വ്യായാമം ചെയ്തിട്ടും ഗുണമൊന്നുമില്ലെന്ന് ആര് പറഞ്ഞു? ഈ മാറ്റങ്ങൾ ശ്രദ്ധിക്കൂ

ശരീരഭാരം കുറയ്ക്കുക, മനോഹരമായ ശരീരം നേടുക എന്നിവയൊക്കെയാണ് വ്യായാമം ചെയ്യുന്ന ആളുകൾക്കിടയിലെ ഏറ്റവും സാധാരണമായ ഫിറ്റ്നസ് ലക്ഷ്യങ്ങൾ. എന്നാൽ അത് മാത്രമോ? വ്യായാമം ഒരു വ്യക്തിയുടെ മൊത്തത്തിലുള്ള ആരോഗ്യത്തെ നിർണ്ണയിക്കുന്നു. അതുകൊണ്ട് തന്നെ നിങ്ങളുടെ വ്യായാമങ്ങളുടെ ഫലപ്രാപ്തിയെ സൗന്ദര്യപരമായ മാറ്റങ്ങളിൽ മാത്രം ഒതുക്കുന്നത് നല്ല ആശയമല്ല. പതിവായി വ്യായാമം ചെയ്യുന്നതിലൂടെ നിരവധി നേട്ടങ്ങളുണ്ട്, അവയിൽ ചിലത് നിങ്ങൾക്ക് വ്യക്തമായി കാണാനാകും, മറ്റുള്ളവ അനുഭവപ്പെടുക മാത്രമേയുള്ളൂ. വ്യായാമം ചെയ്യുന്നതിലൂടെ ഉണ്ടാകുന്ന ശാരീരിക വ്യത്യാസങ്ങൾ ശരീരത്തിൽ പ്രത്യക്ഷപ്പെടാൻ ചിലപ്പോൾ സമയം എടുത്തേക്കാം. അതിനാൽ മിക്ക ആളുകളും നിരുത്സാഹിതരാകുകയും വ്യായാമം ഉപേക്ഷിക്കുകയും ചെയ്യുന്നു.



എന്നാൽ ഈ കാര്യം ഓർത്ത് വിഷമിക്കേണ്ടതില്ല, ഇനി പറയുന്ന മാറ്റങ്ങൾ ശരീരത്തിൽ സംഭവിക്കുന്നുണ്ടോ എന്ന് ശ്രദ്ധിക്കൂ, എങ്കിൽ വ്യായാമത്തിന്റെ ഗുണങ്ങൾ നിങ്ങളുടെ ശരീരത്തിൽ ഫലപ്രദമായി ലഭിച്ച് തുടങ്ങിയിരിക്കുന്നു.

കൂടുതൽ കരുത്ത് അനുഭവപ്പെടുന്നത്



വ്യായാമം ചെയ്യാൻ ആരംഭിച്ച ഉടനെ ശരീരഭാരത്തിൽ മാറ്റങ്ങളോ ആകർഷകമായ വയറോ നിങ്ങൾ തൽക്ഷണം കാണാനിടയില്ല, പക്ഷേ നിങ്ങൾക്ക് കൂടുതൽ കരുത്ത് തോന്നും. നിങ്ങൾക്ക് ആരോഗ്യമുണ്ടെന്ന് തോന്നുകയും ദൈനംദിന ജോലികൾ എളുപ്പത്തിൽ ചെയ്യാനുള്ള ഊർജ്ജം ലഭിക്കുകയും ചെയ്യും. മാത്രമല്ല, നിങ്ങൾ ദിവസവും വ്യായാമം ചെയ്യാനുള്ള സമയത്തിനായി കാത്തിരിക്കും. നിങ്ങൾ മികച്ച പ്രകടനം നടത്താനുള്ള സാധ്യതയും, കൂടാതെ ആവർത്തനങ്ങളുടെ എണ്ണം വർദ്ധിപ്പിക്കാനുള്ള സാധ്യതയും കൂടുതലാണ്.

വയർ കുറയ്ക്കാൻ ശീലിക്കാം ബൈസിക്കിൾ ക്രഞ്ചസ്

മികച്ച ഉറക്കം



വ്യായാമം ചെയ്യുന്നത് സമ്മർദ്ദത്തിന്റെ തോത് കുറയ്ക്കുകയും മാനസികാവസ്ഥ മെച്ചപ്പെടുത്താൻ സഹായിക്കുകയും ചെയ്യുന്നു, ഇത് രാത്രിയിൽ മികച്ച ഉറക്കത്തെ പ്രോത്സാഹിപ്പിക്കുന്നു. ഉറക്കമില്ലായ്മ ബാധിച്ച ആളുകൾക്ക് പതിവായി വ്യായാമം ചെയ്യുന്നതിലൂടെ പ്രയോജനം ലഭിക്കുമെന്ന് പഠനങ്ങൾ സൂചിപ്പിക്കുന്നു. ഇത് നിങ്ങളുടെ മനസ്സ് ശാന്തമാക്കുന്നതിലൂടെ രാത്രിയിൽ ഇടയ്ക്കിടെ ഉറക്കമുണരുന്നതിനുള്ള സാധ്യത കുറയ്ക്കുന്നു. രാത്രിയിൽ മികച്ച ഉറക്കം ലഭിക്കുവാനായി വ്യായാമം ചെയ്യാൻ ഏറ്റവും നല്ല സമയം രാവിലെയാണ്. രാത്രി വൈകി വ്യായാമം ചെയ്യുമ്പോൾ, രാത്രിയിൽ നിങ്ങളുടെ തലച്ചോർ സജീവമായി തുടരുകയും, രാത്രി ഉറങ്ങുന്നത് നിങ്ങൾക്ക് ബുദ്ധിമുട്ട് സൃഷ്ടിക്കുകയും ചെയ്യുന്നു.

സമ്മർദ്ദം കുറയുന്നു



നിങ്ങളുടെ മനസ്സിനെ ശാന്തമാക്കാനും സമ്മർദ്ദ നില കുറയ്ക്കാനും നിങ്ങൾ ആഗ്രഹിക്കുന്നുവെങ്കിൽ വ്യായാമത്തേക്കാൾ മികച്ച പ്രവർത്തനം മറ്റൊന്നില്ല. കോർട്ടിസോൾ, എപിനെഫ്രിൻ തുടങ്ങിയ സമ്മർദ്ദ ഹോർമോണുകളുടെ അളവ് കുറയ്ക്കാൻ പതിവായി വ്യായാമം ചെയ്യുന്നത് സഹായിക്കുന്നു. മികച്ച ശ്രദ്ധ കേന്ദ്രീകരിക്കാനും ഉൽ‌പാദനക്ഷമത വർദ്ധിപ്പിക്കാനും മാനസികാവസ്ഥ മെച്ചപ്പെടുത്താനും മൊത്തത്തിലുള്ള വൈജ്ഞാനിക പ്രകടനം വർദ്ധിപ്പിക്കാനും ഇത് നിങ്ങളെ സഹായിക്കുന്നു.

വണ്ണം കുറയ്ക്കാൻ കസേരയിലിരുന്ന് ചെയ്യാം ഈ വ്യായാമം

മെച്ചപ്പെട്ട ആരോഗ്യസ്ഥിതി



ശാരീരിക മാറ്റങ്ങൾ ദൃശ്യമാകണമെന്നില്ല, എന്നാൽ നിങ്ങൾ വ്യായാമം ചെയ്യുമ്പോൾ സ്വയമേവ മെച്ചപ്പെടും. നിങ്ങൾ പതിവായി ഈ പതിവ് പിന്തുടരുമ്പോൾ നിങ്ങളുടെ ആരോഗ്യസ്ഥിതി മെച്ചപ്പെടും. പ്രമേഹത്തിന്റെ ലക്ഷണങ്ങൾ കുറയ്ക്കുന്നതിനും രക്തസമ്മർദ്ദത്തിന്റെ അളവ് നിയന്ത്രിക്കുന്നതിനും കൊളസ്ട്രോൾ നില നിയന്ത്രിക്കുന്നതിനും വ്യായാമം സഹായിക്കും. നിങ്ങൾക്ക് ശരീരത്തിനും മനസ്സിനും കൂടുതൽ ആരോഗ്യം അനുഭവപ്പെടും.

ലൈംഗീകമായുള്ള ഉത്തേജനത്തിന്



ഈയിടെയായി നിങ്ങൾക്ക് വളരെ ക്ഷീണം തോന്നുന്നുണ്ടെങ്കിലോ ലൈംഗീകതൃഷ്ണ കുറവാണെങ്കിലോ വ്യായാമം ചെയ്യുന്നത് നിങ്ങളെ സഹായിക്കും. പതിവ് ശാരീരിക പ്രവർത്തനങ്ങൾ ഊർജ്ജ നില മെച്ചപ്പെടുത്താനും നിങ്ങളുടെ ലൈംഗിക ജീവിതം മനോഹരമാക്കുവാനും സഹായിക്കും. ഇത് പുരുഷന്മാരെയും സ്ത്രീകളെയും തുല്യമായി സഹായിക്കും. കൂടാതെ, പതിവായി വ്യായാമം ചെയ്യുന്നത് ഉദ്ധാരണക്കുറവ് കുറയ്ക്കുകയും ചെയ്യും.