കൊറോണ വൈറസ് ഗവേഷണം; വുഹാൻ ലാബിന് നൊബേൽ സമ്മാനം നൽകണമെന്ന ആവശ്യവുമായി ചൈന

ബീജിങ്: കൊറോണ വൈറസ് ഗവേഷണത്തിന് നൽകിയ സംഭാവനകൾ പരിഗണിച്ച് വുഹാനിലെ ലബോറട്ടറിക്ക് നോബൽ സമ്മാനം നൽകണമെന്ന ആവശ്യവുമായി ചൈന. ചൈനയുടെ വിദേശകാര്യ മന്ത്രാലയ വക്താവ് ഷാ ലിജിയാൻ വാർത്താ സമ്മേളനത്തിലാണ് ഇക്കാര്യം ആവശ്യപ്പെട്ടത്. കൊറോണ വൈറസ് രോഗത്തെക്കുറിച്ച് നടത്തിയ പഠനത്തിന് വുഹാൻ ലാബിന് വൈദ്യശാസ്ത്രത്തിനുള്ള നൊബേൽ സമ്മാനം നൽകണമെന്നാണ് ആവശ്യം.



ചൈനീസ് അക്കാദമി ഓഫ് സയൻസസ് 2021ൽ വുഹാൻ ഇൻസ്റ്റിറ്റ്യൂട്ട് ഓഫ് വൈറോളജിയെ ‘ഔട്ട്സ്റ്റാൻഡിംഗ് സയൻസ് ആൻഡ് ടെക്നോളജി അച്ചീവ്മെന്‍റ് പ്രൈസി’ന് തെരഞ്ഞെടുത്തിരുന്നു, ഇതിന് പിന്നാലെയാണ് വൈദ്യശാസ്ത്രത്തിനുള്ള നോബേൽ സമ്മാനമെന്ന ആവശ്യവുമായി ചൈന രംഗത്തെത്തിയിരിക്കുന്നത്.

ഊരും പേരുമില്ലാത്ത 751 ശവക്കുഴികൾ; കുഞ്ഞുങ്ങളുടെ കൂട്ടമരണത്തിൽ മാര്‍പാപ്പയുടെ മാപ്പ് ആവശ്യപ്പെട്ട് കനേഡിയൻ ഗോത്രവര്‍ഗം

2019 അവസാനം കൊവിഡ് വൈറസ് റിപ്പോർട്ട് ചെയ്യാൻ ആരംഭിച്ചത് മുതൽ വിവാദങ്ങളുടെ കേന്ദ്രമായി മാറിയ സ്ഥലമാണ് വുഹാനിലെ ലാബ്. വൈറസിന്‍റെ ഉത്ഭവകേന്ദ്രം സംബന്ധിച്ച് വിവാദങ്ങളിലും വുഹാൻ ലാബ് ഉൾപ്പെട്ടിരുന്നു. ലാബിൽ നടത്തിയ പഠനങ്ങൾക്കിടെയാണ് വൈറസ് വ്യാപനം ഉണ്ടായതെന്ന വാദങ്ങൾ നിലനിൽക്കുന്നുണ്ടെങ്കിലും ഇതിനെ സാധൂകരിക്കുന്ന തെളിവുകളൊന്നും ഇതുവരെ ലഭിച്ചിട്ടില്ല.

കൊറോണ വൈറസ് വുഹാൻ ലാബിൽ നിന്ന് ചോർന്നതാണെന്ന വാദവുമായി ആദ്യം രംഗത്തെത്തിയവരിലൊളായ ചൈനീസ് വൈറോളജിസ്റ്റ് ഡോ. ലി-മെംഗ് യാൻ വുഹാൻ ലാബിന് നോബേൽ സമ്മാനം നൽകണമെന്ന വാർത്തയോടും പ്രതികരിച്ചു. നാമനിർദേശത്തെ ഭ്രാന്തമായ തീരുമാനമെന്നാണ് അദ്ദേഹം ഇംഗ്ലീഷ് വാർത്താ ചാനലായ ന്യൂസ് 18യോട് പറഞ്ഞത്.

തുടർച്ചയായി 10 മാസം കൊവിഡ്; ഒടുവിൽ 72കാരന് രോഗമുക്തി, ശവസംസ്കാരം നടത്താനൊരുങ്ങിയെന്ന് കുടുംബം

“കൂടുതൽ കൂടുതൽ തെളിവുകൾ പുറത്തു വരുമ്പോൾ, കൊവിഡ് -19 മഹാമാരി ഉത്ഭവിച്ചത് വുഹാനിലാണെന്നാണ് ആളുകൾ മനസ്സിലാക്കുന്നത്. എന്നാൽ, വൈറസിന്‍റെ വകഭേദങ്ങൾ മാറ്റി പരീക്ഷിച്ചു നേട്ടമുണ്ടാക്കുന്നതിലാണ് ലാബുകൾ ഏർപ്പെട്ടിരിക്കുന്നത്. നൊബേൽ നാമനിർദ്ദേശം ലോകത്തോടുള്ള ചൈനയുടെ കാഴ്ചപ്പാട് വ്യക്തമായി കാണിക്കുന്നു, അത് വൈരുദ്ധ്യാത്മകവും എന്നാൽ ചൈനീസ് കമ്മ്യൂണിസ്റ്റ് പാർട്ടിയുടെ യുക്തിക്ക് തികച്ചും അനുയോജ്യവുമാണ്’ ലി-മെംഗ് യാൻ പറഞ്ഞു.