11 സംസ്ഥാനങ്ങളിലായി 48 ഡെൽറ്റ പ്ലസ് കേസുകൾ; പട്ടികയിൽ കേരളവും, മുന്നറിയിപ്പുമായി കേന്ദ്രം

ഹൈലൈറ്റ്:

11 സംസ്ഥാനങ്ങളിൽ ഡെൽറ്റ് പ്ലസ് വകഭേദം.
കൂടുതൽ കേസുകൾ മഹാരാഷ്ട്രയിലെന്ന് റിപ്പോർട്ട്.
12 രാജ്യങ്ങളിൽ ഡെൽറ്റ പ്ലസ് വകഭേദം സ്ഥിരീകരിച്ചു.

ന്യൂഡൽഹി: കേരളം ഉൾപ്പെടെയുള്ള 11 സംസ്ഥാനങ്ങളിൽ കൊറോണ വൈറസിൻ്റെ വകഭേദമായ ഡെൽറ്റ് പ്ലസ് റിപ്പോർട്ട് ചെയ്തതായി കേന്ദ്ര സർക്കാർ. 11 സംസ്ഥാനങ്ങളിലായി 48 കേസുകളാണ് ഇതുവരെ സ്ഥിരീകരിച്ചത്. വ്യാപന ശേഷി കൂടുതലുള്ള ഡെൽറ്റ പ്ലസ് വകഭേദത്തെ ഉടൻ തന്നെ പ്രതിരോധിക്കണമെന്ന് ഐസിഎംആർ ഡയറക്ടർ ഡോ. ബൽറാം ഭാർഗവ വ്യക്തമാക്കി.

സിറിഞ്ചിൽ വാക്സിനില്ലാതെ കുത്തിവയ്പ്പ്; വീഡിയോ പുറത്ത്, നടപടി സ്വീകരിച്ച് അധികൃതർ

കേരളം, മധ്യപ്രദേശ്, മഹാരാഷ്ട്ര, ഗുജറാത്ത്, ആന്ധ്ര പ്രദേശ്, തമിഴ്നാട്, ഒഡീഷ, രാജസ്ഥാൻ, ജമ്മു കശ്മീർ, കർണാടക എന്നീ സംസ്ഥാനങ്ങളിലാണ് ഡെൽറ്റ പ്ലസ് വകഭേദം സ്ഥിരീകരിച്ചത്. രാജ്യത്ത് ഏറ്റവുമധികം കൊവിഡ് കേസുകൾ റിപ്പോർട്ട് ചെയ്ത മഹാരാഷ്ട്രയിൽ 20 ഡെൽറ്റ പ്ലസ് കേസുകളും തമിഴ്നാട്ടിലും മധ്യപ്രദേശിലും 9 കേസുകളുമുണ്ട്. കേരളത്തിൽ മൂന്ന് പേർക്കാണ് രോഗം സ്ഥിരീകരിച്ചതെന്ന് ഒരു മാധ്യമം റിപ്പോർട്ട് ചെയ്തു.

കഴിഞ്ഞ ഡിസംബറിൽ രാജ്യത്ത് ആദ്യമായി സ്ഥിരീകരിച്ച ഡെൽറ്റ വകഭേദം ജൂൺ മാസത്തോടെ രാജ്യത്തെ 174 ജില്ലകളിലേക്ക് വ്യാപിച്ചു. അതേസമയം, ഡെൽറ്റ പ്ലസിൻ്റെ വ്യാപനം പ്രാദേശികമാണെന്ന നിലപാടിലാണ് കേന്ദ്ര സർക്കാർ. പഞ്ചാബിലും ഗുജറാത്തിലും രണ്ട് കേസുകളും ആന്ധ്ര, ഒഡീഷ, രാജസ്ഥാൻ, കർണാടക, ജമ്മു കശ്മീർ എന്നിവടങ്ങളിൽ ഒരു കേസുകളുമാണ് സ്ഥിരീകരിച്ചത്. ഈ സംസ്ഥാനങ്ങൾ കരുതലോടെ മുന്നോട്ട് പോകണമെന്നും നിർദേശമുണ്ട്.

‘യുഎസ് നിയമം ലംഘിച്ചു’; കേന്ദ്രമന്ത്രി രവിശങ്കർ പ്രസാദിനെ വിലക്കി ട്വിറ്റർ; ‘വിചിത്രനടപടി’

ഡെൽറ്റ് പ്ലസ് വകഭേദത്തിൻ്റെ സാന്നിധ്യത്തെ തുടർന്ന് മഹാരാഷ്ട്രയിൽ നിയന്ത്രണം കടുപ്പിച്ചു. നിലവിലെ കൊവിഡ് പ്രതിരോധ വാക്സിനുകൾ പുതിയ വകഭേദത്തെ എത്രത്തോളം ചെറുക്കുമെന്ന കാര്യത്തിൽ വ്യക്തത ഉണ്ടായിട്ടില്ല. അമേരിക്ക ഉൾപ്പെടെയുള്ള 12 രാജ്യങ്ങളിൽ ഡെൽറ്റ പ്ലസ് വകഭേദം സ്ഥിരീകരിച്ചിട്ടുണ്ട്.