‘കാളിദേവിയെ അപകീർത്തിപ്പെടുത്തിയിട്ടും നടപടിയില്ല’; ട്രംപിനെ ബ്ലോക്ക് ചെയ്തത് എന്തിനെന്ന് ട്വിറ്ററിനോട് ഡൽഹി ഹൈക്കോടതിബ്രിട്ടീഷുകാർക്കെതിരെ തൊഴിലാളികൾ പണിമുടക്കിയത്‌ ഏതെങ്കിലും കോടതിയുടെ അനുമതിയോടെയായിരുന്നില്ലെന്ന് സിപിഎം സംസ്ഥാന സെക്രട്ടറി പറഞ്ഞു. കോടതി അതിനൊക്കെ എതിരായിരുന്നു. നേരത്തെ ഹൈക്കോടതി ബന്ദും, ഹർത്താലും നിരോധിച്ചു. ഇപ്പോൾ ജീവനക്കാരുടെ പണിമുടക്കാനുള്ള അവകാശവും നിഷേധിക്കുന്നു. പ്രതിഷേധിക്കാനുള്ള അവകാശം നിഷേധിക്കുന്നത്‌ ജനാധിപത്യസംവിധാനത്തിന്‌ വെല്ലുവിളിയാണെന്നും കോടിയേരി കുറ്റപ്പെടുത്തി.
ജഡ്‌‌ജിമാർക്ക്‌ പറയാനുള്ള കാര്യം ജഡ്‌‌ജിമാർ തുറന്നു പറയുന്നുണ്ടല്ലോ എന്ന് കോടിയേരി ചോദിച്ചു. സുപ്രീം കോടതിയിലെ നാല്‌ ജഡ്‌‌ജിമാരല്ലേ കോടതിയിൽ നിന്ന്‌ ഇറങ്ങിവന്ന്‌ പരസ്യമായി പത്രസമ്മേളനം നടത്തിയത്‌. ഏതെങ്കിലും നിയമത്തിൽ പറഞ്ഞ കാര്യമാണോ. വളരെ ശക്തമായ പ്രതികരണമല്ലേ നടത്തിയത്‌. അവരിലൊരു ജഡ്‌‌ജി സുപ്രിംകോടതി ചീഫ്‌ ജസ്‌റ്റിസായില്ലേ. ജഡ്‌‌ജിമാർ ഇത്തരത്തിൽ പ്രതികരിക്കുന്ന രാജ്യത്ത്‌ മറ്റാരും പ്രതികരിക്കാൻ പാടില്ലെന്നാണോ എന്നും അദ്ദേഹം ചോദിച്ചു.
‘അംഗത്വമെടുത്താൽ രണ്ട് ലക്ഷം രൂപയുടെ ഇൻഷുറൻസ്’; പ്രഖ്യാപനവുമായി കോൺഗ്രസ്
ദേശീയ പണിമുടക്കിനെ മാത്രമല്ല ഇത്‌ ബാധിക്കുകയെന്ന് പ്രസ്താവനയിൽ കോടിയേരി പറഞ്ഞു. ജീവനക്കാരുടെ ശമ്പളവർധനയും ആനുകൂല്യത്തിന്റെയും പ്രശ്‌നം വന്നാൽ പണിമുടക്കാനുള്ള അവകാശവും ഇല്ലാതാവും. ബിജെപിയുടെ തൊഴിലാളി സംഘടന ഒഴികെയുള്ള കേന്ദ്ര ട്രേഡ്‌ യൂനിയനുകളും സർവീസ്‌ സംഘടനകളും ചേർന്നാണ്‌ ദേശീയ പണിമുടക്ക്‌ നടത്തുന്നത്‌. സർക്കാരിനോട്‌ കോടതി നിർദേശിച്ചത്‌ പ്രകാരമാണ്‌ ഡയസ്‌നോൺ പ്രഖ്യാപിച്ചത്‌. കോടതി വിധി അനുസരിച്ച്‌ മാത്രമേ തുടർ നടപടി സ്വീകരിക്കാനാവൂ. ഉയർന്ന കോടതിയിൽ അപ്പീൽ നൽകാം. ജീവനക്കാർക്കും ചോദ്യംചെയ്യാമെന്നും അദ്ദേഹം പറഞ്ഞു.
‘മയക്കുമരുന്നു നല്‍കി 15കാരിയെ ബലാത്സംഗം ചെയ്തു’; കോണ്‍ഗ്രസ് എംഎല്‍എയുടെ മകനെതിരെ പീഡനപരാതി
പുതിയ വെല്ലുവിളിയാണ്‌ സർക്കാർ ജീവനക്കാരുടെ മുന്നിൽ ഉയർന്നുവന്നതെന്ന് കോടിയേരി വ്യക്തമാക്കി. സർക്കാർ ജീവനക്കാർ ഒരു ദിവസത്തെ വേതനം നഷ്‌ടപ്പെടും എന്ന് കണക്കാക്കി പണിമുടക്കിന്‌ തയാറെടുക്കണം. ആ ബോധത്തിലേക്ക്‌ സർക്കാർ ജീവനക്കാർ മാറണം. പണിമുടക്കിന്റെ ഭാഗമായി വാഹനം തടയൽ നിരുത്സാഹപ്പെടുത്തേണ്ടതാണ്. ജനങ്ങൾ സ്വയം പണിമുടക്കിൽ പങ്കെടുക്കുകയെന്നതാണ്‌ സമരസമിതി ഉദ്ദേശിക്കുന്നത്‌. മുൻകാലങ്ങളിലേക്കാൾ കൂടുതൽ ആളുകൾ ഈ പണിമുടക്കിൽ പങ്കെടുത്തിട്ടുണ്ട്‌. തൊഴിലാളികൾ പണിമുടക്കി തെരുവിലിറങ്ങുന്ന നിലവന്നു. തിരുവനന്തപുരത്തെ പ്രതിഷേധ പരിപാടിയിൽ മുൻപൊരുകാലത്തുമുണ്ടായിട്ടില്ലാത്ത ജനപങ്കാളിത്തമാണുണ്ടാതെന്നും സിപിഎം സംസ്ഥാന സെക്രട്ടറി കൂട്ടിച്ചേർത്തു.
കാർ ഓടിക്കാൻ നൽകാത്തതിനെ തുടർന്നുള്ള തർക്കം.. യുവാവിനെ വധിക്കാൻ ശ്രമം
Web Title : cpm state secretary kodiyeri balakrishnan about trade union strike in kerala 2022
Malayalam News from Samayam Malayalam, TIL Network
