സിറിഞ്ചിൽ വാക്സിനില്ലാതെ കുത്തിവയ്പ്പ്; വീഡിയോ പുറത്ത്, നടപടി സ്വീകരിച്ച് അധികൃതർ

പാറ്റ്ന: കൊവിഡ്-19 പ്രതിരോധ വാക്സിൻ സ്വീകരിക്കാൻ എത്തിയാൾക്ക് ഒഴിഞ്ഞ സിറിഞ്ച് ഉപയോഗിച്ച് കുത്തിവെപ്പ് എടുത്തെന്ന് ആരോപണം. ബിഹാറിലെ ഛപ്രയിലെ ഒരു വാക്സിൻ വിതരണ കേന്ദ്രത്തിൽ നിന്നുള്ള ദൃശ്യങ്ങൾ പുറത്തുവന്നതോടെ വിവരം പുറത്തായത്.



ജൂൺ 21ന് നടന്ന സംഭവത്തിൻ്റെ ദൃശ്യങ്ങളാണ് ഇപ്പോൾ പുറത്തുവന്നത്. ചന്ദ കുമാരി എന്ന നഴ്സാണ് വാക്സിൻ നിറയ്ക്കാതെ യുവാവിന് കുത്തിവയ്പ്പ് എടുത്തത്. നഴ്സിന് കാരണം കാണിക്കൽ നോട്ടീസ് നൽകിയിട്ടുണ്ടെന്നും 48 മണിക്കൂറിനുള്ളിൽ വിശദീകരണം നൽകാൻ ആവശ്യപ്പെട്ടിട്ടുണ്ടെന്നും ശരൺ ജില്ലാ ഇമ്മ്യൂണൈസേഷൻ ഓഫീസർ (ഡിഐഒ) ഡോ. അജയ് കുമാർ പറഞ്ഞുവെന്ന് ‘ഇന്ത്യാ ടുഡേ’ റിപ്പോർട്ട് ചെയ്തു.

ഐഎൻഎസ് വിക്രാന്ത് സ്വാതന്ത്ര്യത്തിന്റെ 75ാം വാര്‍ഷികത്തിൽ സമര്‍പ്പിക്കും; പ്രതിരോധമന്ത്രി രാജ്നാഥ് സിങ്ങ് കൊച്ചിയിൽ

വാക്സിൻ സ്വീകരിക്കാൻ എത്തിയാൾക്കൊപ്പം എത്തിയ വ്യക്തി മൊബൈൽ ഫോണിൽ ദൃശ്യങ്ങൾ പകർത്തിയ വീഡിയോ പുറത്തുവന്നതിന് പിന്നാലെയാണ് വിവാദം ആരംഭിച്ചത്. സിറിഞ്ചിൽ വാക്സിൻ നിറയ്ക്കാതെ നഴ്സ് കുത്തിവെപ്പ് നടത്തുകയായിരുന്നു. ദൃശ്യങ്ങൾ പകർത്തിയ സുഹൃത്ത് വിവരം പറഞ്ഞതോടെയാണ് ഇക്കാര്യം അറിഞ്ഞതെന്നും കുത്തിവെപ്പ് എടുക്കാൻ എത്തിയ വ്യക്തി പറഞ്ഞു. ഒഴിഞ്ഞ് സിറിഞ്ച് ഉപയോഗിച്ച് കുത്തിവെപ്പ് എടുത്തിരുന്നുവെങ്കിലും തനിക്ക് തലവേദന അനുഭവപ്പെട്ടിരുന്നുവെന്നും ഇയാൾ വ്യക്തമാക്കി.

കുത്തിവെപ്പ് സ്വീകരിക്കുന്ന സുഹൃത്തിൻ്റെ മുഖഭാവം ചിത്രീകരിക്കാനാണ് വീഡിയോ പകർത്തിയതെന്ന് ഒപ്പമുണ്ടായിരുന്നയാൾ പറഞ്ഞു. വൈകിട്ട് വീഡിയോ ദൃശ്യങ്ങൾ വീണ്ടും കണ്ടതോടെ സിറിഞ്ചിൽ വാക്സിൻ നിറയ്ക്കാതെയാണ് നഴ്സ് കുത്തിവെപ്പ് നടത്തിയതെന്ന് മനസിലാക്കാൻ കഴിഞ്ഞു. ഇക്കാര്യം വാക്സിനേഷൻ നടത്തിയ കേന്ദ്രത്തിലെ അധികൃതരെ അറിയിച്ചിരുന്നുവെന്നും ഇവർ പറഞ്ഞു.

ജമ്മു കാശ്മീരിൽ തെരഞ്ഞെടുപ്പ് നടത്തുമെന്ന് പ്രധാനമന്ത്രി; സംസ്ഥാന പദവിയിൽ തീരുമാനമായില്ല

അതേസമയം, പരാതി ഉയർന്നതിനെ തുടർന്ന് കുത്തിവെപ്പ് നടത്തിയ നഴ്സിനെ ജോലൊയിൽ നിന്ന് മാറ്റി നിർത്തിയതായും റിപ്പോർട്ടുണ്ട്. വാക്സിൻ വിതരണ കേന്ദ്രത്തിൽ നിന്നുള്ള ദൃശ്യങ്ങൾ സമൂഹമാധ്യമങ്ങളിൽ വൈറലാകുകയാണ്.