എല്ലാ ദിവസവും വൈകിട്ട് ആറിന് എറണാകുളത്ത് നിന്നും പുറപ്പെടുന്ന എറണാകുളം – കായംകുളം പാസഞ്ചർ രാത്രി 8.50ന് കായംകുളത്ത് എത്തും. കായംകുളത്ത് നിന്ന് രാവിലെ 8.50ന് പുറപ്പെട്ട് പകൽ 11.30ന് എറണാകുളത്ത് എത്തിച്ചേരും
ഹൈലൈറ്റ്:
- എറണാകുളം – കായംകുളം പാസഞ്ചർ സർവീസ് മെയ് 25 മുതൽ പുനഃരാരംഭിക്കും.
- അൺ റിസർവ് എക്സ്പ്രസ് സ്പെഷലായിട്ടാകും ട്രെയിൻ സർവീസ് നടത്തുക.
- സാധാരണ യാത്രക്കാർ എക്സ്പ്രസിൻ്റെ നിരക്ക് നൽകണം.
‘തീവ്രവാദ സംഘടനകൾ പെൺകുട്ടികളെ മതം മാറ്റുന്നു, നൂറ് കണക്കിന് ഉദാഹരണങ്ങൾ കേരളത്തിലുണ്ട്’; തലശേരി ആർച്ച് ബിഷപ്പ്എല്ലാ ദിവസവും വൈകിട്ട് ആറിന് എറണാകുളത്ത് നിന്നും പുറപ്പെടുന്ന എറണാകുളം – കായംകുളം പാസഞ്ചർ രാത്രി 8.50ന് കായംകുളത്ത് എത്തും. കായംകുളത്ത് നിന്ന് രാവിലെ 8.50ന് പുറപ്പെട്ട് പകൽ 11.30ന് എറണാകുളത്ത് എത്തിച്ചേരും. 16 കോച്ചുകളാകും ഈ ട്രെയിനിന് ഉണ്ടാകുക. എഴുപുന്ന, തിരുവിഴ, കരുവാറ്റ സ്റ്റേഷനുകളിൽ ഹാൾട്ട് ഏജൻ്റുമാരെ നിയമിക്കുന്നതിന് അനുസരിച്ച് സ്റ്റോപ്പുകൾ അനുവദിക്കും.
പാസഞ്ചർ എക്സ്പ്രസായി പുനഃസ്ഥാപിക്കുമ്പോൾ സീസൺ ടിക്കറ്റ് യാത്രക്കാർക്കു നിരക്കിൽ വ്യത്യാസമില്ലെങ്കിലും സാധാരണ യാത്രക്കാർ എക്സ്പ്രസിൻ്റെ നിരക്ക് നൽകണം. കൊവിഡ് നിയന്ത്രണങ്ങളിൽ വൻ ഇളവുകൾ പ്രഖ്യാപിക്കുകയും ജനജീവിതം സാധാരണ നിലയിലേക്ക് നീങ്ങുകയും ചെയ്ത സാഹചര്യത്തിൽ നിർത്തലാക്കിയ സർവീസ് പുനഃരാരംഭിക്കണമെന്ന ആവശ്യം ശക്തമായിരുന്നു. ഇതുസംബന്ധിച്ച് യാത്രക്കാർ നിവേദനം നൽകിയിരുന്നു.
‘സസ്പെൻഷൻ അല്ലെങ്കിൽ പുറത്താക്കൽ’; കെ വി തോമസിൻ്റെ മറുപടി ലഭിച്ചെന്ന് താരിഖ് അൻവർ
കൊവിഡ് നിയന്ത്രണങ്ങളിൽ ഇളവ് സംഭവിച്ചതോടെ രാജ്യത്ത് ട്രെയിൻ സർവീസുകൾ സാധാരണ നിലയിലേക്ക് നീങ്ങുകയാണ്. സാധാരണ യാത്രക്കാർ കൂടുതലായി ആശ്രയിച്ചിരുന്ന പാസഞ്ചർ ട്രയിനുകളുടെ സർവീസുകൾ പഴയ നിലയിലേക്ക് എത്തിക്കണമെന്ന ആവശ്യം ശക്തമാണ്.
കിഴക്കേകോട്ടയിലെ ആകാശപ്പാത തുറക്കുന്നു
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : ernakulam kayamkulam passenger train service will restored
Malayalam News from Samayam Malayalam, TIL Network
