സംസ്ഥാനത്തെ ബസ് ചാര്‍ജും ഓട്ടോ, ടാക്സി നിരക്കുകളും വര്‍ധിപ്പിക്കുന്നത് സംബന്ധിച്ച തീരുമാനം ഇന്നത്തെ യോഗത്തിൽ സ്വീകരിച്ചേക്കും.
ഹൈലൈറ്റ്:
- ഇന്ന് മന്ത്രിസഭായോഗം
- സര്‍ക്കാര്‍ ഉത്തരവ് പുറത്തിറങ്ങിയാൽ നിരക്ക് വര്‍ധിക്കും
- ഓട്ടോ, ടാക്സി നിരക്കുകളും കൂടും
ഓട്ടോറിക്ഷയുടെ മിനിമം ചാര്‍ജ് 25 രൂപയിൽ നിന്ന് 30 രൂപയാക്കി ഉയര്‍ത്താനാണ് തീരുമാനം. ടാക്സികളിലെ കുറഞ്ഞ നിരക്ക് ഇനി മുതൽ 200 രൂപയായിരിക്കും. ജസ്റ്റിസ് രാമചന്ദ്രൻ കമ്മിഷൻ്റെ ശുപാര്‍ശകള്‍ക്ക് പിന്നാലെയാണ് കഴിഞ്ഞ മാസം 30നു ചേര്‍ന്ന എൽഡിഎഫ് യോഗം ബസ് യാത്രാനിരക്കും ഓട്ടോ, ടാക്സി നിരക്കുകളും വര്‍ധിപ്പിക്കാൻ തത്വത്തിൽ തീരുമാനമെടുത്തത്. ഇന്ധനവില വര്‍ധനവ് അടക്കമുള്ള കാര്യങ്ങള്‍ ചൂണ്ടിക്കാട്ടി സംസ്ഥാനത്തെ സ്വകാര്യ ബസുടമകള്‍ നടത്തിയ സമരത്തിനു പിന്നാലെയായിരുന്നു തീരുമാനം. വിഷു, ഈസ്റ്റര്‍ കാലം കഴിഞ്ഞ സാഹചര്യത്തിലാണ് നിരക്ക് വര്‍ധന നടപ്പിലാക്കുന്നത്. മെയ് ഒന്നു മുതലായിരിക്കും പുതിയ മാറ്റം നിലവിൽ വരിക.
അതേസമയം, വിദ്യാര്‍ഥികളുടെ നിരക്കുവര്‍ധന സംബന്ധിച്ച് അവ്യക്തത നിലനിൽക്കുന്നുണ്ട്. ഇക്കാര്യം പരിശോധിക്കാൻ കമ്മീഷനെ വയ്ക്കാനാണ് സര്‍ക്കാര്‍ തീരുമാനിച്ചിട്ടുള്ളത്. വിദ്യാര്‍ഥികളുടെ കുറഞ്ഞ യാത്രാനിരക്ക് ആറു രൂപയാക്കി ഉയര്‍ത്തണമെന്നാണ് ബസുടമകളുടെ ആവശ്യമെങ്കിലും നിലവിലെ നിരക്ക് തന്നെ തുടരണമെന്നാണ് വിദ്യാര്‍ഥി സംഘടനകളുടെ ആവശ്യം.
Also Read: ശ്രീലങ്കയിൽ സർക്കാർ വിരുദ്ധ പ്രക്ഷോഭത്തിനിടെ പോലീസ് വെടിവയ്പ്പ്, ഒരു മരണം, നിരവധിപേർക്ക് പരിക്ക്
പുതിയ നിരക്ക് നിലവിൽ വരുന്നതോടെ ഓട്ടോ ചാര്‍ജ് 30 രൂപയായി ഉയരും. അധികമായി സഞ്ചരിക്കുന്ന ഓരോ കിലോമീറ്ററിനും 12 രൂപയ്ക്ക് പകരം 15 രൂപ നല്‍കണം. 1500 സിസിയിൽ താഴെയുള്ള ടാക്സി കാറുകള്‍ക്ക് ഇനി മുതൽ 200 രൂപയായിരിക്കും കുറഞ്ഞ നിരക്ക്. എൻജിൻ ശേഷി കൂടിയ കാറുകള്‍ക്ക് 225 രൂപ മിനിമം നിരക്ക് നൽകണം. പുതിയ യാത്രാനിരക്കുകള്‍ വ്യക്തമാക്കുന്ന സര്‍ക്കാര്‍ ഉത്തരവ് ഉടൻ പുറത്തിറക്കുമെന്നും ഇതോടെ നിരക്കുകള്‍ നിലവിൽ വരുമെന്നും ഗതാഗത മന്ത്രി ആൻ്റണി രാജു വ്യക്തമാക്കിയിരുന്നു.
അതേസമയം, മിനിമം നിരക്കിൽ ഓട്ടോയിൽ സഞ്ചരിക്കാവുന്ന ദൂരപരിധി ഒന്നര കിലോമീറ്ററിൽ നിന്ന് രണ്ട് കിലോമീറ്ററായി ഉയര്‍ത്തിയിട്ടുണ്ട്. ഓട്ടോകളിലും ടാക്സികളിലും രാത്രിയാത്രാ നിരക്കിലും വെയ്റ്റിങ് ചാര്‍ജിലും മാറ്റമുണ്ടാകില്ല.
പ്രിയപ്പെട്ടവളുടെ ഓര്‍മകളെ വരികളും വരകളുമാക്കി കേണല്‍ സുരേശന്‍
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : kerala cabinet to approve revised bus and auto fare today
Malayalam News from Samayam Malayalam, TIL Network
