കൊവിഡ് വ്യാപനം രൂക്ഷമായ പശ്ചാത്തലത്തില്‍ ഏപ്രില്‍ 24 മുതലാണ് യുഎഇ ഇന്ത്യയില്‍ നിന്നുള്ള വിമാനങ്ങള്‍ക്ക് വിലക്ക് ഏര്‍പ്പെടുത്തിയത്. ഇക്കാര്യത്തില്‍ അതിനു ശേഷം മാറ്റങ്ങളൊന്നും വരുത്തിയിട്ടില്ലെന്നും അധികൃതര്‍ അറിയിച്ചു. ഇതുപ്രകാരം ഇന്ത്യയില്‍ നിന്നുള്ള യുഎഇ പൗരന്‍മാര്‍, നയതന്ത്ര പ്രതിനിധികള്‍, ഗോള്‍ഡന്‍ വിസയുള്ളവര്‍, ബിസിനസ് വിമാനങ്ങള്‍ തുടങ്ങിയ ഏതാനും വിഭാഗങ്ങള്‍ക്കാണ് യുഎഇയില്‍ പ്രവേശനാനുമതി നല്‍കിയിരിക്കുന്നത്.
മുന്‍ തീരുമാനത്തില്‍ മാറ്റമില്ലെന്ന് യുഎഇ
ഇന്ത്യയില്‍ നിന്നുള്ള വിമാന സര്‍വീസുകളുടെ കാര്യത്തിലെ നിലവിലെ സ്ഥിതി തുടരും. ഇന്ത്യയിലെ സ്ഥിതിഗതികള്‍ സൂക്ഷ്മമായി നിരീക്ഷിച്ചു വരികയാണ്. എല്ലാവരുടെയും സുരക്ഷയും സംരക്ഷണവും ഉറപ്പ് വരുത്തിയായിരിക്കും വിലക്ക് നീക്കുന്നതിനുള്ള തീരുമാനമെടുക്കുക- അധികൃതര്‍ അറിയിച്ചു. കൊവിഡ് വ്യാപനം രൂക്ഷമായ പശ്ചാത്തലത്തില്‍ ഏപ്രില്‍ 24 മുതലാണ് യുഎഇ ഇന്ത്യയില്‍ നിന്നുള്ള വിമാനങ്ങള്‍ക്ക് വിലക്ക് ഏര്‍പ്പെടുത്തിയത്. ഇക്കാര്യത്തില്‍ അതിനു ശേഷം മാറ്റങ്ങളൊന്നും വരുത്തിയിട്ടില്ലെന്നും അധികൃതര്‍ അറിയിച്ചു.
ഇതുപ്രകാരം ഇന്ത്യയില്‍ നിന്നുള്ള യുഎഇ പൗരന്‍മാര്‍, നയതന്ത്ര പ്രതിനിധികള്‍, ഗോള്‍ഡന്‍ വിസയുള്ളവര്‍, ബിസിനസ് വിമാനങ്ങള്‍ തുടങ്ങിയ ഏതാനും വിഭാഗങ്ങള്‍ക്കാണ് യുഎഇയില്‍ പ്രവേശനാനുമതി നല്‍കിയിരിക്കുന്നത്. ഇവക്കാവട്ടെ, 10 ദിവസത്തെ ക്വാറന്റൈന്‍, യുഎഇയില്‍ എത്തിയ ഉടനെ എയര്‍പോര്‍ട്ടില്‍ വച്ചുള്ള പിസിആര്‍ ടെസ്റ്റ്, അതിനു ശേഷം നാലാമത്തെയും എട്ടാമത്തെയും ദിവസങ്ങളില്‍ വീണ്ടും പിസിആര്‍ ടെസ്റ്റുകള്‍ തുടങ്ങിയ നിബന്ധനകള്‍ ബാധകവുമാണ്.
ദുബായ് യാത്രയും അനിശ്ചിതത്വത്തില്‍
അതിനിടെ, ജൂണ്‍ 23ന് ഇന്ത്യ ഉള്‍പ്പെടെയുള്ള രാജ്യങ്ങളില്‍ നിന്നുള്ളവര്‍ക്ക് പ്രവേശനാനുമതി നല്‍കുമെന്ന് ദുബായ് അധികൃതര്‍ അറിയിച്ചിരുന്നു. ദുബായ് എയര്‍ ഇന്ത്യയും എമിറേറ്റ്‌സും ഇത്തിഹാദും ഉള്‍പ്പെടെ ഇന്ത്യയിലൈയും യുഎഇയിലെയും വിമാനക്കമ്പനികള്‍ സര്‍വീസ് നടത്തുമെന്ന് അറിയിക്കുകയും ചെയ്തിരുന്നു. എന്നാല്‍ യാത്രക്കാര്‍ പാലിക്കേണ്ട നിബന്ധനകളുമായി ബന്ധപ്പെട്ട അവ്യക്തതയെ തുടര്‍ന്ന് സര്‍വീസ് ജൂലൈ ആറു വരെ നിര്‍ത്തിവയ്ക്കുകയായിരുന്നുവെന്നാണ് റിപ്പോര്‍ട്ട്. ദുബായില്‍ റെസിഡന്‍സ് വിസയുള്ളവര്‍ക്കും ഇവിടെ അംഗീകാരമുള്ള രണ്ട് ഡോസ് വാക്‌സിന്‍ സ്വീകരിച്ചുവര്‍ക്കുമായിരിക്കും യാത്രമാനുമതി ലഭിക്കുകയെന്നായിരുന്നു ദുബായ് ക്രൈസിസ് ആന്റ് ഡിസാസ്റ്റര്‍ മാനേജ്‌മെന്റ് സുപ്രിം കമ്മിറ്റിയുടെ അറിയിപ്പ്.
48 മണിക്കൂര്‍ മുമ്പ് എടുത്ത പിസിആര്‍ പരിശോധനയുടെ ക്യൂആര്‍ കോഡ് സഹിതമുള്ള നെഗറ്റീവ് സര്‍ട്ടിഫിക്കറ്റ്, വിമാനം പുറപ്പെടുന്നതിന് നാല് മണിക്കൂര്‍ മുമ്പ് എടുത്ത റാപ്പിഡ് പിസിആര്‍ ടെസ്റ്റ്, ദുബായിലെത്തിയാല്‍ വിമാനത്താവളത്തില്‍ വച്ച് വീണ്ടും പിസിആര്‍ പരിശോധന, ഇതിന്റെ ഫലം വരുന്നത് വരെ സ്ഥാപന ക്വാറന്റൈന്‍ തുടങ്ങിയവ നിബന്ധനകളും അധികൃതര്‍ മുന്നോട്ടുവച്ചിരുന്നു. എന്നാല്‍ നാല് മണിക്കൂര്‍ മുമ്പുള്ള റാപ്പിഡ് പിസിആര്‍ ടെസ്റ്റിന്റെ കാര്യത്തില്‍ ആശയക്കുഴപ്പം നിലനില്‍ക്കുന്നതിനാല്‍ ഇക്കാര്യത്തില്‍ വ്യക്തത ഉണ്ടാവുന്നത് വരെ സര്‍വീസ് നിര്‍ത്തിവയ്ക്കാന്‍ വിമാനക്കമ്പനികള്‍ തീരുമാനിക്കുകയായിരുന്നു. എന്നാല്‍ ഇന്ത്യയില്‍ നിന്നുള്ള വിമാനങ്ങള്‍ക്ക് യാത്രാ വിലക്ക് തുടരുമെന്ന യുഎഇ ജനറല്‍ സിവില്‍ ഏവിയേഷന്‍ അതോറിറ്റിയുടെ പുതിയ അറിയിപ്പോടെ ഇതും അനിശ്ചിതത്വത്തിലായിരിക്കുകയാണ്.
ദുബായ് എയര്‍പോര്‍ട്ട് ടെര്‍മിനല്‍ വണ്‍ തുറന്നു
അതിനിടെ, കൂടുതല്‍ അന്താരാഷ്ട്ര യാത്രക്കാരെ സ്വീകരിക്കുന്നതിന്റെ ഭാഗമായി 15 മാസത്തെ ഇടവേളയ്ക്ക് ശേഷം ദുബായ് ഇന്റര്‍നാഷനല്‍ എയര്‍പോര്‍ട്ടിലെ ഒന്നാം നമ്പര്‍ ടെര്‍മിനല്‍ വീണ്ടും തുറന്നു. കൊവിഡ് വ്യാപനത്തെ തുടര്‍ന്ന് 2020 മാര്‍ച്ച് 25നായിരുന്നു അന്താരാഷ്ട്ര വിമാനങ്ങള്‍ക്കു വേണ്ടിയുള്ള ടെര്‍മിനല്‍ ഒന്നും കോണ്‍കോഴ്സ് ഡിയും അടച്ചത്. ദുബായ് വിമാനത്താവളത്തില്‍ മൂന്ന് ടെര്‍മിനലുകളാണുള്ളത്. ടെര്‍മിനല്‍ 1 വിദേശ വിമാനങ്ങള്‍ക്കും ടെര്‍മിനല്‍ മൂന്ന് എമിറേറ്റ്സിനും ടെര്‍മിനല്‍ 2 ഫ്ളൈ ദുബൈ ഉള്‍പ്പെടെയുള്ള ബജറ്റ് വിമാനങ്ങള്‍ക്കും വേണ്ടിയുള്ളതാണ്. വ്യോമ മേഖലയെ സാധാരണ നിലയിലേക്ക് കൊണ്ടുവരുന്നതിന്റെ ഭാഗമായാണ് ഒന്നാം നമ്പര്‍ ടെര്‍മിനല്‍ തുറക്കുന്നതെന്ന് ദുബായ് എയര്‍പോര്‍ട്സ് ചെയര്‍മാന്‍ ശെയ്ഖ് അഹ്മദ് ബിന്‍ സഈദ് അല്‍ മക്തൂം പറഞ്ഞു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : ban on indians from entering the uae will continue
Malayalam News from malayalam.samayam.com, TIL Network
