെ വ്യാപാരിയുടേത് അപകടമരണം.. പോലീസിന്റെ കണ്ടെത്തൽ ഇങ്ങനെ
Web Title : delhi high court against twitter on hindu goddess post
Malayalam News from Samayam Malayalam, TIL Network
