ഐഎൻഎസ് വിക്രാന്ത് സ്വാതന്ത്ര്യത്തിന്റെ 75ാം വാര്‍ഷികത്തിൽ സമര്‍പ്പിക്കും; പ്രതിരോധമന്ത്രി രാജ്നാഥ് സിങ്ങ് കൊച്ചിയിൽ

കൊച്ചി: പ്രതിരോധ മന്ത്രി രാജ്നാഥ് സിങ്ങ് കേരളത്തിൽ. കൊച്ചി കപ്പൽ നിര്‍മ്മാണ ശാല അദ്ദേഹം സന്ദര്‍ശിക്കും. കൊച്ചിൻ ഷിപ്പ് യാർഡ് തദ്ദേശീയമായി നിര്‍മ്മിക്കുന്ന വിമാനവാഹിനിക്കപ്പലായ ഐഎൻഎസ് വിക്രാന്തിന്റെ നിര്‍മ്മാണ പുരോഗതി അവലോകനം ചെയ്യുന്നതിനായാണ് പ്രതിരോധമന്ത്രി കേരളത്തിലെത്തിയത്.



Also Read : ജോസഫൈനോട് ദേഷ്യമില്ല, സഹതാപം മാത്രം; വ്യക്തിപരമായി അധിക്ഷേപിക്കാനില്ലെന്ന് പ്രതിപക്ഷ നേതാവ്



തദ്ദേശീയി വികസിപ്പിച്ചെടുത്ത വിമാനവാഹിനിക്കപ്പൽ അടുത്ത വർഷത്തോടെ കമ്മീഷൻ ചെയ്യുന്നത് ഇന്ത്യയുടെ സ്വാതന്ത്ര്യത്തിന്റെ 75 വർഷം നൽകുന്ന സമര്‍പ്പണമായിരിക്കുമെന്ന് അദ്ദേഹം മാധ്യമങ്ങളോട് പറഞ്ഞു. വിമാനവാഹിനിക്കപ്പൽ രാജ്യത്തിന്റെ പ്രതിരോധത്തിൽ ശക്തമായ കഴിവുകൾ ചേർക്കുകയും സമുദ്ര ഡൊമെയ്‌നിൽ ഇന്ത്യയുടെ താൽപ്പര്യം സുരക്ഷിതമാക്കാൻ സഹായിക്കുകയും ചെയ്യുമെന്നും അദ്ദേഹം പറഞ്ഞു.

ഇന്നലെ വൈകിട്ട് 7.30ന് കൊച്ചിയിലെ നേവിയുടെ വിമാനത്താവളത്തിലാണ് അദ്ദേഹം എത്തിയത്. രാജ്നാഥ് സിങ്ങിന് പുറമെ, നാവിക സേന മേധാവിയായ കരംബീര്‍ സിങ്ങും സംസ്ഥാനത്തേക്ക് എത്തിയിട്ടുണ്ട്. പ്രതിരോധ മന്ത്രി പങ്കെടുക്കുന്ന യോഗങ്ങളില്‍ അദ്ദേഹവും ഉണ്ടാകും. വൈസ് അഡ്മിറൽ എ കെ ചൗള ഇരുവരേയും സ്വീകരിച്ചു.

2022ഓടെ ഐ എൻ എസ് വിക്രാന്ത് സേനയ്ക്ക് കൈമാറും. കൊറോണ സമയത്തും മൂന്നൂം നാലും മണിക്കൂർ അധികസമയം എടുത്താണ് പരിമിതമായ സാഹചര്യത്തെ മറികടന്നുള്ള ഐഎൻഎസ് വിക്രാന്തിന്റെ നിർമ്മാണം നടക്കുന്നത്. ഈ വർഷം നീറ്റിലിറക്കി പരീക്ഷണങ്ങൾ പൂർത്തിയാക്കുമെന്നും കൊച്ചിൻ ഷിപ്പ്‌യാർഡ് അറിയിച്ചു. 75 ശതമാനം സാമഗ്രികളും ഉപകരണങ്ങളും തദ്ദേശീയമായി നിർമ്മിക്കാനായത് ആത്മനിഭർ ഭാരതിന്റെ യഥാർത്ഥ ഉദാഹരണമാണെന്ന് നേരത്തെ പ്രതിരോധ വക്താവ് ചൂണ്ടിക്കാട്ടിയിരുന്നു.

Also Read : രാജ്യത്ത് 51,000 പുതിയ കൊവിഡ് കേസുകള്‍; 1,329 മരണം



കപ്പൽശാലയിലെ സന്ദർശനത്തിന് ശേഷം കാർവാറിൽ നാവികസേന നിർമ്മിക്കുന്ന വ്യോമതാവളവും പ്രതിരോധ മന്ത്രി സന്ദർശിക്കും.