രണ്ട് മാസം മുമ്പ് നീല ചിത്രം കണ്ടതു മുതലാണ് ജംഷീർ ഭാര്യയെ സംശയിച്ചു തുടങ്ങിയത്. മക്കളുടെ മുന്നിൽ വെച്ചാണ് ജംഷീർ പാഷ കൊലപാതകം നടത്തിയതെന്ന് പോലീസ് പറഞ്ഞു.
ബെംഗളുരു സ്വദേശികളായ മുബീനയും ജംഷീറും 15 വർഷം മുമ്പാണ് വിവാഹിതരായത്. ദമ്പതികൾക്ക് അഞ്ച് മക്കളുണ്ട്- ന്യൂ ഇന്ത്യൻ എക്സ്പ്രസ് റിപ്പോർട്ട് ചെയ്തു. രണ്ട് മാസം മുമ്പ് മൂബീനയെ കുടുംബാംഗങ്ങൾ പങ്കെടുത്ത പരിപാടിയിൽ വെച്ച് ജംഷീർ മർദ്ദിച്ചിരുന്നു. 20 ദിവസം മുമ്പ് ക്രൂരമായി മർദ്ദിച്ചതിനെ തുടർന്ന് മുബീനയെ ആശുപത്രിയിൽ പ്രവേശിപ്പിച്ചിരുന്നു.
മകളെ ഭർത്താവ് മർദ്ദിക്കുന്നത് ചൂണ്ടിക്കാട്ടി മുബീനയുടെ പിതാവ് ഗൗസ് പാഷ പരാതി നൽകാൻ തുനിഞ്ഞിരുന്നെങ്കിലും മുബീന സമ്മതിച്ചിരുന്നില്ലെന്ന് കേസ് അന്വേഷിക്കുന്ന പോലീസ് ഉദ്യോഗസ്ഥൻ പറഞ്ഞു.
ഞായറാഴ്ച 12.40 ഓടെയാണ് ജംഷീർ മുബീനയെ കുത്തിയത്. മക്കളിൽ ഒരാൾ വിവരം അറിയിച്ചതനുസരിച്ച് പിതാവ് ഗൗസ് പാഷ എത്തിയപ്പോഴേക്കും മുബീന മരണത്തിനു കീഴടങ്ങിയിരുന്നു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : bengaluru auto driver assumes wife acted in porn movie kills her in front of kids
Malayalam News from Samayam Malayalam, TIL Network
