Naveen V | Samayam Malayalam | Updated: 25 Jun 2021, 09:28:45 AM
ലോകത്തിലെ ഏറ്റവും ഫപ്രാപ്തിയുള്ള വാക്സിനുകളൊന്നാണ് മൂന്ന് ഡോസുകള്‍ ഉള്ള അബ്ദല വാക്സിന് എന്നാണ് ക്യൂബയുടെ അവകാശവാദം. ക്ലിനിക്കല്‍ ട്രയലുകളില്‍ 92.28 ശതമാനമാണ് അബ്ദല വാക്സിന്റെ ഫപ്രാപ്തി. ക്യൂബന്‍ സര്‍ക്കാര്‍ സ്ഥാപനമായ ബയോടെക് കോര്‍പറേഷന്റെ കീഴിലുള്ള ബയോക്യൂബഫാര്‍മയാണ് നിര്‍മാതാക്കള്‍.
ഏറ്റവും ഫലപ്രാപ്തിയുള്ള മൂന്നാമത്തെ വാക്സിന്
ലോകത്തിലെ ഏറ്റവും ഫപ്രാപ്തിയുള്ള വാക്സിനുകളൊന്നാണ് മൂന്ന് ഡോസുകള്‍ ഉള്ള അബ്ദല വാക്സിന് എന്നാണ് ക്യൂബയുടെ അവകാശവാദം. ക്ലിനിക്കല്‍ ട്രയലുകളില്‍ 92.28 ശതമാനമാണ് അബ്ദല വാക്സിന്റെ ഫപ്രാപ്തി. ക്യൂബന്‍ സര്‍ക്കാര്‍ സ്ഥാപനമായ ബയോടെക് കോര്‍പറേഷന്റെ കീഴിലുള്ള ബയോക്യൂബഫാര്‍മയാണ് നിര്‍മാതാക്കള്‍. ലോകത്തെ ഏറ്റവും ഫലപ്രാപ്തിയുള്ള മൂന്നാമത്തെ വാക്സിനായാണ് ഒന്നായാണ് ക്യൂബന്‍ വാക്സിന് കണക്കാക്കപ്പെടുന്നത്. 95 ശതമാനം ഫലപ്രാപ്തിയുള്ള ഫൈസര്‍-ബയോണ്‍ടെക്, 94.1 ശതമാനം ഫലപ്രാപ്തിയുള്ള മൊഡേണ എന്നിവ കഴിഞ്ഞാല്‍ അബ്ദലയാണ് കാര്യക്ഷമതയുടെ കാര്യത്തില്‍ മൂന്നാം സ്ഥാനത്തുള്ളത്. 91.6 ശതമാനം ഫലപ്രാപ്തിയുള്ള റഷ്യയുടെ സ്പുട്നിക് വി മികവിന്റെ കാര്യത്തില്‍ നാലാമതാണ്.
ക്ലിനിക്കല്‍ പരീക്ഷണം അന്തിമ ഘട്ടത്തില്‍
കൊവിഡ് മഹാമാരി സൃഷ്ടിച്ച പ്രതിസന്ധികള്‍ക്കിടയിലും ഫിന്‍ലേ ഇന്‍സ്റ്റിറ്റ്യൂട്ട് ആന്റ് സെന്റര്‍ ഫോര്‍ ജെനെറ്റിക് എഞ്ചിനീയറിംഗ് ആന്റ് ബയോടൈക്‌നോളജിയിലെ ഞങ്ങളുടെ ശാസ്ത്രജ്ഞര്‍ അവയെല്ലാം അതിജീവിച്ച് മികച്ച രണ്ട് വാക്‌സിനുകള്‍ ഒരുക്കിയിരിക്കുകയാണെന്ന് ക്യൂബന്‍ പ്രസിഡന്റ് മിഗ്വേല്‍ ഡയസ് കാനെല്‍ പറഞ്ഞു. കൊവിഡിനെതിരായ വാക്സിന് നിര്‍മിക്കുന്ന ആദ്യ ലാറ്റിന്‍ അമേരിക്കന്‍ രാജ്യവും ലോകത്തിലെ ഏറ്റവും ചെറിയ രാജ്യവുമാണ് ക്യൂബ. അബ്ദലയുടെ ക്ലിനിക്കല്‍ ട്രയലുകള്‍ അന്തിമ ഘട്ടത്തിലാണെന്നും ഉടന്‍ തന്നെ പ്രാദേശിക വിപണിയിലും തുടര്‍ന്ന് അന്താരാഷ്ട്ര വിപണിയിലും വാക്സിന് ലഭ്യമാക്കുമെന്നും അധികൃതര്‍ അറിയിച്ചു.
അബ്ദല രണ്ടാമത്തെ ക്യൂബന്‍ വാക്സിന്
കഴിഞ്ഞ വര്‍ഷം അമേരിക്കന്‍-ജര്‍മന്‍ കമ്പനിയായ ഫൈസര്‍ ബയോണ്‍ടെക് ആദ്യ വാക്സിന് കണ്ടെത്തിയപ്പോള്‍ വിദേശ വാക്‌സിനുകള്‍ തങ്ങള്‍ക്കു വേണ്ടെന്ന നിലപാടായിരുന്നു ക്യൂബ കൈക്കൊണ്ടത്. തുടര്‍ന്ന് ബയോക്യൂബഫാര്‍മ തന്നെ സോവറിന്‍ 2 എന്ന പേരില്‍ മറ്റൊരു നിര്‍മിച്ചിരുന്നു. മൂന്ന് ഡോസുള്ള ഈ വാക്സിന്റെ ഫലപ്രാപ്തി 62 ശതമാനമാണെന്നാണ് പ്രാഥമിക വിലയിരുത്തല്‍. ഇതിന്റെ ശരിയായ ഫലം മൂന്നാഴ്ചയ്ക്കുള്ളില്‍ പുറത്തുവരുമെന്ന് അധികൃതര്‍ അറിയിച്ചു. നിലവില്‍ ജനസംഖ്യയുടെ ഒന്‍പത് ശതമാനം മാത്രമാണ് ഈ രണ്ട് വാക്‌സിനുകളില്‍ ഏതെങ്കിലും ഒന്ന് സ്വീകരിച്ചവര്‍.
അബ്ദല എന്ന പേരിനു പിന്നില്‍
ക്യൂബന്‍ സ്വാതന്ത്ര്യ സമര നേതാവും ദേശീയ കവിയുമായ ജോസ് മാര്‍ട്ടിയുടെ അബ്ദല എന്ന ദേശാഭിമാന നാടകത്തിലെ ഹീറോയില്‍ നിന്നാണ് വാക്സിന്റെ പേര് സ്വീകരിച്ചത്. ഈ നാടകത്തിലെ നായകനായിരുന്നു അറബ് പോരാളിയായ അബ്ദല. കവിയും തത്വചിന്തകനും എഴുത്തുകാരനുമായ മാര്‍ട്ടിക്ക് അറബ് ലോകത്തോട് വലിയ പ്രിയമായിരുന്നു. 42 വയസ്സില്‍ അന്തരിച്ച അദ്ദേഹത്തിന്റെ മറ്റൊരു കവിതയാണ് ലിറ്റില്‍ ഇസ്മായില്‍. ഗള്‍ഫ് നാടുകളില്‍ ഏറ്റവും പ്രിയമുള്ള വാക്‌സിനുകളായ ഫൈസറിനെയും മൊഡേണയെയും കടത്തിവെട്ടി ‘അബ്ദുല്ല’ വിപണി കീഴടക്കുമോ എന്നതാണ് അറബ് മാധ്യമങ്ങളിലും സോഷ്യല്‍ മീഡിയയിലും ചര്‍ച്ച. അര്‍ജന്റീന, ജമൈക്ക, മെക്സിക്കോ, വിയറ്റനാം, വെനസ്വേല തുടങ്ങി നിരവധി രാജ്യങ്ങള്‍ ക്യൂബന്‍ വാക്സിന് വാങ്ങുന്നതിന് താല്‍പര്യം പ്രകടിപ്പിച്ചിട്ടുണ്ട്. അതേസമയം, അറബ് വിപണി ലക്ഷ്യമിട്ടാണോ ക്യൂബ പുതിയ വാക്സിന് അബ്ദല എന്ന് പേരിട്ടതെന്ന സംശയവും സാമൂഹ്യ മാധ്യമങ്ങൡ ഉയരുന്നുണ്ട്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : the current star on social media in the arab world is the covid vaccine released by cuba under the name abdala
Malayalam News from malayalam.samayam.com, TIL Network
