‘വനിതാ കമ്മീഷൻ നിസ്സഹായരായ സ്ത്രീകളുടെ അവസാന അത്താണിയാണ്, അന്തസോടെ പെരുമാറണം’: പി കെ ശ്രീമതി

തിരുവനന്തപുരം: വനിതാ കമ്മീഷൻ അധ്യക്ഷ സ്ഥാനത്ത് നിന്നും രാജി വെച്ച എം സി ജോസഫൈനെ പരസ്യമായി തള്ളി പി കെ ശ്രീമതി. വനിതാ കമ്മീഷൻ നിസ്സഹായരായ സ്ത്രീകളുടെ അവസാന അത്താണിയാണ്. പരാതിക്കാരോട് അന്തസ്സോടെ പെരുമാറണമെന്നും മാനുഷിക പരിഗണനയോടെ വേണം പെരുമാറേണ്ടത് എന്നും പി കെ ശ്രീമതി മാധ്യമങ്ങളോട് പ്രതികരിച്ചു.



Also Read : ഡൽഹി ചോദിച്ചത് ആവശ്യമുള്ളതിൻ്റെ നാലിരട്ടി ഓക്സിജൻ; സുപ്രീം കോടതി ഓഡിറ്റ് പാനൽ കണ്ടെത്തൽ



ജോസഫൈൻ തെറ്റ് ഏറ്റുപറഞ്ഞതായും പി കെ ശ്രീമതി വ്യക്തമാക്കി. സെക്രട്ടറിയേറ്റ് യോഗത്തിലും ജോസഫൈൻ ഖേദം പ്രകടിപ്പിച്ചു. പാര്‍ട്ടി സെക്രട്ടേറിയേറ്റി രൂക്ഷമായ വിമര്‍ശനമുയര്‍ത്തി പി കെ ശ്രീമതി. ഇതിന് പിന്നാലെയാണ് മാധ്യമങ്ങളുടെ മുന്നിലും പരസ്യമായി ജോസഫൈനെ തള്ളി ശ്രീമതിയെത്തിയത്.

വിവാദ പരാമര്‍ശത്തെക്കുറിച്ച് സിപിഎം കേന്ദ്ര കമ്മിറ്റി അംഗം കൂടിയായ ജോസഫൈൻ വിശദീകരിച്ചു. എന്നാൽ, ഇ പി ജയരാജൻ അടക്കമുള്ള നേതാക്കള്‍ ജോസഫൈന്റെ നിലപാടിനെ വിമര്‍ശിച്ചു. ജോസഫൈന് എതിരെ കൂട്ടവിമര്‍ശനമാണ് ഉയര്‍ന്നത്. സംഭവം പാര്‍ട്ടിക്ക് നാണക്കേട് ഉണ്ടാക്കിയെന്നായിരുന്നു വിമര്‍ശനം. പാര്‍ട്ടിക്കും സര്‍ക്കാരിനും അവമതിപ്പുണ്ടാക്കിയെന്ന് നേതാക്കള്‍ പറഞ്ഞു.

Also Read : രാജ്യത്ത് 51,000 പുതിയ കൊവിഡ് കേസുകള്‍; 1,329 മരണം



വിഷയത്തിൽ സിപിഎം ഇന്ന് രാജി ചോദിച്ച് വാങ്ങി. കാലാവധി അവസാനിക്കാൻ ഒൻപത് മാസം ബാക്കി നിൽക്കെയാണ് രാജി വച്ചത്. പരാതിക്കാരിയോടെ മോശമായി സംസാരിച്ചത് വലിയ വിവാദമായിരുന്നു.