‘കാപ്പൻ വന്നാലും സഹകരിപ്പിക്കും’; പ്രതീക്ഷിക്കാത്ത പലരും എൽഡിഎഫിലേക്ക് വരും: ഇ പി ജയരാജൻ

Also Read : ‘ആ തീരുമാനം അംഗീകരിക്കില്ല, അങ്ങനെയെങ്കിൽ പ്രവർത്തിക്കാനും രണ്ടാളേ കാണൂ’; തൃക്കാക്കരയെച്ചൊല്ലി കോൺഗ്രസിൽ തർക്കം



പ്രതീക്ഷിക്കാത്ത പലരും മുന്നണിയിലേക്ക് വന്നേക്കാം. ഇടതുമുന്നണിയുടെ രാഷ്ട്രീയ നയമാണ് ശരി എന്ന് ചിന്തിക്കുന്ന ആർക്കും വരാമെന്നും ഇ പി ജയരാജൻ പറഞ്ഞു. ആർഎസ്പിയെക്കുറിച്ചുള്ള ചോദ്യത്തിന് ആർഎസ്പി എന്നത് ഇടതുപാർട്ടിയാണെന്നും അവർ പുനർചിന്തനം നടത്തണമെന്നും അദ്ദേഹം ആവശ്യപ്പെട്ടു.

ആർഎസ്പിയുടെ സംസ്ഥാന നേതൃത്വം സ്വീകരിച്ച തെറ്റായ നടപടികളാണ് ഇന്നത്തെ അവസ്ഥയിലേക്ക് പാർട്ടിയെ എത്തിച്ചത്. അവർ ശുഷ്കിച്ച് പോയി. യുഡിഎഫിനൊപ്പം പോയതിന്‍റെ ഫലമായി ആ പാർട്ടി ഒന്നുമല്ലാതായി. പുനർചിന്തനം നടത്തിയാൽ നല്ലതാണെന്നും എൽഡിഎഫ് കൺവീനർ പറഞ്ഞു.

Also Read : 6000 ഓഡിയോ ക്ലിപ്പുകൾ, തെളിവു കണ്ടെത്താൻ അഞ്ചംഗ സംഘം; കാവ്യയുടെ ചോദ്യം ചെയ്യൽ നിർണായകം



പി ശശിക്ക് മുഖ്യമന്ത്രിയുടെ പൊളിറ്റിക്കൽ സെക്രട്ടറിയാകാൻ ഒരു അയോഗ്യതയുമില്ലെന്നും ഇ പി ജയരാജൻ നേരത്തെ വ്യക്തമാക്കിയിരുന്നു. ഏക അഭിപ്രായത്തോടെയാണ് സംസ്ഥാന സമിതി തീരുമാനമെടുത്തത്. ഒരാൾക്കെതിരെ നടപടി എടുത്താൽ അത് ആജീവനാന്തമല്ല. തെറ്റുകൾ ആവർത്തിക്കുമോ എന്ന ആശങ്കയുടെ കാര്യമില്ലെന്നും അദ്ദേഹം പറഞ്ഞു.

സിപിഎം പാർട്ടി കോൺഗ്രസിനെത്തിയ സീതാറാം യെച്ചൂരി സഞ്ചരിച്ച വാഹനത്തെ ചൊല്ലിയുള്ള വിവാദത്തിനോട് പ്രതികരിച്ച ഇ പി ജയരാജൻ പാർട്ടി നേതാക്കളെ ഓട്ടോറിക്ഷയിൽ കയറ്റാനാകില്ലെന്നും മറുപടി നൽകി. നേതാക്കൾക്ക് നല്ല സൗകര്യം നൽകണം. ഇന്നോവ ആ‍ഡംബര വാഹനം അല്ല എന്നും അദ്ദേഹം ചൂണ്ടിക്കാട്ടി.