പാർട്ടിയുടെ സംഘടനാ ചുമതലകൾ വഹിക്കാനുള്ള പരമാവധി പ്രായം 75 വയസായി നിശ്ചയിച്ച സാഹചര്യത്തിലാണ് നേതാക്കൾക്ക് പകരം ചുമതല നൽകുന്നത്.
ഹൈലൈറ്റ്:
- പകരം ചുമതല കണ്ടെത്തേണ്ടത് അതതു സമിതികൾ
- തീരുമാനവുമായി സിപിഎം
- നിര്‍ദേശം നൽകിയതായി കോടിയേരി
പ്രായപരിധിയുടെ പേരിൽ കമ്മിറ്റികളിൽ നിന്ന് പുറത്തായവ‍ര്‍ക്ക് പ്രത്യേകം ചുമതലകൾ നൽതാൻ അതതു കമ്മിറ്റികള്‍ക്കാണ് ചുമതല നല്‍കിയിട്ടുള്ളത്. ഇവര്‍ക്ക് നിലവിൽ പാര്‍ട്ടി നല്‍കി വരുന്ന ആനുകൂല്യങ്ങള്‍ തുടരുമെന്നാണ് മാതൃഭൂമി റിപ്പോര്‍ട്ട്. കൂടാതെ ആരോഗ്യപ്രശ്നങ്ങള്‍ ഉള്ളവര്‍ക്ക് ചികിത്സാസഹായം ഉള്‍പ്പെടെ നല്‍കുകയും ചെയ്യും. ഇക്കാര്യങ്ങളിൽ കമ്മിറ്റികള്‍ക്ക് നിര്‍ദേശം നല്‍കിയതായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ വ്യക്തമാക്കി.
Also Read: ബസ്, ഓട്ടോ നിരക്ക് ഉടൻ കൂടും: ഇന്നത്തെ മന്ത്രിസഭാ യോഗത്തിൽ തീരുമാനമെടുക്കും
സിപിഎം സംസ്ഥാന സമിതിയിൽ നിന്നു മാത്രം ഈ വര്‍ഷം 14 പേര്‍ പുറത്തായിട്ടുണ്ട്. ഇവര്‍ക്ക് പകരം ചുമതല നിശ്ചയിക്കേണ്ടത് സംസ്ഥാന സമിതി തന്നെയാണ്. ഈ രീതി മറ്റു സമിതികളിലും തുടരും.
അതേസമയം, പോളിറ്റ് ബ്യൂറോയിൽ നിന്ന് ഒഴിവായ എസ് രാമചന്ദ്രൻ പിള്ളയ്ക്ക് പാര്‍ട്ടി വിദ്യാഭ്യാസത്തിൻ്റെ ചുമതല നല്‍കിയിട്ടുണ്ട്. സംസ്ഥാന ഘടകത്തിനു കീഴിലായിരിക്കും അദ്ദേഹത്തിൻ്റെ പ്രവര്‍ത്തനം. എകെജി സെൻ്റര്‍ കേന്ദ്രീകരിച്ചായിരിക്കും എസ്ആര്‍പി പ്രവര്‍ത്തിക്കുക.
Also Read: ശ്രീലങ്കയിൽ സർക്കാർ വിരുദ്ധ പ്രക്ഷോഭത്തിനിടെ പോലീസ് വെടിവയ്പ്പ്, ഒരു മരണം, നിരവധിപേർക്ക് പരിക്ക്
സംസ്ഥാന സമിതിയിൽ നിന്ന് ഒഴിവായെങ്കിലും ആനത്തലവട്ടം ആനന്ദൻ സിഐടിയു സംസ്ഥാന അധ്യക്ഷനായി പ്രവര്‍ത്തിക്കും. സമിതിയിൽ നിന്ന് ഒഴിവായ കെ ജെ തോമസ് ദേശാഭിമാനി ജനറൽ മാനേജറായി തുടരും. വനിതാ കമ്മീഷൻ മുൻ അധ്യക്ഷ എംസി ജോസഫൈൻ്റെ മരണത്തോടെയാണ് സംസ്ഥാന സമിതിയിൽ ഒഴിവുകളുടെ എണ്ണം രണ്ടായത്.
നേതാക്കളുടെ ചുമതല പുനര്‍നിശ്ചയിച്ച് സിപിഎം സെക്രട്ടറിയേറ്റ് സ്വീകരിച്ച തീരുമാനം സംസ്ഥാന സമിതി അതേപടി അംഗീകരിക്കുകയായിരുന്നു. പുതിയ പട്ടിക അനുസരിച്ച് ഇപി ജയരാജനാണ് എൽഡിഎഫ് കൺവീനര്‍ സ്ഥാനം. തന്നെ ഏൽപ്പിച്ചത് വലിയ ദൗത്യമാണെന്നും മുന്നണിയെ ശക്തിപ്പെടുത്തുമെന്നും ഇ പി ജയരാജൻ പ്രതികരിച്ചു. പി ശശിയ്ക്കാണ് മുഖ്യമന്ത്രിയുടെ പൊളിറ്റിക്കൽ സെക്രട്ടറിയായി നിയമനം ലഭിച്ചത്. പാര്‍ട്ടി തീരുമാനം പുറത്തു വന്നതിനു പിന്നാലെ അദ്ദേഹം സെക്രട്ടറിയേറ്റിലെ മുഖ്യമന്ത്രിയുടെ ഓഫീസിലെത്തി ചുമതലയേറ്റു.
മുൻപ് മുഖ്യമന്ത്രിയുടെ പൊളിറ്റിക്കൽ സെക്രട്ടറിയായി പ്രവര്‍ത്തിച്ച പുത്തലത്ത് ദിനേശനെ ദേശാഭിമാനി പത്രാധിപരായി നിയമിക്കും. ചിന്ത വാരികയുടെ പത്രാധിപരായാണ് തോമസ് ഐസകിൻ്റെ നിയമനം. ചിന്ത പബ്ലിഷേഴ്സിൻ്റെ ചുമതല എം സ്വരാജിനായിരിക്കും.
പ്രിയപ്പെട്ടവളുടെ ഓര്‍മകളെ വരികളും വരകളുമാക്കി കേണല്‍ സുരേശന്‍
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : cpim to appoint senior leaders ousted due to 75 years age cap in key positions
Malayalam News from Samayam Malayalam, TIL Network
