വർക്ക് ഫ്രം ഹോമിനിടെ ലാപ്ടോപ്പിന് തീപിടിച്ച് പൊട്ടിത്തെറിച്ചു; ടെക്കി യുവതി ഗുരുതരാവസ്ഥയിൽ

അമരാവതി: വീട്ടിലിരുന്ന് ജോലി ചെയ്യവെ ലാപ്ടോപ്പിന് തീപിടിച്ച് പൊട്ടിത്തെറിച്ചു. തിങ്കളാഴ്ചയുണ്ടായ സംഭവത്തിൽ ഐടി എഞ്ചിനീയറായ യുവതിക്ക് ഗുരുതരമായി പരിക്കേറ്റു. ആന്ധ്ര സ്വദേശിയായ 23 കാരി സുമലതയ്ക്കാണ് 80 ശതമാനം പൊള്ളലേറ്റത്. ലാപ്ടോപ്പ് പൊട്ടിത്തെറിച്ച് മുറിക്കുള്ളിൽ തീപിടിക്കുകയായിരുന്നു.

ആന്ധ്രാ പ്രദേശിലെ മേകവാരിപ്പള്ളി ഗ്രാമത്തിലാണ് സംഭവം. ജോലിക്കിടെ ലോപ്ടോപ്പിന് തീപിടിക്കുകയും പൊട്ടിത്തെറിക്കുകയുമായിരുന്നുവെന്ന് പോലീസ് പറഞ്ഞു. ബെംഗളുരു ആസ്ഥാനമാക്കിയുള്ള മാജിക്ക് സൊലൂഷൻ എന്ന കമ്പനിയിലെ ജീവനക്കാരിയാണ് സുമലത. കൊവിഡ് വ്യാപനത്തിനു ശേഷം കുറച്ച് മാസങ്ങളായി സുമലത വീട്ടിലിരുന്നാണ് ജോലി ചെയ്തിരുന്നത്.

‘സസ്പെൻഷൻ അല്ലെങ്കിൽ പുറത്താക്കൽ’; കെ വി തോമസിൻ്റെ മറുപടി ലഭിച്ചെന്ന് താരിഖ് അൻവർ

മകൾ പതിവുപോലെ രാവിലെ 8 മണിക്ക് മുറിയിലിരുന്ന് ജോലി ആരംഭിച്ചതാണെന്ന് യുവതിയുടെ മാതാപിതാക്കളായ വെങ്കട സുബ്ബ റെഡ്ഡിയും ലക്ഷ്മി നരസമ്മയും പറഞ്ഞു.

“ലാപ്ടോപ്പ് മടിയിൽ വെച്ച് ജോലി ചെയ്യവെയാണ് പൊട്ടിത്തെറിച്ചത്. അവളുടെ മുറിയിൽ നിന്നും പുക ഉയരുന്നതുകണ്ട് ഞങ്ങൾ അവിടേക്ക് ഓടിച്ചെന്നു. കത്തിക്കരിഞ്ഞ കട്ടിലിൽ അവൾ അബോധാവസ്ഥയിൽ കിടക്കുകയായിരുന്നു.” സുമലതയുടെ മതാപിതാക്കൾ പറഞ്ഞു. ലാപ്ടോപ്പ് പൊട്ടിത്തെറിച്ചയുടൻ സുമലതയുടെ ബോധം നഷ്ടമായെന്നാണ് നിഗമനം. വൈദ്യുതി ബന്ധം വിച്ഛേദിച്ചതിനു ശേഷമാണ് യുവതിക്ക് ബോധം വന്നത്.

‘അനുമതിയില്ലാതെ യുപിയിൽ മതഘോഷയാത്രകൾ പാടില്ല’; ഉത്തരവിറക്കി യോഗി ആദിത്യനാഥ്

യുവതിയുടെ ആരോഗ്യ നില ഗുരുതരമായി തുടരുകയാണെന്ന് ആശുപത്രി അധികൃതർ വ്യക്തമാക്കി. ലാപ്ടോപ്പിന്റെ ബാറ്ററി അമിതമായി ചൂടായി പൊട്ടിത്തെറിക്കുകയായിരുന്നുവെന്നാണ് സംശയിക്കുന്നത്.