ആരോഗ്യകരമായ ഭക്ഷണങ്ങളില്‍ പ്രധാനമാണ് തൈര്. ഇത് ദിവസവും കഴിയ്ക്കുന്നത് ഏറെ ഗുണകരമാണ്. പല ആരോഗ്യ പ്രശ്‌നങ്ങളേയും അകറ്റാന്‍ ഉത്തമമാണ് തൈര്. ഏതു പ്രായത്തിലുള്ളവര്‍ക്കും ഇത് ഏറെ നല്ലതുമാണ്. ദിവവസവും തൈര് കഴിയ്ക്കുന്നത് നല്‍കുന്ന ആരോഗ്യപരമായ വൈറ്റമിനുകളും പോഷകങ്ങളുമെല്ലാം പലതാണ്. പാല്‍ കഴിയ്ക്കാന്‍ താല്‍പര്യമില്ലാത്തവര്‍ക്ക് പകരം കഴിയ്ക്കാവുന്ന ഒന്നാണ് തൈര്. കാരണം ഇത് അസിഡിറ്റി പ്രശ്‌നങ്ങള്‍ ഉണ്ടാക്കില്ല. പാല്‍ പലര്‍ക്കും അലര്‍ജിയും അസിഡിറ്റിയുമെല്ലാം ഉണ്ടാക്കുന്നു. ഇതിനുള്ള പരിഹാരമാണ് പാലിനേക്കാള്‍ ഗുണകരമായ തൈര്.

വയര്‍ ആരോഗ്യത്തിന്

ഇത് വയര്‍ ആരോഗ്യത്തിന് ഏറെ ഗുണകരമാണെന്നു വേണം, പറയാന്‍. നല്ല ബാക്ടീരിയകളുടെ വളര്‍ച്ചയ്ക്ക് ഇതേറെ നല്ലതാണ്. കുടല്‍ ശാന്തമാകാന്‍ ഏറെ നല്ലതാണിത്.വയറിന്റെ ആരോഗ്യത്തെ ദോഷകരമായി ബാധിയ്ക്കുന്ന ഗ്യാസ്, അസിഡിറ്റി പ്രശ്‌നങ്ങള്‍ക്കും ഇതു പരിഹാരമാകുന്നു. അതുകൊണ്ട് തന്നെയാണ് പലരും ബിരിയാണി പോലുള്ള ഭക്ഷണങ്ങള്‍ കഴിച്ചതിനുശേഷം അല്ലെങ്കില്‍ കഴിക്കുമ്പോള്‍ തൈര് കഴിക്കുന്നത്.

​എല്ലു തേയ്മാനം

എല്ലു തേയ്മാനം പോലുള്ള രോഗങ്ങള്‍ക്കുള്ള നല്ലൊരു പരിഹാരമാണ് തൈര്. ഇതിലെ സമ്പുഷ്ടമായ കാല്‍സ്യം തന്നെയാണ് ഗുണം നല്‍കുന്നത്. ധാരാളം വിറ്റാമിനുകള്‍ തൈരില്‍ അടങ്ങിയിട്ടുണ്ട്. ഇവയെക്കൂടാതെ പൊട്ടാസ്യം, ഫോസ്ഫറസ്, സിങ്ക് എന്നിവയും അടങ്ങിയിട്ടുണ്ട്.100 ഗ്രാം തൈരില്‍ 80 മില്ലീഗ്രാം കാല്‍സ്യമുണ്ട്. , ബിപി നിയന്ത്രിയ്ക്കാന്‍, കൊളസ്‌ട്രോള്‍ കുറയ്ക്കാന്‍, മലബന്ധം മാറ്റാന്‍ തുടങ്ങിയ പല അവസ്ഥകള്‍ക്കും യോഗര്‍ട്ട് ഏറെ നല്ലതാണ്.

തൈര് തടി കുറയ്ക്കാന്‍

തൈര് തടി കുറയ്ക്കാന്‍ നല്ലതാണ്. തൈരില്‍ കൊഴുപ്പെന്നു പേടിയ്ക്കുന്നവര്‍ ഇത് മോരിന്റെ രൂപത്തില്‍ കഴിയ്ക്കാം. ഗ്രീക്ക് യോഗര്‍ട്ടാണ് തടി കുറയ്ക്കാന്‍ സഹായിക്കുന്ന ഏറ്റവും നല്ല തൈര്.ഇത് പ്രോട്ടീന്‍ സമ്പുഷ്ടമാണ്. പ്രോട്ടീന്‍ സമ്പുഷ്ടമായ ഭക്ഷണങ്ങള്‍ പൊതുവേ തടി കുറയ്ക്കാന്‍ നല്ലതാണ്. ഇവ പെട്ടെന്ന് വയര്‍ നിറഞ്ഞ തോന്നലുണ്ടാക്കും, ഭക്ഷണം കുറയും, പെട്ടെന്ന് വിശപ്പു തോന്നുകയുമില്ല. ഇതെല്ലാം തന്നെ തടി കുറയ്ക്കാന്‍ സഹായിക്കുന്ന ഘടകങ്ങളാണ്. തൈരില്‍70-80 ശതമാനം വെള്ളമാണ്. ഇത് തടി കുറയ്ക്കാന്‍ സഹായിക്കുന്ന മറ്റൊരു ഘടകമാണ്.

തൈര്, യോഗര്‍ട്ട്

പലര്‍ക്കും തൈര്, യോഗര്‍ട്ട് എന്നിവ ഒന്നാണെന്ന ചിന്തയുണ്ട്. എന്നാല്‍ ഇത് വ്യത്യസ്തമാണ്. യോഗര്‍ട്ട് തൈരില്‍ നിന്നും വ്യത്യസ്തമാണ്. യോഗര്‍ട്ടിന് സാധാരണ തൈരിന്റെ പുളിയുണ്ടാകില്ല. നല്ല കട്ടിയുമായിരിയ്ക്കും. തൈരും യോഗര്‍ട്ടും ഒരേ പ്രക്രിയയില്‍ കൂടിയാണ് ഉണ്ടാക്കുന്നത്. അതായത് പാല്‍ പുളിപ്പിച്ച്, അതായത് പാല്‍ ഉറയൊഴിച്ച്. എന്നാല്‍ തൈരില്‍ ഒരു ബാക്ടീരിയ മാത്രമേയുള്ള. യോഗര്‍ട്ട് തയ്യാറാക്കുമ്പോള്‍ ഇതിലേയ്ക്ക് വയറിന്റെ ആരോഗ്യത്തിന് സഹായിക്കുന്ന രണ്ടിനം ബാക്ടീരിയകളെ കടത്തി വിടുന്നു. ഇതിനാല്‍ തന്നെ തൈരിനേക്കാള്‍ യോഗര്‍ട്ടാണ് വയറിന്റെ ആരോഗ്യത്തിന് ഉത്തമം.