Sumayya P | Samayam Malayalam | Updated: 26 Jun 2021, 10:22:43 AM
എസ്എംഎസ് ലഭിച്ചവര്‍ വെബ്‌സൈറ്റ് സന്ദര്‍ശിച്ച് തങ്ങളുടെ വ്യക്തിഗത വിവരങ്ങള്‍ ഉള്‍പ്പെടെയുള്ള കാര്യങ്ങള്‍ പരിശോധിച്ച് ശരിയാണെന്ന് ഉറപ്പുവരുത്തിയ ശേഷം വേണം തുടര്‍നടപടികളിലേക്ക് കടക്കാം
രജിസ്ട്രേഷന് നടപടികള്‍ ജൂലൈ ഒന്‍പത് വരെ
രണ്ടാം ഘട്ട രജിസ്ട്രേഷന് നടപടികള്‍ ജൂലൈ ഒന്‍പതിന് രാത്രി 10 മണി വരെ തുടരും. ഇതില്‍ നിന്ന് യോഗ്യത, സ്ഥല ലഭ്യത തുടങ്ങിയ മാനദണ്ഡങ്ങളുടെ അടിസ്ഥാനത്തിലായിരിക്കും അന്തിമഘട്ട തെരഞ്ഞെടുപ്പ്. മൊബൈല്‍ എസ്എംഎസ് ലഭിച്ചവര്‍ വെബ്‌സൈറ്റ് സന്ദര്‍ശിച്ച് തങ്ങളുടെ വ്യക്തിഗത വിവരങ്ങള്‍ ഉള്‍പ്പെടെയുള്ള കാര്യങ്ങള്‍ പരിശോധിച്ച് ശരിയാണെന്ന് ഉറപ്പുവരുത്തിയ ശേഷം വേണം തുടര്‍ന്ന നടപടികളിലേക്ക് കടക്കാന്‍. രണ്ടാം ഘട്ട രജിസ്ട്രേഷന് വേളയില്‍ ഹജ്ജിന് കൂടെ വരുന്ന കൂട്ടാളിയുടെ പേര് ചേര്‍ക്കാന്‍ അപേക്ഷകന് അവസരമുണ്ടായിരിക്കുമെന്നും അധികൃതര്‍ അറിയിച്ചു. പക്ഷെ, അവര്‍ ഇത്തവണത്തെ ഹജ്ജിന് ഓണ്‍ലൈന്‍ രജിസ്ട്രേഷന് നടത്തിയവര്‍ ആയിരിക്കണമെന്ന നിബന്ധനയുണ്ട്.
ഹജ്ജ് പെര്‍മിറ്റ് ലഭിക്കാന്‍ ചെയ്യേണ്ട കാര്യങ്ങള്‍ ഇവയാണ്
രജിസ്റ്റര്‍ ചെയ്യാത്തവരെ കൂട്ടാളിയായി സ്വീകരിക്കാന്‍ അനുവാദമുണ്ടായിരിക്കില്ല. ഹജ്ജിനായി നല്‍കപ്പെട്ടിട്ടുള്ള വിവിധ പാക്കേജുകളില്‍ ഒന്ന് സ്വീകരിക്കുകയെന്നതാണ് അടുത്ത പടി. താമസം, ഭക്ഷണം, യാത്ര തുടങ്ങിയ സൗകര്യങ്ങളുടെ അടിസ്ഥാനത്തിലാണ് വിവിധ പാക്കേജുകള്‍ നല്‍കിയിട്ടുള്ളത്. അതില്‍ നിന്ന് അനുയോജ്യമായത് തെരഞ്ഞെടുക്കാം. ശേഷം സദദ് ഇലക്ട്രോണിക് പെയ്‌മെന്റ് സംവിധാനം വഴിയാണ് പാക്കേജിനുള്ള തുക അടയ്‌ക്കേണ്ടത്. ഇവയെല്ലാം പൂര്‍ത്തിയായ ശേഷമാണ് ഹജ്ജ് പെര്‍മിറ്റ് ലഭിക്കുക. എസ്എംഎസ് ലഭിച്ച് മൂന്ന് ദിവസത്തിനകം ഫീസ് അടയ്ക്കുന്നത് ഉള്‍പ്പെടെയുള്ള രണ്ടാം ഘട്ട നടപടിക്രമങ്ങള്‍ മൂന്ന് ദിവസത്തിനകം പൂര്‍ത്തിയാക്കണമെന്ന് മന്ത്രാലയം നേരത്തേ അറിയിച്ചിരുന്നു. നിശ്ചിത സമയത്തിനുള്ളില്‍ രജിസ്ട്രേഷന് പൂര്‍ത്തിയാക്കാത്തവര്‍ക്ക് പകരം പട്ടികയിലെ മറ്റുള്ളവര്‍ക്ക് അവസരം നല്‍കും.
സൗദിയില്‍ താമസിക്കുന്ന സ്വദേശികള്‍ക്കും വിദേശികള്‍ക്കും അനുമതി
കൊവിഡിന്റെ പശ്ചാത്തലത്തില്‍ നിലവില്‍ സൗദിയില്‍ താമസിക്കുന്ന സ്വദേശികളും വിദേശികളുമടക്കം 60,000 പേര്‍ക്കു മാത്രമാണ് ഇത്തവണ ഹജ്ജ് ചെയ്യാന്‍ അവസരമുള്ളത്. ആകെ രജിസ്റ്റര്‍ ചെയ്ത 5.4 ലക്ഷത്തിലേറെ പേരില്‍ നിന്ന് യോഗ്യതയുടെ അടിസ്ഥാനത്തില്‍ നറുക്കെടുപ്പിലൂടെയാണ് ഇവരെ തെരഞ്ഞെടുക്കുക. 18നും 65നും ഇടയില്‍ പ്രായമുള്ളവരും വാക്‌സിന്‍ എടുത്തവരും കഴിഞ്ഞ അഞ്ച് വര്‍ഷത്തിനിടയില്‍ ഹജ്ജ് ചെയ്യാത്തവരും ആരോഗ്യവാന്‍മാരുമായ ആളുകള്‍ക്ക് മാത്രമായിരുന്നു ഇത്തവണ രജിസ്റ്റര്‍ ചെയ്യാന്‍ അവസരം. ജീവിതത്തില്‍ ആദ്യമായി ഹജ്ജിന് അപേക്ഷ നല്‍കുന്നവര്‍ക്ക് മുന്‍ഗണനയുണ്ട്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : hajj 2021 portal moves into second phase saudi arabia
Malayalam News from malayalam.samayam.com, TIL Network
