കെ റെയിൽ സര്‍വേക്കല്ലുകള്‍ പറിക്കുന്നത് കെ സുധാകരനും ഗുണ്ടകളുമാണെന്നും ജുഡീഷ്യറിയെ ധിക്കരിച്ച സുധാകരൻ ജയിലിൽ പോകാൻ തയ്യാറാകണമെന്നുമായിരുന്നു എം വി ജയരാജൻ്റെ പ്രതികരണം.
ഹൈലൈറ്റ്:
- കെ സുധാകരനെതിരെ കേസെടുക്കണം
- കോൺഗ്രസിനെതിരെ എം വി ജയരാജൻ
- യുഡിഎഫ് മുങ്ങുന്ന കപ്പൽ
ജുഡീഷ്യറിയെ ധിക്കരിച്ച സുധാകരൻ തന്നെപ്പോലെ ജയിലിൽ പോയി ഗോതമ്പ് ദോശ തിന്നാൻ തയ്യാറണമെന്നും ജയരാജൻ വ്യക്തമാക്കി. കെ റെയിൽ സാമൂഹികാഘാത സര്‍വേ തുടരാമെന്ന ഹൈക്കോടതി ഉത്തരവിൻ്റെ പശ്ചാത്തലത്തിലും കോൺഗ്രസ് സമരവുമായി മുന്നോട്ടു പോകുകയാണ്. ഇതിനിടയിലാണ് എം വി ജയരാജൻ്റെ പരാമര്‍ശം. കല്ലു പറിക്കാനായി നടക്കുന്നത് സുധാകരനും ചാവേറുകളുമാണ് എന്നായിരുന്നു ഏഷ്യാനെറ്റ് ന്യൂസിനോട് അദ്ദേഹത്തിൻ്റെ പ്രതികരണം. സുധാകരൻ്റെ ചാവേറുകള്‍ ഭീഷണിപ്പെടുത്തിയതുകൊണ്ടാണ് ഉദ്യോഗസ്ഥര്‍ കല്ലിടുന്നത് നിര്‍ത്തിയത്. അതേസമയം, ബൂട്ടിട്ട് സമരക്കാരെ ചവിട്ടിയ പോലീസ് നടപടി തെറ്റാണെന്നും അദ്ദേഹം പറഞ്ഞു.
Also Read: മുഖ്യമന്ത്രി നാളെ അമേരിക്കയിലേക്ക്; പകരം ചുമതല ആർക്കും നൽകിയിട്ടില്ല
യുഡിഎഫ് മുങ്ങിക്കൊണ്ടിരിക്കുന്ന കപ്പലാണെന്നും യുഡിഎഫിലെ ഘടകക്ഷികളെ കടലിൽ മുക്കുന്നത് കോൺഗ്രസാണെന്നും ഇപി ജയരാജൻ പറഞ്ഞു. ആ പാര്‍ട്ടികള്‍ തന്നെ ഇക്കാര്യം തിരിച്ചറിയുന്നുണ്ടെന്നും എം വി ജയരാജൻ പറഞ്ഞു. മുങ്ങി മരിക്കാതിരിക്കാനായി ആ കപ്പലിൽ നിന്ന് രക്ഷപെടേണ്ടതുണ്ടെന്നും ലീഗിലെ പല നേതാക്കളും സിപിഎമ്മിലേയ്ക്ക് വരുന്നുണ്ടെന്നും ജയരാജൻ വ്യക്തമാക്കി.
Also Read: ഭാര്യയെ ഗർഭിണിയാക്കണം; ഭർത്താവിന് 15 ദിവസത്തെ പരോൾ നൽകി രാജസ്ഥാൻ ഹൈക്കോടതി
എൽഡിഎഫ് വിപുലീകരണമാണ് സിപിഎം ലക്ഷ്യമിടുന്നതെന്ന് പുതിയ മുന്നണി കൺവീനര്‍ ഇ പി ജയരാജൻ വ്യക്തമാക്കിയതിനു പിന്നാലെയാണ് എം വി ജയരാജൻ്റെ പ്രതികരണം. കോൺഗ്രസ് ബന്ധം ഉപേക്ഷിച്ചു വന്നാൽ മുസ്ലീം ലീഗിനെ എൽഡിഎഫിൽ എടുക്കുന്ന കാര്യം ആലോചിക്കാമെന്നായിരുന്നു അദ്ദേഹം വാര്‍ത്താ ചാനലിനോടു പറഞ്ഞത്. എന്നാൽ ഇത് എൽഡിഎഫിലേയ്ക്കുള്ള മുസ്ലീം ലീഗിനുള്ള ക്ഷണമല്ലെന്നായിരുന്നു സിപിഎമ്മിൻ്റെയും ലീഗിൻ്റെയും പ്രതികരണം.
വിവാഹത്തിൽ പച്ചക്കറി തൈ വിതരണം
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
Web Title : cpim leader mv jayarajan against k sudhakaran
Malayalam News from Samayam Malayalam, TIL Network
